Ail Gynllun Datblygu Lleol Adneuo Diwygiedig Sir Gaerfyrddin

(12) 11. Polisïau

(1) 11.1 Yn yr adrannau a ganlyn, nodir y Polisïau Strategol a fydd yn sail i'r fframwaith ar gyfer gweithredu a chyflawni'r CDLl. Mae'r fformat a'r strwythur yn adlewyrchu elfennau craidd cynaliadwyedd a datblygu cynaliadwy, a'r pedwar amcan llesiant neu'r themâu a nodir yng Nghynllun Llesiant Sir Gaerfyrddin. Mae hyn yn golygu bod modd croesgyfeirio'r Polisïau Strategol i'r amcanion strategol a nodir yn y ddogfen hon, yn ogystal â'r nodau Llesiant perthnasol. Bydd y polisïau strategol felly wedi'u seilio ar y themâu a ganlyn:

11.2 Cydnabyddir y bydd rhywfaint o orgyffwrdd rhwng y themâu unigol a'u polisïau ac felly dylent gael eu darllen ar y cyd â'i gilydd. Mae testun esboniadol gyda phob polisi strategol.

11.3 Cydnabyddir y goblygiadau o ran llesiant unigolion, eu teuluoedd a'u cymunedau o fewn y Cynllun drwy ganolbwyntio ar greu lleoedd cynaliadwy a chynhwysol. Mae'r ymagwedd gysylltiedig hon ar draws yr holl themâu yn galluogi datrysiadau hirdymor er mwyn sicrhau bod cyfleoedd ar gael i gynnal a gwella llesiant.

11.4 Mae'n cydnabod bod lleoedd cynaliadwy yn cael eu creu drwy gydbwyso nodweddion ecogyfeillgar, economi ffyniannus a chynhwysiant cymdeithasol sy'n anelu i fod o fudd i genedlaethau'r dyfodol yn ogystal â thrigolion presennol.

11.5 Cydnabyddir bod y themâu a'r polisïau a ddyrennir iddynt yn gorgyffwrdd â'i gilydd, ond nodwyd y canlynol o dan y thema Ymyrraeth Gynnar:

11.6 Mae'r polisïau a ganlyn yn ceisio cefnogi cyflawniad amcanion strategol y Cynllun, ond hefyd yn creu cysylltiadau lefel uchel ac yn sicrhau y cydymffurfir yn fras â'r Nodau Llesiant.

11.7 Yr hyn sydd wrth wraidd y CDLl Diwygiedig hwn yw creu Sir gytbwys a chydlynol. Er mwyn cyflawni hyn, mae'n cydnabod bod rôl y Sir fel sbardun cryf ac economaidd ar gyfer twf yn lleol, yn rhanbarthol ac yn genedlaethol yn rhoi lle canolog i Sir Gaerfyrddin mewn Cymru ffyniannus a chynaliadwy. Mae strategaeth twf y Cynllun wedi'i seilio ar egwyddorion datblygu cynaliadwy ac yn gyson â nodau a dyheadau Deddf Llesiant Cenedlaethau'r Dyfodol. Mae strategaeth y Cynllun hefyd yn adlewyrchu arwyddocâd Llanelli fel rhan o Ardal Dwf Genedlaethol Bae Abertawe a Llanelli a nodwyd ym Mholisi 28 o'r Fframwaith Datblygu Cenedlaethol a Chaerfyrddin fel ardal ar gyfer twf rhanbarthol fel y nodwyd ym Mholisi 29 - Ardaloedd Twf Rhanbarthol - Caerfyrddin a Threfi'r Daugleddau.

11.8 Mae'r ymagwedd strategol yn adeiladu ar y pwyslais corfforaethol ar adfywio a'r cyfleoedd a gyflwynir drwy'r Fargen Ddinesig a thrwy gyfleoedd adfywio a buddsoddi eraill. Ar yr un pryd, y mae hefyd yn cydnabod y cyfleoedd a geir drwy'r economi wledig ac anghenion amrywiol cymunedau ledled y Sir. Mae'r strategaeth yn cydnabod rôl cyflogaeth o ran creu Sir ffyniannus - gyda thwf priodol o ran tai ynghyd â chyfleoedd am swyddi a chyflogaeth.

11.9 Yn rhan o'i bolisi corfforaethol, adfywio yw prif amcan y Cyngor. Adlewyrchir hyn drwy:

11.10 Mae'r ffocws hwn ar greu swyddi a buddsoddi yn seiliedig ar leoliad strategol Sir Gaerfyrddin a'i swyddogaeth ranbarthol o ran yr economi. Mae'r strategaeth hon yn ceisio cydnabod ac adlewyrchu hyn, a'r amcanion corfforaethol, trwy gefnogi a chreu lle sy'n ddeniadol i weithwyr a buddsoddwyr.

11.11 Drwy sicrhau bod ein gofynion o ran twf tai yn adlewyrchu, ac yn cefnogi, ein huchelgeisiau economaidd, mae'n galluogi ymagwedd gydgysylltiedig ac integredig er mwyn sicrhau na chaiff y gyd-swyddogaeth o sicrhau twf economaidd ei hystyried ar wahân i dai, ac fel arall.

11.12 Mae'r dull hwn yn gofyn am ddatblygu set gytbwys o amcanestyniadau poblogaeth ac aelwydydd sy'n datblygu ar egwyddorion amcanestyniadau Llywodraeth Cymru yn seiliedig ar 2018. Gwneir hyn er mwyn sicrhau bod cyflenwad digonol o dai i gefnogi cyflawni ein huchelgeisiau economaidd a bodloni anghenion ein cymunedau.

11.13 Mae'r tueddiadau poblogaeth ac aelwydydd, a bennwyd drwy amcanestyniadau Llywodraeth Cymru yn seiliedig ar 2018, yn dilyn patrymau demograffig twf is tebyg amcanestyniadau blaenorol Llywodraeth Cymru. Nid ydynt fodd bynnag yn adlewyrchu uchelgeisiau cadarnhaol y Sir a'r Rhanbarth dros gyfnod y cynllun. Yn ogystal â hyn, mae'n rhaid ystyried cyfraddau cwblhau tai dros y blynyddoedd cynt, sydd yn llawer uwch na gofynion amcanestyniad 2018 Llywodraeth Cymru. Bwriedir i'r strategaeth hon a'i lefelau twf fod yn uchelgeisiol ond yn gyflawnadwy, ac adlewyrchu amcanion ehangach na'r CDLl Diwygiedig hwn yn unig.

11.14 Bydd y Strategaeth hon yn ceisio dosbarthu twf drwy hierarchaeth aneddiadau cynaliadwy sy'n deillio o'r opsiwn gofodol a ffafrir. Mae'n cydnabod yr amrywiaeth ar draws y Sir a chyfoeth ei rhinweddau o ran yr amgylchedd, bioamrywiaeth a'i thirlun naturiol ac adeiledig. Wrth gyflawni'r strategaeth hon, mae hefyd yn cydnabod cyfraniad ardaloedd gwledig Sir Gaerfyrddin a'i hardaloedd trefol tuag at gyflawni ei gweledigaeth ar gyfer 'Un Sir Gâr'.

11.15 Byddwn yn cydweithio'n agos â phartneriaid, darparwyr seilwaith, datblygwyr, buddsoddwyr a chymunedau i gyflawni'r CDLl Diwygiedig a'i strategaeth, polisïau, a chynigion.

(1) 11.16 Bydd yr uchod a'r defnyddiau a nodwyd, lle bo'n briodol, yn cael eu hystyried ymhellach drwy'r Canllawiau Cynllunio Atodol ar ffurf briffiau datblygu. Bydd y briffiau hyn yn ymdrin yn fanylach â datblygu'r safleoedd, mewn modd cynhwysfawr a chydgysylltiedig, gan sicrhau bod cynigion wedi'u hintegreiddio o ran trefnu gwahanol elfennau fesul cam a darparu sbardunau cyflawnadwyedd allweddol fel seilwaith.

11.17 Pwrpas y Polisi hwn yw sefydlu'r egwyddor o ddatblygiad defnydd cymysg (gan gynnwys tai) ar y safleoedd hyn a sbarduno'r farchnad i ddatrys materion a chyflwyno'r safleoedd lle bo angen.

(1) 11.18 Dylid darparu tystiolaeth benodol sy'n dangos yn glir, fel bo'r awdurdod cynllunio lleol yn fodlon, fod cynigion datblygu'n gyson â'r polisïau a ganlyn o fewn y CDLl:

• PSD1: Atebion Dylunio Effeithiol: Cynaliadwyedd a Chreu Lleoedd
• PSD2: Egwyddorion Prif Gynlluniau - Creu Cymdogaethau Cynaliadwy
• PSD3: Rhwydwaith Seilwaith Gwyrdd a Glas
• PSD4: Seilwaith Gwyrdd a Glas - Coed, Coetiroedd a Gwrychoedd
• TRA1: Gwelliannau i'r Seilwaith Trafnidiaeth a Phriffyrdd
• TRA2: Teithio Llesol
• SP9: Seilwaith
• INF1: Rhwymedigaethau Cynllunio
• CCH6: Ynni Adnewyddadwy a Charbon Isel mewn Datblygiadau Newydd

11.19 Bydd yr angen am safleoedd wrth gefn yn cael ei fonitro'n agos drwy'r defnydd o safleoedd wedi'u dyrannu yn rhan o fframwaith monitro'r Cynllun hwn, ac adroddir ar hynny drwy'r Adroddiad Monitro Blynyddol. Os na fydd y safleoedd sydd wedi'u dyrannu (a nodwyd o dan bolisïau HOM1, EME1 ac SG1) yn cyfrannu yn ôl y disgwyl at gyflawni strategaeth y Cynllun, yna bydd y penderfyniad i ddefnyddio Safle Wrth Gefn yn cael ei wneud fel rhan o adolygiad ffurfiol o'r cynllun.

11.20 Mae angen nodi amrywiaeth o safleoedd wrth gefn er mwyn sicrhau bod strategaeth y CDLl yn rhoi digon o hyblygrwydd os bydd datblygiad ar dir wedi'i ddyrannu ac ymrwymiadau presennol yn dod i stop. Bydd sylw yn cael ei roi i ofynion Cymru'r Dyfodol a'r gwaith sydd ar y gweill o baratoi Cynllun Datblygu Strategol ar gyfer y rhanbarth.

11.21 Mae'r Penrhyn yn cynnwys tua 1,780 o hectarau ar hyd ffordd yr A484 a choridor trafnidiaeth Llinell Reilffordd Llundain i Abergwaun. Mae'n ymestyn o gyrion tref hanesyddol Cydweli wrth geg Gwendraeth Fach tua'r gogledd. Mae'r A484, Llinell Reilffordd Llundain i Abergwaun a gwastatir Pinged yn ffinio â dwyrain y safle. Mae Parc Arfordirol y Mileniwm yn ffinio â de/de ddwyrain y safle.

11.22 Er bod y Penrhyn mewn lleoliad da i ddenu pecyn integredig a strategol o gynlluniau adfywio a buddsoddi, y mae hefyd mewn ardal ecolegol sensitif sy'n destun amrywiaeth o ystyriaethau o ran datblygu.

11.23 Mae amrywiaeth gyferbyniol o ddefnyddiau a nodweddion yn creu'r cyd-destun ar gyfer y naws am le. Mae'r rhain yn cynnwys Parc Gwledig Pen-bre i'r de, a'r cylchffordd rasio cerbydau modur a maes awyr i'r gogledd.

11.24 Mae'r ardal yn parhau i fod yn adodd allweddol i breswylwyr, ymwelwyr a bioamrywiaeth fel ei gilydd. O ran hynny, ni ellid cefnogi cynigion datblygu a fyddai'n amharu'n ormodol ar barhad yr adnodd i genedlaethau'r dyfodol.

(1) 11.25 Bydd y Cyngor yn llunio Canllawiau Cynllunio Atodol er mwyn ymhelaethu ar ddarpariaethau'r polisi hwn a chyfleoedd ar y Penrhyn yn y dyfodol.

11.26 Mae'r polisi'n ceisio cydnabod patrwm cyffredinol y ddarpariaeth mewn hierarchaeth draddodiadol o ganolfannau, sy'n amrywio rhwng mân ddarpariaeth leol a'r canolfannau mwy sy'n darparu dewis mwy dros ystod ehangach o gynnyrch. Mae'r canolfannau mwy hefyd yn gweithredu fel lleoliadau ar gyfer gweithgareddau cysylltiedig ym maes hamdden ac adloniant, gan gynnwys sinemâu a bwytai ac ati, ac ar gyfer defnydd swyddfa masnachol, gan gynnwys cyfreithwyr, cyfrifwyr a gwerthwyr tai ac ati.

11.27 At ei gilydd, mae'r ddarpariaeth leol yn cynrychioli nwyddau a gwasanaethau sydd eu hangen o ddydd i ddydd (eitemau cyfleustra), ac y gall trigolion wneud teithiau byr mynych i'w nôl, tra bo'r canolfannau mwy nid yn unig yn darparu'r cyfleusterau hynny, ond hefyd yn darparu eitemau mwy arbenigol (nwyddau cymharu) y bydd siopwyr yn chwilio amdanynt yn llai aml ac yn barod i deithio ymhellach i'w prynu. Yn draddodiadol, mae darpariaeth siopa wedi esblygu yn hierarchaeth o ganolfannau gyda dalgylchoedd yn gorgyffwrdd y naill a'r llall i adlewyrchu eu maint a'u pwysigrwydd.

11.28 O ran darpariaeth adwerthu, dyma'r patrwm sy'n nodweddu Sir Gaerfyrddin, gyda chanolfannau mwy Caerfyrddin, Llanelli a Rhydaman yn gwasanaethu dalgylchoedd mwy yn y gorffennol, gan gynnig ystod eang ac arbenigol o nwyddau ac eitemau.

11.29 Wrth ddiffinio hierarchaeth adwerthu, rhoddwyd sylw i rolau a swyddogaethau perthynol y trefi mwy a'r pentrefi bach. Cydnabyddir, yn hyn o beth, er bod ystod y ddarpariaeth siopa ar hyd a lled yr hierarchaeth yn chwarae rhan hanfodol, ym Mhrif Ganolfannau Caerfyrddin, Llanelli a Rhydaman y ceir ffocws gweithgarwch adwerthu canol tref. Y canolfannau hyn yw'r prif gyrchfannau siopa am nwyddau cymharol (nid bwyd) ac maent yn darparu ar gyfer siopa am brif fwyd a swmp-brynu bwyd a siopa am fwydydd (groser). Mae gan ganol trefi llai eraill ystod a dewis cyfyngedig o siopau nwyddau cymharol ac maent yn darparu'n bennaf ar gyfer siopa am fwyd ychwanegol a siopa am fwydydd (groser). Fodd bynnag, cydnabyddir hefyd fod pob un o'r canolfannau hyn yn cyflawni gwahanol rolau yng nghyd-destun eu cymunedau a'u swyddogaethau daearyddol ehangach. O ran hynny, mae canol tref Caerfyrddin yn cyflawni swyddogaeth is-ranbarthol tra bo canol trefi Rhydaman a Llanelli yn canolbwyntio mwy ar wasanaethu'r cymunedau o'u hamgylch. Fodd bynnag, mae'r polisi hefyd yn ceisio cydnabod yr effaith y mae Covid-19 a'r newid mewn patrymau siopa wedi'i chael ar ein stryd fawr a chanol ein trefi. Yn hyn o beth, mae'r polisi yn ceisio adlewyrchu eu swyddogaeth adwerthu gynhenid gan gydnabod rôl amlswyddogaethol newydd ar gyfer canolfannau o'r fath.

11.30 Cydnabyddir fodd bynnag, er gwaethaf y gwahaniaethau cynhenid rhyngddynt, fod pob canol tref yn profi gwahanol heriau wrth i rôl y stryd fawr newid mewn ymateb i bwysau amrywiol y byd adwerthu. Yn hyn o beth, mae TAN4 yn cynnwys darpariaeth i gymhwyso polisïau priodol i'r canolfannau hynny ar sail eu nodweddion a'u cynaliadwyedd. Wrth ymateb i'r ymagwedd hon a gaiff ei hysgogi'n lleol, bydd amrywio'r hyn a ystyrir yn ganolfan lefel uwch a lefel is yn golygu bod modd ymateb yn fanylach ond yn fwy hyblyg ar sail eu gwahanol raddfeydd a nodweddion. Y mae hefyd yn galluogi'r Cynllun i ymateb i newid mewn amgylchiadau economaidd, a cheisio ymdrin ag amrywio mewn gweithgarwch adwerthu.

11.31 Wrth ddisgrifio nodweddion canolfannau adwerthu a masnachol lefel uwch, nodir yn TAN4 eu bod yn hygyrch i nifer fawr o bobl, a bod graddfa ac ystod amrywiol y defnyddiau sy'n bresennol yn adlewyrchu anghenion y boblogaeth - sydd fel arfer yn cynnwys mwy na'r gymuned leol. Nodweddir y canolfannau hynny fel arfer gan gyfuniad o siopau, swyddfeydd, gwasanaethau ariannol a phroffesiynol, sefydliadau bwyd a diod, gwestai, cyfleusterau addysg, adloniant a hamdden, sefydliadau amhreswyl yn ogystal â phreswyl. (TAN4 paragraff 4.2).

11.32 Ar y llaw arall, nodweddir canolfannau lefel is gan ddarpariaeth ar raddfa lai a llai o ddefnyddiau, gyda'r bwriad o wasanaethu anghenion y gymuned leol yn bennaf. Bydd y rhain fel arfer yn cynnwys siopau, gwasanaethau ariannol a phroffesiynol, bwyd a diod, sefydliadau amhreswyl sydd ar lefel briodol, ond gall gynnwys defnyddiau eraill yn ddibynnol ar y ganolfan (TAN4 paragraff 4.3).

11.33 O ystyried statws blaenorol Llanelli a Rhydaman, mae eu strydoedd mawr wedi profi cyfnodau heriol ac mae'r naill a'r llall wedi cynnal eu swyddogaeth bwysig fel canolfannau adwerthu, er bod y swyddogaeth honno wedi gwanio rhywfaint. Wrth roi ystyriaeth bellach i'r posibiliadau ar eu cyfer hwy, ynghyd â Chaerfyrddin, o ran hierarchaeth adwerthu'r dyfodol, y mae'n bwysig ystyried sut y byddant yn datblygu a'u rôl yn y dyfodol, yn ogystal â'r modd y mae'r Cynllun yn ceisio ymateb i ddirywiad posibl yng nghanol y dref.

11.34 Mae gan Gaerfyrddin rôl is-ranbarthol hirsefydlog ac yn draddodiadol mae wedi bod â phresenoldeb cenedlaethol cryf ar ei stryd fawr ynghyd ag amrywiaeth o siopau lleol. Fodd bynnag, mae Covid-19 wedi cael effaith amlwg ar natur ei darpariaeth adwerthu gyda nifer o gwmnïau cenedlaethol wedi tynnu'n ôl yn sgil yr heriau ariannol a'r ad-drefnu o fewn y sector adwerthu. O ganlyniad, er bod y ganolfan yn gwasanaethu amrywiaeth o anghenion ar gyfer y boblogaeth y tu hwnt i'w chymuned leol a bydd yn parhau i wneud hynny, rhaid i natur ei darpariaeth a'r ystod o ddefnyddiau o fewn y craidd adwerthu traddodiadol allu addasu wrth gadw'r sylfaen adwerthu draddodiadol honno. Mae'r ganolfan yn parhau i fod yn un y gellir ei galw'n rhwydd yn ganolfan adwerthu lefel uwch ar sail y darpariaethau uchod.

11.35 O ran Llanelli a Rhydaman, ceir llai o gwmnïau cenedlaethol yng nghanol y dref, ac i raddau cynyddol mae'r cynnig yng nghanol y dref yn adlewyrchu canol tref sy'n gwasanaethu cymuned fwy lleol. Mae hyn, ynghyd â'r heriau'n gysylltiedig â throsiant unedau adwerthu, a phroblemau o ran cyfraddau unedau gwag, yn golygu bod angen ailwerthuso eu statws blaenorol fel canol trefi lefel uwch. Mae canol trefi Rhydaman a Llanelli, y naill a'r llall, wedi denu ymyraethau sylweddol o ran adfywio, ac mae Tasgluoedd wedi cael eu sefydlu i wynebu rhai o'r heriau a welir yn y ddwy ganolfan. Cafodd Gorchymyn Datblygu Lleol manwl hefyd ei greu ar gyfer canol tref Llanelli, sydd bellach wedi darfod. Mae Gorchmynion Datblygu Lleol pellach am amser cyfyngedig wedi'u mabwysiadu ar gyfer Canol Trefi Caerfyrddin a Rhydaman fel rhan o fentrau adfywio i helpu'r adferiad ar ôl Covid-19 ac i adfywio canol trefi. Bydd rôl y rhain yn y dyfodol a'r posibilrwydd o gael Gorchymyn Datblygu Lleol arall ar gyfer Canol Tref Llanelli arall yn cael eu hadolygu ymhellach er mwyn helpu i weithredu'r CDLl Diwygiedig hwn.

11.36 Yn sgil y ddynameg newidiol yn narpariaeth adwerthu'r naill ganolfan a'r llall ceir mwy o ffocws ar yr angen i'r hierarchaeth a'r polisïau adwerthu gynnig ymateb wedi'i ysgogi'n lleol i'w problemau. O ganlyniad i hyn, mae'r hierarchaeth wedi cael ei sefydlu gyda pholisïau priodol er mwyn caniatáu ar gyfer gwahanol fathau o gyd-destunau adwerthu a masnachol yn nhair Prif Ganolfan y Cynllun. Bydd y rhain yn caniatáu ymagwedd fwy hyblyg o ran y modd y bydd y canolfannau hyn yn datblygu yn y dyfodol.

11.37 Mae trefi llai neu drefi marchnad Castellnewydd Emlyn, Llandeilo a Sanclêr, er enghraifft, gyda'u dalgylchoedd llai fel arfer yn bodloni anghenion lleol gyda rhywfaint o ddarpariaeth arbenigol. Bydd pentrefi mwy yn aml yn ychwanegu at hyn, gan ddarparu eitemau hanfodol i fodloni anghenion o ddydd i ddydd. Bydd ystyriaeth wedi'i rhoi i oblygiadau cynigion ar gyfer siopau cyfleustra newydd y tu allan i'r canolfannau Lefel Uwch, Lefel Ganolig a Lefel Is a nodwyd (a ddiffinnir o fewn y Polisi) ar ganolfannau adwerthu diffiniedig o fewn awdurdodau cyfagos. Dylid cyflwyno asesiad cadarn o'r effaith ar adwerthu i gyd-fynd â chynigion a allai gael effaith andwyol.

11.38 Mae strategaeth adwerthu'r CDLl yn adlewyrchu egwyddorion cymdeithasol, economaidd ac amgylcheddol datblygu cynaliadwy sy'n tanategu'r Cynllun. Y mae hefyd yn ceisio adlewyrchu natur newidiol adwerthu a'r angen i ganol trefi traddodiadol addasu i gyd-fynd â'r newidiadau hynny. Mae'r Strategaeth yn ceisio:

11.39 Mae'r Astudiaeth Adwerthu Gyfredol (2022) ar gyfer Sir Gaerfyrddin yn archwilio materion adwerthu, hamdden a chanol trefi ar draws y Sir, ac yn asesu'r capasiti ar gyfer twf ar draws y sectorau adwerthu, bwyd/diod a hamdden masnachol. Caiff ei llunio er mwyn darparu tystiolaeth yn gysylltiedig â ffurfio polisi, ac i fod yn sail ar gyfer pennu hierarchaeth adwerthu ar gyfer ardal y Cynllun er mwyn llywio penderfyniadau, fel sy'n ofynnol ym Mholisi Cynllunio Cymru. O ganlyniad i hynny, defnyddir yr egwyddor "canol trefi yn gyntaf" ar y cyd â dull dilyniannol o ddewis safleoedd i hyrwyddo canol trefi fel prif leoliadau cyfleusterau adwerthu, swyddfa, hamdden ac iechyd newydd. Nod hynny fydd creu mwy o resymau pam y dylai pobl ymweld â'r canolfannau, a chynnydd wedyn mewn gweithgarwch cymdeithasol ac economaidd a fydd yn cynnal eu hyfywedd.

11.40 Gan ganiatáu amrywio o fewn yr hierarchaeth, bydd disgwyl i adwerthu barhau fel y prif weithgarwch ym mhob un o'r tair canolfan is-ranbarthol a chanolig. Fodd bynnag, nid yw hyn ond un o'r ffactorau a fydd yn cyfrannu at eu llesiant. Ni ellir gwahanu polisïau adwerthu oddi wrth swyddogaethau ehangach y trefi mwy fel canolfannau ar gyfer gwasanaethau a chyfleusterau eraill, gan gynnwys sefydliadau bwyd a diod (caffis, bwytai, tafarndai ac ati) a datblygiadau hamdden masnachol. Mae'r asesiad o anghenion adwerthu, bwyd/diod a hamdden yn yr Astudiaeth Adwerthu Gyfredol yn awgrymu y gallai fod yna rywfaint o le ar gyfer datblygiadau adwerthu yn y dyfodol ac y dylai unrhyw dwf a ragwelir geisio ail-lenwi gofod llawr gwag o fewn canol trefi lle bo modd. Fodd bynnag, mae yna botensial i wella'r sectorau bwyd/diod a hamdden masnachol. Mae'r defnyddiau amrywiol hyn mewn yng nghanol trefi o gymorth i sicrhau eu bod yn parhau i fod yn hyfyw ac - yn enwedig o ran defnyddiau hamdden a phreswyl - yn cyfrannu at fywiogrwydd economi lwyddiannus yn y nos, ac at eu rôl fel canol trefi byw.

11.41 Mae'r CDLl Diwygiedig yn ceisio cael cydbwysedd rhwng diogelu cymeriad adwerthu cyffredinol canol y trefi a darparu ar gyfer amrywiaeth briodol o ddefnyddiau sy'n adlewyrchu eu safle o fewn yr hierarchaeth. Wrth wneud hynny, cydnabyddir bod eu cymeriad a'i hunaniaeth yn cael ei ategu gan bresenoldeb masnachwyr annibynnol sy'n draddodiadol yn gweithredu o'r strydoedd mwy ymylol ac mewn lleoliadau ac y gall hynny fod yn agored i gystadleuaeth. Fodd bynnag, cydnabyddir bod arallgyfeirio yn ei gwneud hi'n bosibl i ychwanegu defnyddiau eraill economaidd a buddiol sy'n ategu'r darpariaeth adwerthu, ac i gynnal adeiladwaith ac ymddangosiad strydoedd ac adeiladau a fyddai fel arall mewn perygl o ddirywio.

11.42 Mae'r potensial am arallgyfeirio priodol o fewn canol y trefi a alluogir drwy'r polisi hwn, yn cydnabod eu cyfraniad at gynyddu eu hapêl yn gyffredinol. Gall cyflwyno darpariaeth adwerthu, hamdden a busnes ategol ac ati gyfrannu at apêl ehangach. Serch hynny, mae'r polisi'n cydnabod pwysigrwydd cael elfen adwerthu gref, ac yn ceisio cynnal bywiogrwydd a hyfywedd darpariaeth adwerthu'r trefi.

11.43 Bydd darpariaeth y tu allan i'r canolfannau is-ranbarthol a chanolig, gan gynnwys siopau pentref lleol, yn gwneud cyfraniad pwysig at swyddogaeth adwerthu Sir Gaerfyrddin. Yn hyn o beth, mae'r canolfannau hynny sy'n bodloni angen am ddarpariaeth adwerthu gyfleus a mân anghenion siopa o ddydd i ddydd yn creu amrywiaeth sy'n gyson â'r amcanion o gynnal cymunedau a lleihau'r angen i deithio hyd yr eithaf. Gall yr aneddiadau hyn a'u cynnig adwerthu ategu swyddogaeth adwerthu aneddiadau sydd yn uwch i fyny'r hierarchaeth a chyfrannu hefyd at weithredu Strategaeth y Cynllun. Gall fod yn ofynnol i gynigion adwerthu cyfleustra y tu allan i ffiniau canol y dref mewn canolfannau o'r fath ddangos tystiolaeth briodol o'r angen am ddarpariaeth adwerthu er mwyn sicrhau nad ydynt yn tanseilio'r gweithgarwch adwerthu yng nghanol y trefi.

11.44 Mae polisïau'r CDLl hefyd yn ceisio sicrhau bod datblygiadau adwerthu, datblygiadau nad ydynt yn rhai adwerthu a datblygiadau hamdden wedi'u lleoli yn y lleoliadau mwyaf priodol. Fel arfer, bydd y lleoliadau mwyaf priodol mewn canolfannau presennol, sy'n hygyrch drwy amrywiaeth o fathau o drafnidiaeth, a gallant hyrwyddo teithiau cysylltiedig i ddefnyddiau eraill yn y ganolfan. Bydd yn ofynnol i ddatblygwyr chwilio'n fanwl am safleoedd mewn canolfannau cyn ystyried safleoedd mewn ardaloedd llai canolog.

11.45 Ceir arweiniad pellach o ran y polisi cynllunio cenedlaethol ym Mholisi Cynllunio Cymru: Rhifyn 11 - Pennod 4 Lleoedd Actif a Chymdeithasol ac yn TAN4 Adwerthu a Chanol Trefi.

11.46 Nid yw Canol Trefi bob amser yn gallu cynnwys siopau adwerthu neilltuol neu ddefnyddiau canol tref eraill fel nwyddau swmpus, gan fod angen safleoedd ac adeiladau mawr ac oherwydd y goblygiadau o ran creu traffig a pharcio. O ganlyniad, caniatawyd lleoliadau y tu allan i ganol y dref ar gyfer safleoedd gwerthu o'r fath, yn unol â chanllawiau cenedlaethol, naill ai ar ffurf unedau unigol neu gyda'i gilydd mewn parciau adwerthu. Os yw'r pwysau am safleoedd gwerthu o'r fath yn parhau, yna mae'r CDLl Diwygiedig yn ceisio ymdrin â pharciau adwerthu ac yn diffinio'r meini prawf y dylid eu cymhwyso i ddatblygiadau arfaethedig. Yn hyn o beth, mae'r polisïau yn gysylltiedig â pharciau adwerthu yn hyrwyddo cydleoli cyfleusterau adwerthu priodol a lleihau casgliadau ar wahân o gyrchfannau adwerthu o fewn y Sir, ar yr amod bod y profion o'r angen, profion o'r effaith a phrofion dilyniannol yn cael eu bodloni. Mae strategaeth o'r fath yn fwy cynaliadwy o ran trafnidiaeth, a bydd yn galluogi busnesau adwerthu i elwa ar apêl cydleoli darpariaeth.

11.47 Mae'r Cynllun yn cydnabod nad yw lleoliadau mewn canol trefi o bosibl yn addas i gynnwys rhai mathau o gyfleusterau adwerthu a hamdden, ac y gall Canolfannau Rhanbarthol (Parciau Adwerthu) gyfrannu at fodloni'r angen hwn. Fodd bynnag ni ddylai graffa, natur na lleoliad datblygiad adwerthu danseilio apêl, bywiogrwydd a hyfywedd canol trefi presennol.

(1) 11.48 Dylid mabwysiadu dull dilyniannol sy'n golygu y dylid ffafrio lleoliadau mewn canol trefi presennol i ddechrau, fel y cânt eu rhestru yn yr hierarchaeth adwerthu ac, ar ôl hynny safleoedd sy'n union am y ffin â chanol trefi. Os nad oes safleoedd addas ar gael yn y lleoliadau hyn, dim ond wedyn y ceir ystyried datblygu mewn lleoliadau ar ymyl canol y dref, ac yn dilyn hynny'r canolfannau rhanbarthol presennol (parciau adwerthu) a ganlyn ond heb fod yn gyfyngedig iddynt:

11.49 Canolfannau Rhanbarthol: (Parciau Adwerthu)

• Ffordd Steffan a Pharc Pensarn, Caerfyrddin;
• (1) Parc Manwerthu / Retail Park (1) Parc Manwerthu / Retail Park (2) Parc Trostre a Pharc Pemberton, Llanelli;
• Parc Adwerthu Cross Hands.
• Parc Adwerthu Maes Yr Eithin, Cross Hands

11.50 Mae Caerfyrddin a Llanelli yn cynnwys darpariaeth adwerthu sylweddol ar barciau adwerthu y tu allan i'r canol trefi perthynol. Prif barciau adwerthu Caerfyrddin yw Heol Steffan a Pharc Pensarn, sy'n cynnwys safleoedd gwerthu amrywiaeth o nwyddau swmpus a nwyddau eraill.

11.51 Parc Trostre a Pharc Pemberton sy'n gwasanaethu Llanelli, ac mae Parc Trostre yn cynnwys nifer fawr o unedau wedi'u meddiannu'n bennaf gan siopau sy'n lluosogi'r stryd fawr. I'r gwrthwyneb, ffocws pennaf Parc Pemberton yw DIY, nwyddau trydanol a dodrefn, sy'n adlewyrchu cyfyngiad ar nwyddau swmpus nad yw'n weithredol ym Mharc Trostre.

11.52 Er bod y parc adwerthu yn Cross Hands yn llai na pharciau Caerfyrddin a Llanelli, mae'n cyflawni rôl bwysig drwy ategu'r ddarpariaeth canol tref yn Rhydaman, drwy gynnig nwyddau DIY, trydanol a dodrefn yn bennaf.

11.53 Lle cynigir datblygiad adwerthu y tu allan i ffiniau canol y dref, bydd yn ofynnol i'r ymgeisydd gyflwyno asesiad effaith i ddangos na fyddai'r cynnig yn niweidio canol trefi sefydledig. Dylai'r asesiad hefyd ystyried effeithiau cronnus datblygiadau a gwblhawyd yn ddiweddar â safleoedd lle bo caniatâd cynllunio yn dal yn weithredol. Dylai'r asesiad amlinellu'r math o ddarpariaeth adwerthu a gynigir gan yr ymgeisydd, a'r modd y gallai hyn effeithio ar ddarpariaeth adwerthu sy'n cystadlu mewn canol trefi cyfagos, ac a allai arwain at wyro masnach o ganol y dref.

11.54 Mae Polisi Cynllunio Cymru Rhifyn 11 yn rhoi cydnabyddiaeth benodol i rôl siopau lleol, siopau pentref a thafarndai mewn cymunedau a'r effaith bosibl yn sgil eu colli. O ganlyniad i hynny, dylid cyfeirio at bolisi RTC2 isod.

11.55 Dylid ystyried cynigion am weithgarwch adwerthu yn ardaloedd gwledig Sir Gaerfyrddin yn unol â pholisi RTC2.

11.56 Wrth geisio diffinio a chreu cymunedau cynaliadwy, mae'r Cynllun yn nodi ac yn cydnabod cyfraniad gwasanaethau lleol. Mae'r rhain yn cynnwys cyfleusterau fel siopau, swyddfeydd post, tafarndai, gorsafoedd petrol, a fydd yn cyfrannu at hyfywedd aneddiadau a chymunedau yn y dyfodol, o ran darparu gwasanaeth ond hefyd drwy gynnig 'mannau cyfarfod' lle gall y gymuned ryngweithio a lle gellir cynyddu'r ymdeimlad o gymuned. Ar ben hynny, mae'r CDLl yn cefnogi darpariaeth adwerthu leol a'r budd economaidd a ddaw yn ei sgil yn y cymunedau.

11.57 Mae'r Cyngor hefyd yn cydnabod pwysigrwydd cyfleusterau a gwasanaethau cymunedol os ceir dibyniaeth gref arnynt yn lleol. Mae gwasanaethau o'r fath yn hollbwysig i sicrhau llesiant economaidd cymunedau a hefyd yn hyrwyddo cynhwysiant cymdeithasol, yn enwedig ymhlith aelodau llai symudol y gymuned.

11.58 Cydnabyddir mai'r aneddiadau gwledig yw'r rhai sydd yn fwyaf agored i golli'r cyfleusterau hynny. Bydd ffactorau fel y galw am dir preswyl a gwerth uchel tir preswyl mewn ardaloedd gwledig yn aml yn arwain at bwysau gan berchnogion eiddo i newid neu ailddatblygu'r cyfleusterau hynny i ddibenion preswyl, hyd yn oed lle bo busnes yn ffynnu. Gall yr incwm o siop neu weithgarwch arall fod yn llai na'r hyn y gellir ei ennill o fath arall o ddatblygiad. Mae'r polisi hwn yn ceisio cymedroli'r pwysau i newid drwy sicrhau na chaniateir colli siop neu gyfleuster os yw'n ddichonadwy a bod lefel y rhent yn briodol, onid oes cyfleusterau eraill rhesymol ar gael.

11.59 Er bod y polisi yn ceisio gwarchod rhag colli cyfleusterau, ceir darpariaeth ar gyfer yr amgylchiadau hynny lle gellir dangos nad oes angen y cyfleusterau hynny mwyach, neu lle nad ydynt yn ddichonadwy.

11.60 I dibenion y polisi hwn, mae pellter cerdded yn unol â'r hyn a nodir yn y Llawlyfr Strydoedd: Yr Adran Drafnidiaeth/Cymunedau a Llywodraeth Leol/Llywodraeth Cynulliad Cymru - 2007^[48]. Nodir yn y Llawlyfr mai'r hyn sydd fel arfer yn nodweddu cymdogaethau cerddadwy yw ystod o gyfleusterau o fewn 10 munud (hyd at tua 800m) o bellter cerdded o ardaloedd preswyl, y gall preswylwyr eu cyrraedd yn rhwydd ar droed.

11.61 Gellir diffinio marchnata eiddo i ddibenion y polisi hwn fel hysbysebu mewn cyhoeddiad o fewn y diwydiant priodol neu, lle bo'n briodol, drwy werthwyr tai lleol am gyfnod rhesymol o amser ac am bris rhesymol.

11.62 Yn aml gall cynigion am siopau newydd mewn ardaloedd gwledig sy'n ychwanegol at ddefnyddiau eraill wneud cyfraniad pwysig i'r economi wledig. Bydd darpariaeth o'r fath, boed hynny ar ffurf siopau fferm (a fydd o gymorth i fodloni'r galw am gynnyrch ffres), siopau crefft a siopau'n gysylltiedig â gorsafoedd petrol, nid yn unig yn bodloni gofynion lleol ond hefyd yn ffynhonnell i greu swyddi.

11.63 Er bod potensial i'r ddarpariaeth honno wasanaethu cymunedau gwledig, mae'n rhaid iddi adlewyrchu ei chyd-destun gwledig. Yn hynny o beth, dylai'r siop fod yn gysylltiedig â busnes presennol ac yn israddol i'r busnes hwnnw, ac ni ddylai fod â mwy na 200 metr sgwâr gros o ofod llawr.

11.64 Cydnabyddir y gall siopau mewn ardaloedd gwledig greu cyfleoedd am swyddi ychwanegol a chefnogi arallgyfeirio economaidd yng nghefn gwlad yn ogystal â darparu gwasanaeth i gymunedau lleol.

11.65 Caiff y Cyngor geisio defnyddio amodau cynllunio i gyfyngu ar ystod y nwyddau a werthir neu i gyfyngu ar yr arwynebedd llawr lle bo'n briodol, er mwyn atal unrhyw niwed sylweddol i weithgarwch adwerthu cyfagos. Yn ogystal â hyn, bydd yn rhaid ystyried y potensial i'r cynnig weithredu ar sail dymhorol os nad yw'n ddymunol iddo weithredu drwy gydol y flwyddyn.

11.66 Fel y nodwyd, gall siopau sy'n ategol i ddefnyddiau eraill, fel siopau fferm a fydd o gymorth i ateb y galw am gynnyrch ffres, siopau crefft a siopau'n gysylltiedig â gorsafoedd petrol, chwarae rôl bwysig mewn ardaloedd gwledig drwy ddarparu ffynonellau newydd ar gyfer swyddi a gwasanaethau. Fodd bynnag, wrth asesu'r cynigion hynny bydd yn rhaid ystyried yr effaith bosibl ar ganolfannau adwerthu a masnachol cyfagos, ac yn enwedig ar siopau pentref^[49]. Ystyrir defnyddio amodau cynllunio i gyfyngu ar ystod y nwyddau a werthir neu gyfyngu ar arwynebedd y llawr os yw hynny'n galluogi bwrw ymlaen â'r datblygiad.

11.67 Cydnabyddir y problemau economaidd gymdeithasol gan gynnwys tlodi ac amddifadedd yn wynebu rhannau gwledig a threfol ein Sir yng ngweledigaeth "Un Sir Gâr" y Cynllun hwn. I'r perwyl hwn, mae'r Cynllun yn ceisio mynd i'r afael â'r problemau hyn drwy sicrhau bod pawb yn cael cymaint o gyfle ag sy'n bosibl i gynnal neu gynyddu eu ffyniant a'u hymdeimlad o lesiant.

11.68 Mae'r cyfleoedd hyn yn cynnwys darparu ar gyfer tai newydd, gan gynnwys tai fforddiadwy, a swyddi, yn ogystal â llywio buddsoddiad newydd a blaenoriaethau o ran seilwaith, gan barchu ffabrig cymdeithasol y Sir ar yr un pryd, gan gynnwys y Gymraeg, diwylliant Cymreig a'i naws am le.

11.69 Cydnabyddir bod y themâu a'r polisïau a ddyrennir iddynt yn gorgyffwrdd â'i gilydd, ond nodwyd y canlynol o dan y thema hon:

• Polisi Strategol – SP3: Dosbarthu Cynaliadwy – Fframwaith Aneddiadau
• Polisi Strategol – SP 4: Darparu Tai Newydd
• Polisi Strategol – SP 5: Tai Fforddiadwy
• Polisi Strategol – SP 6: Safleoedd Strategol
• Polisi Strategol – SP 7: Cyflogaeth a'r Economi
• Polisi Strategol – SP 8: Y Gymraeg a Diwylliant Cymru
• Polisi Strategol – SP 9: Seilwaith
• Polisi Strategol – SP 10: Darpariaeth i Sipsiwn a Theithwyr
• Polisi Strategol – SP 11: Yr Economi Ymwelwyr
• Polisi Strategol – SP 12: Gwneud Lle, Cynaliadwyedd a Dylunio o Ansawdd Uchel

11.70 Mae'r polisïau a ganlyn yn ceisio cefnogi cyflawniad amcanion strategol y Cynllun, ond hefyd yn creu cysylltiadau lefel uchel ac yn sicrhau y cydymffurfir yn fras â'r Nodau Llesiant.

(1) 11.71 Mae'r Cynllun yn ceisio dosbarthu twf a datblygu yn ofodol ar draws y sir, gan ddyrannu aneddiadau i un o 6 chlwstwr yn yr hierarchaeth. Mae'r dull sy'n seiliedig ar glystyrau yn hyblyg wrth ddosrannu twf newydd ac mae'n osgoi unrhyw dybiaeth bod yn rhaid i bob anheddiad ym mhob haen gyfrannu at dwf. Rhoddwyd ystyriaeth hefyd i aneddiadau sy'n croesi ffiniau, a sut maent yn effeithio ar rôl a swyddogaeth aneddiadau ffiniol Sir Gaerfyrddin. Mae'r rhain yn cynnwys: Pontarddulais, Llanbedr Pont Steffan, Adpar, Arberth a Llandysul. Cyfeirir at y sylfaen dystiolaeth mewn perthynas â dosbarthiad tai.

11.72 Er y bydd y rhan fwyaf o'r datblygiadau'n cael eu cyfeirio at haenau uchaf yr hierarchaeth aneddiadau, cydnabyddir amrywiaeth y Sir a rhoddir ystyriaeth i dai mewn ardaloedd gwledig a gwerth ardaloedd o'r fath i'r Sir. O fewn pentrefi gwledig (Haen 4) ac aneddiadau heb eu diffinio, bydd datblygiadau tai newydd yn gyfyngedig i gyfleoedd ar raddfa fach. Cyfeirir at Bolisi HOM3 a HOM4 o'r Cynllun hwn.

11.73 Er bod yr uchod yn cyfeirio'n benodol at dwf preswyl, bydd y fframwaith aneddiadau, ar y cyd â pholisïau penodol, hefyd yn arwain y gwaith o ystyried lleoliadau cynaliadwy priodol - gyda mynediad at wasanaethau a chyfleusterau - a maint datblygiadau eraill (gan gynnwys cyflogaeth).

11.74 Mae'r canlynol yn rhoi amlinelliad dangosol o natur y datblygiadau sy'n debygol fesul haen, gan gynnwys eu maint a'u math.

Prif Ganolfannau

Safleoedd Strategol

Ardaloedd cyflogaeth mawr a bach

Dyraniadau tai

Safleoedd tai bach (llai na 5 cartref);

Darpariaeth Tai Fforddiadwy ar safleoedd sy'n cynnwys 5 neu fwy o unedau

Cyfleoedd tai ar hap-safleoedd

Canolfannau Gwasanaeth:

Ardaloedd Cyflogaeth Graddfa Fach

Dyraniadau Tai

Darpariaeth Tai Fforddiadwy ar safleoedd sy'n cynnwys 5 neu fwy o unedau

Safleoedd tai bach (llai na 5 cartref);

Cyfleoedd tai ar hap-safleoedd

Pentrefi Cynaliadwy:

Dyraniadau Tai

Tai fforddiadwy ar safleoedd tai sy'n cynnwys 5 neu fwy o unedau.

Safleoedd tai bach (llai na 5 cartref);

Cyfleoedd tai ar hap-safleoedd

Cynlluniau Eithriedig Gwledig Graddfa Fach ar gyfer Tai Fforddiadwy sy'n ffinio ag anheddiad

Pentrefi Gwledig (dim terfynau datblygu):

Safleoedd bach - tai ar safleoedd mewnlenwi neu estyniadau/rowndio

Cynlluniau Eithriadau Gwledig Bach ar gyfer tai fforddiadwy

Aneddiadau Gwledig heb eu Diffinio:

Tai i ddiwallu anghenion lleol a Chynlluniau Eithriadau Gwledig Bach ar gyfer tai fforddiadwy.

(1) 11.75 Wrth baratoi'r Cynllun hwn, mae terfynau datblygu wedi'u diffinio ar draws yr holl aneddiadau o fewn Haenau 1, 2, a 3, er mwyn:

• Atal datblygu amhriodol yng nghefn gwlad a rhoi sicrwydd ac eglurder ynghylch lle y gellir ystyried bod cynigion eithriadau (yn gyfagos i derfynau) yn briodol;
• Atal cyfuno aneddiadau (neu rannau ar wahân o'r un anheddiad), datblygiad hirgul annerbyniol neu ddatblygiad tameidiog.
• Nodi'r ardaloedd hynny lle byddai cynigion datblygu yn cael eu caniatáu (gweler uchod); a
• Hyrwyddo defnydd effeithiol a phriodol o dir sy'n canolbwyntio twf o fewn aneddiadau diffiniedig.

11.76 Nid yw pob tir ar Fap Cynigion a Mapiau Mewnosod wedi ei nodi ar gyfer datblygiad penodol, nac yn destun polisi penodol. Gall ardaloedd sylweddol o dir ymddangos fel tir heb ei anodi yn y Cynllun. Bydd cynigion datblygu yn cael eu hystyried ar sail eu rhinweddau unigol yn erbyn darpariaethau'r CDLl hwn, ac ystyriaethau perthnasol eraill.

11.77 Nod y Cynllun yw hwyluso'r gwaith o ddarparu'r nifer a'r dewis o dai newydd sy'n ofynnol. Bydd y rhain yn bodloni'r anghenion am dai a nodwyd ac yn hyrwyddo cymunedau cydlynus sydd yn ddeniadol, yn hygyrch, yn ddiogel, wedi'u cysylltu'n dda ac yn cynnig mynediad at gyfleusterau diwylliannol a hamdden, gwasanaethau cymunedol a chyfleoedd am gyflogaeth.

11.78 Cafodd Strategaeth y Cynllun a'i dull cynaliadwy o ddarparu tai newydd ei seilio ar egwyddorion datblygu cynaliadwy. Mae hyn yn gyson â nodau a dyheadau Deddf Llesiant Cenedlaethau'r Dyfodol a pholisi cynllunio cenedlaethol^[50]. Mae'n canolbwyntio ar fodloni anghenion tai ar draws cymunedau amrywiol y Sir mewn modd sy'n gynaliadwy, yn parchu rhinweddau amgylcheddol y Sir a'i nodweddion o safbwynt diwylliant a'r Gymraeg.

(1) 11.79 Mae'r Cynllun hwn yn cyfrifo nifer o gydrannau cyflenwi tai er mwyn bodloni'r angen am dai, ynghyd â hyblygrwydd (cynnydd) er mwyn sicrhau y bydd nod cyffredinol y polisi strategol i ddarparu tai newydd yn cael ei gyflawni. Mae'r cyflenwad tai yn cynnwys y cydrannau a ganlyn:

Dyraniadau Tai

11.80 Cydran fwyaf y cyflenwad tai yw safleoedd a ddyrannwyd i'w datblygu'n breswyl. Caiff dyraniadau tai eu nodi mewn polisïau tai penodol neu eu cynnwys yn rhan o ddyraniadau defnydd cymysg.

11.81 Bydd y polisïau penodol yn ystyried y datblygiadau sydd wedi cael eu cychwyn neu yr ymrwymwyd iddynt ers dyddiad sylfaen y CDLl diwygiedig, a byddant yn cael eu monitro'n barhaus drwy'r Taflwybr Tai (Atodiad 7).

Hap-safleoedd

(1) 11.82 Mae'r ddarpariaeth ar gyfer hap-safleoedd wedi'i seilio ar y ffactorau a ganlyn:

(1) 11.83 Bydd datblygiadau ar hap-safleoedd yn cael eu hystyried ar sail eu rhinweddau unigol, ac yn erbyn polisïau a chynigion y Cynllun hwn. Cydnabyddir nad yw hi bob amser yn ymarferol nac yn briodol dyrannu pob safle i'w ddatblygu. Yn aml ceir safleoedd sy'n addas i'w datblygu nad ydynt wedi'u pennu fel dyraniadau, a bydd eu cyfraniad at y cyflenwad o dir ar gyfer tai wedi'i nodi drwy'r ddarpariaeth hap-safleoedd.

11.84 Mae'r tir a ddyrannwyd ar gyfer tai a nodwyd drwy'r polisi hwn a thrwy ddarpariaethau eraill y Cynllun hwn yn ceisio bodloni'r gofynion tir ar gyfer tai yn y Sir. Wrth eu dosbarthu, cafodd y dyraniadau hynny eu llywio at aneddiadau mewn modd a oedd yn gyson â strategaeth gyffredinol y Cynllun. Fodd bynnag, mae'r Cynllun yn ceisio cyflawni hyn drwy hierarchaeth strwythuredig a thrwy ddosbarthu twf mewn modd sy'n golygu bod mwyafrif y tir sydd ei angen ar gyfer y tai yng nghanolfannau cynaliadwy Caerfyrddin, Llanelli a Rhydaman/Cross Hands. Mae dyraniadau pellach wedi'u dosbarthu ar draws gweddill yr hierarchaeth.

11.85 Bwriedir i'r niferoedd ar safleoedd a amlygwyd ym Mholisi HOM1 fod yn niferoedd dangosol, ac iddynt gael eu hystyried fesul safle. Rhoddir ystyriaeth bellach i'r niferoedd hynny wrth gyflwyno ceisiadau. Bydd yn rhaid rhoi ystyriaeth hefyd i bolisïau a darpariaethau'r cynllun hwn, ac i egwyddorion dylunio eraill perthnasol.

11.86 I gyd-fynd â chynigion i ddatblygu safleoedd a ddyrannwyd ar gyfer tai a gyflwynir mewn ceisiadau am Ganiatâd Cynllunio Llawn neu ganiatâd ar gyfer Materion a Gadwyd yn Ôl, dylid cyflwyno cynllun o'r safle sydd wedi'i ddyrannu yn ei gyfanrwydd, er mwyn sicrhau bod y safle'n cael ei ddatblygu'n unol â'i botensial llawn, ei fod yn darparu cymysgedd o dai o wahanol fathau, maint a deiliadaeth, a'i fod yn diwallu anghenion y boblogaeth leol. Dylid cyfeirio hefyd at bolisi PSD2 yn gysylltiedig â gofynion prif gynlluniau.

11.87 I ategu'r Cynllun ceir Cynllun Cyflawni Seilwaith sy'n rhoi manylion pellach ynghylch amserlennu, ariannu a chyflawni seilwaith sydd ei angen ar gyfer pob safle allweddol. Yn hyn o beth, bydd yn ofynnol hefyd i gynigion liniaru yn erbyn unrhyw effeithiau polisi posibl sy'n gysylltiedig â'i ddatblygiad.

11.88 Mae safleoedd a all gynnwys pum neu fwy o anheddau wedi'u cynnwys fel safleoedd tai wedi'u dyrannu yn y Cynllun (gweler Polisi HOM1). Fodd bynnag, o fewn ffiniau datblygu aneddiadau diffiniedig gallai cyfleoedd godi i ddatblygu ar safleoedd heb eu dyrannu. O fewn yr hierarchaeth aneddiadau, gelwir tir nad yw wedi'i ddyrannu yn hap-safle yn gysylltiedig â datblygiad tai. Dylai cynigion adlewyrchu cymeriad yr ardal a bod yn gyson â darpariaethau'r Cynllun.

11.89 Mae'r fframwaith aneddiadau ar gyfer ardal y Cynllun a nodir ym Mholisi Strategol SP3 yn cydnabod ac yn adlewyrchu amrywiaeth yr ardal a'i chymunedau. Wrth nodi'r Pentrefi Gwledig, mae'r Cynllun yn ceisio darparu ar gyfer yr aneddiadau hynny sy'n gwneud cyfraniad pwysig o fewn eu cymunedau a chynnig cyfleoedd ar gyfer tai newydd addas ac ar raddfa fach mewn lleoliadau gwledig.

(1) 11.90 Mae'r rhan hon o fframwaith polisi gwledig y Cynllun yn ceisio sefydlu ymagwedd hyblyg ond rheoledig at ddarparu tai newydd o fewn yr aneddiadau hynny. Mae'r Cynllun yn defnyddio asesiad seiliedig ar feini prawf i ddiffinio cyfleoedd tai ar raddfa fach mewn pentrefi gwledig ac i ddiwallu'r angen am dai newydd mewn rhannau gwledig o Sir Gaerfyrddin, ar raddfa ac mewn lleoliadau sy'n cynnal cymeriad hanfodol cefn gwlad.

(2) 11.91 Er mwyn adlewyrchu'r cymeriad gwledig ac atal lefelau twf annerbyniol a allai fod yn niweidiol, caniateir cap o 10% yn ychwanegol at nifer y tai presennol yn yr anheddiad, ar ddyddiad sylfaen y Cynllun.

11.92 Cyhoeddir canllawiau pellach ar ffurf Canllaw Cynllunio Atodol er mwyn cynorthwyo i ddehongli a chymhwyso'r uchod, a'r polisi. Bydd y canllaw yn rhan o gyfres o Ganllawiau Cynllunio Atodol i gynorthwyo gydag ystyriaethau ynghylch dylunio a lleoli yn gyffredinol, ac yn galluogi cynigion i gyfrannu at ddatblygu cymunedau cydlynus a chynaliadwy, ac integreiddio'n effeithiol iddynt.

Canllawiau ar Leiniau Derbyniol

1. Bydd safleoedd mewnlenwi o fewn y pentrefi gwledig hyn yn cael blaenoriaeth dros leoliadau eraill;
2. Lle bo'n briodol, bydd safleoedd sy'n ffinio â phentref gwledig hefyd yn dderbyniol. Bydd yn ofynnol i safleoedd o'r fath ffinio ag un eiddo sy'n rhan o grŵp y pentref gwledig. Bydd yn ofynnol i bob cynnig sy'n ffinio â grŵp (yn wahanol i safleoedd mewnlenwi) ddangos y canlynol:
   • nodwedd ffisegol neu weledol bresennol sy'n creu ffin i'r grŵp - gan leihau pwysau am ddatblygiad hirgul neu flerdwf trefol annerbyniol;
   • os nad oes nodwedd o'r fath yn bodoli, gellid darparu nodwedd o'r fath ar yr amod ei bod yn cyd-fynd â chymeriad y grŵp o ran graddfa ac ymddangosiad;
3. Ni fydd cynigion mewn caeau agored sy'n ffinio â grŵp, nad oes ganddynt unrhyw nodweddion ffisegol i'w hamgylchynu yn cael eu hystyried yn dderbyniol;
4. Ni chaiff cynigion y tu hwnt i nodweddion ffisegol clir sy'n creu ffiniau cryf o amgylch grŵp (ee, priffyrdd, lleiniau sylweddol o goed, afonydd ac ati) yn cael eu hystyried yn dderbyniol.

11.93 Ceir nifer nodedig o aneddiadau bach neu grwpiau o anheddau ledled y Sir nad ydynt wedi'u diffinio o fewn y fframwaith aneddiadau, ac fel y cyfryw nid oes ganddynt derfynau datblygu.

11.94 Nodir hefyd fod angen cyflenwi'r ddarpariaeth honno yn erbyn agenda genedlaethol sy'n canolbwyntio ar gynaliadwyedd â chreu lleoedd yn rhan greiddiol o hynny. Yn hyn o beth, cyfeirir at ddarpariaethau Polisi Cynllunio Cymru Rhifyn 11, sy'n ei gwneud hi'n ofynnol arfer rheolaeth lem dros bob datblygiad preswyl nad yw wedi'i leoli ger aneddiadau presennol. Gan adlewyrchu darpariaethau polisi cenedlaethol, mae'r polisi felly'n mynnu bod anheddau i fodloni angen lleol am dai fforddiadwy mewn ardaloedd gwledig yn cael eu cyfyngu i grwpiau sefydledig o anheddau.

11.95 Er bod sylfaen gadarn o dystiolaeth i gefnogi'r CDLl Diwygiedig, cydnabyddir bod manylion anghenion tai yn newid dros amser. Ar gyfer cynigion am dai fforddiadwy, bydd yn ofynnol cyflwyno tystiolaeth i ddangos yr angen penodol lleol a sicrhau bod y cynnig yn darparu tai o'r maint, o'r math ac o'r ddeiliadaeth sydd ei hangen. Ni chaiff cynigion i fodloni angen lleol tybiannol eu hystyried. Yn lle hynny, dylent fod yn gysylltiedig ag angen a nodwyd gan unigolion/teuluoedd o fewn yr ardal benodol.

11.96 Lle bônt ar gael, dylid defnyddio arolygon anghenion tai lleol i ddarparu'r dystiolaeth hon. Fel arall, gellir ystyried bod ffurfiau eraill ar dystiolaeth yn briodol, gan gynnwys Asesiadau Ardal Marchnad Dai Strategol, a chofrestrau anghenion/gosod tai lleol.

11.97 Bydd mesurau'n cael eu gorfodi i reoli meddiannaeth, er mwyn sicrhau bod manteision fforddiadwyedd yn cael eu cadw am byth i feddianwyr dilynol. Ceir diffiniad o Aneddiadau Gwledig Anniffiniedig a Thai sy'n Bodloni Anghenion Lleol yn y Rhestr Termau.

11.98 Mae'r polisi hwn yn ceisio adlewyrchu potensial cyfleoedd i addasu anheddau presennol priodol yn lle adeiladu o'r newydd. Yn aml gall cyfleoedd o'r fath greu ystod a deis ychwanegol o fewn y stoc tai, a chynnig opsiynau eraill i berchnogion eiddo, lle nad yw meddiannaeth unigol mewn anheddau mwy yn briodol mwyach.

11.99 Dylai estyniadau fod yn israddol i'r annedd bresennol, a cydweddu â maint, math a chymeriad yr annedd bresennol, a pheidio ag achosi gorddatblygu (dylid cyfeirio at bolisi PSD10: Estyniadau). Lle bo'n briodol, anogir ailddefnyddio deunyddiau yn rhan o unrhyw ddatblygiad mewn cynigion.

11.100 Fel rhan o unrhyw gynnig datblygu, dylid cyfeirio at Bolisi PSD1 o'r Cynllun hwn sy'n ymwneud ag Atebion Dylunio Effeithiol: Cynaliadwyedd a Chreu Lleoedd.

11.101 Gallai proffil oedran newidiol y Sir a'r symudiad parhaus a ragwelir dros gyfnod y cynllun tuag at boblogaeth sy'n heneiddio gynyddu'r angen am Dai Arbenigol. Bydd modd bodloni rhai gofynion am ddarpariaeth byw gyda chymorth neu anghenion cymorth drwy addasu tai presennol neu drwy gyfleusterau presennol. Er hynny, cydnabyddir bod angen i'r Cynllun gynnwys darpariaeth i ystyried yr angen am gartrefi gofal newydd. Gan hynny, mae'r polisi hwn yn ceisio darparu fframwaith ar gyfer ystyried cynigion, er mwyn sicrhau ystyriaeth briodol o anghenion y rhai y mae angen gofal arnynt.

11.102 I ddibenion y polisi hwn, mae'r diffiniad o Dai Arbenigol yn gysylltiedig â chartrefi nyrsio, tai gwarchod, cartrefi gofal ychwanegol neu ofal agos (warden), cyfleusterau ymddeol sy'n adlewyrchu anghenion gofal parhaus, a chyfleusterau eraill lle darperir gofal. Pan gynigir cartref gofal ar safle sydd wedi'i ddyrannu at ddefnydd preswyl yn y Cynllun, rhoddir ystyriaeth i natur y cynnig a'i addasrwydd ar gyfer y lleoliad arfaethedig. Bydd lefel annibyniaeth y preswylwyr yn ystyriaeth bwysig, ac ni fydd tai 'drws caeedig' fel arfer yn cael eu hystyried yn briodol.

11.103 Bydd cynnwys cartrefi gofal oddi mewn i'r terfynau datblygu neu sy'n ffinio â hwy yn sicrhau bod preswylwyr yn cael cyfle i integreiddio i'r gymuned a bod y datblygiadau yn rhan o'r ffurf drefol neu adeiledig. Mae hygyrchedd y seilwaith a'r cyfleusterau hynny yn elfen bwysig ymhlith anghenion pobl.

11.104 Drwy adnewyddu anheddau wedi'u gadael, gellir gwneud cyfraniad bach ond pwysig at anghenion ardal. Bydd gwerth pensaernïol nifer o anheddau adfeiliedig neu anheddau wedi'u gadael yn aml yn adlewyrchu'r arddull draddodiadol gynhenid, a dylid cydnabod hynny wrth gyflwyno cynigion ar eu cyfer. Dylai estyniadau, gofynion mynediad neu unrhyw agweddau eraill sy'n gysylltiedig â'r cynnig fod yn ystyriol o gymeriad yr adeilad gwreiddiol a'r tirlun. Bydd cynigion sy'n ceisio gwneud cyfraniad cadarnhaol at rinweddau tirweddol yr ardal yn cael eu hannog.

11.105 Os na fydd cynigion yn bodloni'r uchod (gan gynnwys ailadeiladu), fe'u hystyrir yn ddatblygiad mewn ardal o gefn gwlad agored, a gwneir penderfyniad yn eu cylch yn unol â hynny.

11.106 Bydd amodau'n cael eu gosod ynghylch lleoli carafán/cartref symudol sydd ei angen yn gysylltiedig â'r uchod, er mwyn sicrhau y bydd yn cael ei symud o'r safle pan na fydd angen ei defnyddio mwyach. Asesir hyd unrhyw ganiatâd dros dro yn erbyn manylion neilltuol pob cais. Bydd yr hyn a benderfynir o ran yr amserlen angenrheidiol ar gyfer lleoli carafanau / cartrefi symudol yn gysylltiedig ag adeiladu annedd hunanadeiladu wedi'i seilio ar hyd y gwaith adeiladu disgwyliedig.

11.107 Gall llety preswyl ategol fod o ddefnydd werthfawr gan alluogi perthynas i fyw gyda'i deulu gan gadw rhywfaint o annibyniaeth. Fodd bynnag, mae angen lefel o reolaeth dros y llety hwnnw er mwyn sicrhau bod ei swyddogaeth o natur ategol, ac nad arwain at greu annedd hunangynhaliol ar wahân.

11.108 Dylai unrhyw gynnig adlewyrchu ei swyddogaeth ategol a pheidio cynnwys yr ystod lawn o gyfleusterau a gysylltir ag annedd annibynnol. Ni ddylid ychwaith ei ddylunio mewn modd a fyddai'n golygu y gellir ei addasu neu ei feddiannu fel annedd annibynnol. Dylid dylunio cynigion i adlewyrchu anghenion hanfodol a nodwyd gan y meddiannydd, gyda'r darpariaethau syml yn adlewyrchu natur ategol y rhandy. Ar gyfer un preswylydd byddai hyn fel arfer yn cynnwys un ystafell wely en-suite ac ardal fyw gyda chegin fach.

11.109 Bydd yn ofynnol i berchnogaeth y rhandy fod yr un peth â pherchnogaeth y brif annedd, a dylid cynnwys manylion ei feddianwyr gydag unrhyw gais, gan gynnwys perthynas y meddianwyr hynny ac/neu eu dibyniaeth â meddianwyr y brif annedd, a manylion ynghylch perchnogaeth y rhandy.

11.110 Bydd yn rhaid ystyried angen y deiliad mewn perthynas â maint unrhyw adeilad allanol y cynigir ei drawsnewid. Yn hyn o beth, mae'n bosibl na fydd hi ond yn dderbyniol addasu rhan o'r adeilad er mwyn sicrhau nad yw'r rhan sy'n cael ei haddasu ond yn darparu cyfleusterau cyfyngedig sy'n gymesur â'i phwrpas ategol.

11.111 Ni ddylai'r rhandy ddisodli defnydd presennol a fyddai'n golygu bod angen codi adeilad arall fel bo modd parhau â'r defnydd hwnnw. Ni ystyrir rhandy ar wahân wedi'i adeiladu o'r newydd ond os dangosir i raddau boddhaol nad yw estyniad nac addasu yn briodol nac yn bosibl, ac ni chaniateir hyn mewn lleoliadau y tu allan i ffiniau anheddiad diffiniedig.

11.112 Mae tai fforddiadwy yn fater allweddol i'w ystyried wrth baratoi'r CDLl Diwygiedig, yn enwedig er mwyn cyfrannu at ddatblygu cymunedau cynaliadwy, cytbwys a chydlynus.

11.113 Mae'r polisi hwn yn ceisio adlewyrchu'r gofynion a nodir yn TAN 2 - Cynllunio a Thai Fforddiadwy (2006) sy'n ceisio sefydlu trefniadau diogel 'er mwyn sicrhau eu bod o fewn cyrraedd i'r rheini sydd heb fod yn gallu fforddio tai ar y farchnad agored, gan gynnwys pobl sy'n eu meddiannu gyntaf a'r bobl sy'n dod ar eu hôl'.              

11.114 Ceir dau brif fath o dai fforddiadwy, fel y'u diffinnir yn TAN2:

11.115 Wrth asesu'r angen am anheddau fforddiadwy, rhoddir sylw i'r Asesiad o'r Farchnad Dai Leol (LHMA) diweddaraf ar gyfer Sir Gaerfyrddin. Yn LHMA 2019, nodir ymraniad 76% / 24% rhwng yr aelwydydd ac arnynt angen tai ar y farchnad a'r aelwydydd hynny ac arnynt angen tai fforddiadwy. I ddibenion yr LHMA, mae'r Sir wedi cael ei rhannu i 4 Ardal Gweithredu ar Dai Fforddiadwy, ac mae cyfran sylweddol o'r aelwydydd ac arnynt angen tai fforddiadwy yn Ardal Weithredu Llanelli (47%). Mae'r LHMA hefyd yn nodi math a maint y tai sydd eu hangen drwy'r Sir, ac mae gan Lanelli amrediad cyson o angen ar draws cartrefi 1, 2 a 3 ystafell wely. Yn gyffredinol ar draws yr Ardaloedd Gweithredu eraill, mae angen datblygu tai 2 a 3 ystafell wely er mwyn bodloni'r angen am dai fforddiadwy. Wrth ddadansoddi'r data hyn, gwelir cydberthynas gref rhwng lleoliad yr angen am dai fforddiadwy a dosbarthiad y twf tai arfaethedig a nodir yn strategaeth y CDLl a'r fframwaith aneddiadau (gweler polisi SP3).

11.116 Er bod y CDLl a'r system gynllunio yn ceisio cefnogi darparu tai fforddiadwy, nid yw ond un ymhlith amryw o fecanweithiau a ddefnyddir i fodloni'r angen hwn. Adlewyrchir hyn yng Nghynllun Cyflenwi Tai Fforddiadwy y Cyngor, sy'n pennu gweledigaeth pum mlynedd ar gyfer darparu tai fforddiadwy. Nodir cyfraniad y CDLl at y targed yn SP5 drwy:

11.117 Cyfeirir hefyd at Astudiaeth Anghenion Gwledig Sir Gaerfyrddin 2019 sy'n nodi bod cyfran uwch o anheddau mwy yn yr ardaloedd gwledig, a bod hynny'n cyfrannu at brisiau tai uwch. ^[52] Mae'r CDLl yn ceisio cefnogi twf unedau mwy fforddiadwy mewn cymunedau gwledig, er mwyn hyrwyddo datblygiadau i brynwyr tro cyntaf neu rai ar aelwydydd incwm isel.

11.118 Nod polisïau AHOM1 ac AHOM2 yw cynorthwyo'r Cyngor i fodloni ei angen am dai, ac yn enwedig i fodloni'r angen am dai fforddiadwy a nodwyd ym Mholisi SP5.

11.119 Mae'r polisi'n pennu'r cyfraniadau y dylid eu darparu ar gyfer tai fforddiadwy. Mae gofynion y polisi yn adlewyrchu canfyddiadau Astudiaeth Hyfywedd barhaus y CDLl Diwygiedig ac yn ystyried ffactorau eraill fel yr LHMA, cyfraddau darparu yn y gorffennol a'r angen am hyblygrwydd er mwyn caniatáu amrywio rhwng safleoedd.

11.120 Mae gofynion y Polisi ar gyfer cyfraniadau ar-safle yn berthnasol i bob datblygiad tai arfaethedig sydd wedi'i leoli o fewn ffiniau anheddiad, a chanddo'r capasiti i sicrhau cynnydd net o 10 neu fwy o anheddau newydd. Bydd y safleoedd hynny sydd y tu allan i ffiniau'r anheddiad yn ddarostyngedig i ofynion Polisi AHOM2.

11.121 Mae gofynion y polisi am symiau cyfnewid yn berthnasol i holl gynigion arfaethedig y farchnad agored sy'n creu cynnydd net o 1 - 9 o anheddau newydd, ac eithrio anheddau sengl sydd wedi'u cynnwys yn y categori tai 3 ystafell wely, 4 unigolyn nad yw ei arwynebedd llawr mewnol trigiadwy yn fwy nag 88 metr sgwâr.

11.122 Bydd y gymysgedd o anheddau y mae angen ei darparu ar bob safle o ran maint, math a deiliadaeth, yn amrywio yn ôl anghenion penodol yr ardal leol wrth gyflwyno'r cais. Yn rhan o hyn, bydd angen ystyried yr wybodaeth ddiweddaraf am anghenion tai o'r LHMA, ynghyd ag unrhyw wybodaeth leol berthnasol, fel rhestr aros y Cyngor ac unrhyw unedau tai fforddiadwy a ddarparwyd yn ddiweddar o fewn yr ardal.

11.123 Rhoddir caniatâd cynllunio yn ddarostyngedig i amodau a rhwymedigaethau cynllunio sy'n sicrhau bod y tai fforddiadwy yn parhau i fod ar gael i fodloni'r angen lleol am dai fforddiadwy yn y dyfodol.

(1) 11.124 Rhaid i annedd fforddiadwy fod yn gydnaws â safonau Gofyniad Ansawdd Dylunio Llywodraeth Cymru i gyfyngu ar ei faint, ei raddfa a'i ddyluniad i sicrhau bod yr annedd yn dod o fewn cost annedd fforddiadwy rhesymol a derbyniol ar gyfer deiliaid yn y dyfodol. Mewn amgylchiadau eithriadol, gellir ystyried ei bod yn briodol gwyro o'r safonau hyn lle maent i ddiwallu anghenion y deiliad a lle ceir tystiolaeth a chyfiawnhad clir drostynt.

11.125 Gall y Cyngor ddileu neu gyfyngu ar hawliau datblygu a ganiateir i osod cyfyngiadau ar welliannau i faint, graddfa a dyluniad yr annedd i sicrhau ei bod yn parhau i fod yn fforddiadwy i ddeiliaid dilynol.

11.126 Ni fydd safleoedd eithriadau ond yn cael eu caniatáu os oes tystiolaeth foddhaol ar gael i gefnogi'r ddarpariaeth. Ni chaiff cynigion i fodloni angen lleol tybiannol eu hystyried. Yn lle hynny, dylent fod yn gysylltiedig ag angen a nodwyd gan unigolion/teuluoedd o fewn yr ardal benodol.

11.127 Fel arfer, ni ddylid ystyried safleoedd eithriadau mewn anheddiad lle mae dyraniadau presennol yn cael eu cyflwyno, a lle bo elfen o fforddiadwyedd yn cael ei ddarparu yn rhan o'r datblygiad hwnnw. Bydd angen tystiolaeth i ddangos nad oes disgwyl i unrhyw gynlluniau ar safleoedd wedi'u dyrannu ddechrau o fewn cyfnod rhesymol.

11.128 Darperir gwybodaeth bellach drwy'r polisi cenedlaethol ar ffurf PCC, TAN2: Cynllunio a Thai Fforddiadwy a TAN6: Cynllunio ar gyfer Cymunedau Gwledig Cynaliadwy. Bydd y Canllawiau Cynllunio Atodol sydd ar ddod yn ymhelaethu ac yn rhoi arweiniad pellach ar weithredu a dehongli tai fforddiadwy.

Pentre Awel, Llanelli

11.129 Bydd Pentre Awel yn darparu cyfleusterau a gwasanaethau sy'n hyrwyddo a gwella llesiant, yn integreiddio datblygiad busnes, addysg, gofal iechyd, hamdden, twristiaeth, cymorth llesiant ac ymchwil i wyddorau bywyd mewn un lleoliad, ac yn creu budd cymdeithasol ac economaidd gweddnewidiol.

11.130 Bydd Pentre Awel yn cynnwys sefydliad gwyddor bywyd sy'n cynnig lle i ddatblygu ac ymchwilio i ddyfeisiau meddygol a thechnolegau gofal iechyd newydd. Bydd y sefydliad hefyd yn cynnig gofodau swyddfa, labordy a gofodau clinigol ar gyfer cwmnïau rhanbarthol newydd sy'n tyfu yn ogystal â chyfleoedd i gychwyn busnes.

11.131 Ceir canolbwynt llesiant a fydd yn cynnwys canolfan hamdden, cyfleusterau chwaraeon awyr agored, cyfleoedd hamdden yn ogystal â gweithgareddau sy'n hyrwyddo llesiant. Ceir llety byw gyda chymorth, cartref gofal a thai penodol (o dan ddosbarth defnydd C3) ar gyfer pobl â nam gwybyddol neu sy'n cael eu hailsefydlu'n feddygol.

11.132 Ceir canolfan gwyddor bywyd a llesiant a fydd yn cynnwys ystod o wasanaethau llesiant o'r sector iechyd, y sector cyhoeddus, y sector preifat a'r trydydd sector fel eu bod ar gael mewn un lleoliad. Bydd y ganolfan hefyd yn cynnwys cyfleoedd hyfforddi a ddatblygir mwyn ymateb i brinder sgiliau. ^[53]

11.133 Bydd y datblygiad hwn sy'n arwain y byd wedi'i leoli ar hyd arfordir Llanelli. Dyma fydd y prosiect adfywio mwyaf erioed yn Ne-orllewin Cymru, a'i nod yw gwella iechyd a llesiant pobl ledled y rhanbarth, gan greu hyd at 2,000 o swyddi o ansawdd uchel sy'n talu'n dda a rhoi hwb o £467 miliwn i'r economi dros 15 mlynedd. Bydd yn cael ei gydgysylltu a'i integreiddio o fewn y dirwedd naturiol, o amgylch llyn dŵr croyw, ac o fewn pellter cerdded Parc Arfordir y Mileniwm.^[54]

11.134 Wrth nodi'r cyd-destun strategol, mae'r prosiect hwn yn parhau i fod wedi'i ymwreiddio'n ddwfn mewn gwaith i hyrwyddo llesiant ar raddfa leol.

Ffigur 9: Cyngor Sir Caerfyrddin - detholiad o brif gynllun dangosol ar gyfer Pentre Awel, Llanelli

Yr Egin - Clwstwr Digidol Creadigol, Caerfyrddin

11.135 Clwstwr digidol a chreadigol yw Canolfan S4C Yr Egin, ar gampws Prifysgol Cymru y Drindod Dewi Sant yng Nghaerfyrddin.

11.136 S4C yw'r tenant allweddol ac mae nifer o fusnesau newydd a busnesau bach yn y sector digidol a chreadigol wedi'u lleoli gyda'i gilydd yn yr ardaloedd swyddfa hyblyg sydd ar gael yn yr adeilad.

11.137 Nod Yr Egin yw bod yn gatalydd ar gyfer creu clwstwr creadigol bywiog yn y rhanbarth drwy ysbrydoli cydweithio a datblygu talent, yn ogystal â chryfhau'r Gymraeg.

11.138 Cynigir cyfleoedd amrywiol gan y prosiect hwn gan fod gan yr adeilad eiconig awditoriwm, cysylltedd cyflym iawn, ardaloedd swyddfa o'r radd flaenaf a chyfleusterau ôl-gynhyrchu ar gyfer gweithgareddau proffesiynol a chymunedol. Rhagwelir y bydd yn cynnal rôl Caerfyrddin fel canolfan allweddol i'r sector creadigol yn Ne-orllewin Cymru.^[55]

11.139 Mae prosiect arall (Egin Cam 2) yn cael ei ddatblygu ar hyn o bryd. Bydd y prosiect yn ategu ac yn cefnogi llwyddiant Egin Cam 1 a bydd yn seiliedig ar ganlyniadau ymarfer Gwersi a Ddysgwyd Cam 1 yn ogystal â dadansoddiad o'r galw gan y sector creadigol.

Ffigur 10: Cyngor Sir Caerfyrddin – Prif Gynllun Safle'r Egin

Bargen Dinas-ranbarth Bae Abertawe

11.140 Dylai'r gwaith o ddatblygu safleoedd cyflogaeth yn y dyfodol, ac yn wir datblygiad economaidd y sir yn y dyfodol, gael ei ystyried yn y cyd-destun ehangach. Llofnodwyd Bargen Ddinesig Bae Abertawe yn 2017, gan sicrhau £1.24 biliwn ar gyfer cynghorau Abertawe, Sir Gaerfyrddin, Castell-nedd Port Talbot a Sir Benfro. Rhagwelir y bydd y Fargen Ddinesig yn trawsnewid tirwedd economaidd yr ardal, yn cynnig hwb o £1.8 biliwn i'r economi ranbarthol, ac yn creu bron i 9,000 o swyddi newydd dros y 15 mlynedd nesaf.

11.141 Bydd y Fargen yn golygu tri phrosiect penodol ar gyfer Sir Gaerfyrddin - gyda dau ohonynt yn gysylltiedig â datblygiadau ffisegol. Y rhain yw Pentre Awel, Llanelli a phrosiect diwydiant creadigol yn Yr Egin yng Nghaerfyrddin. Mae'r trydydd prosiect yn ymwneud â menter sgiliau a thalentau sydd wedi'i chanoli yn Sir Gaerfyrddin, ac sy'n cefnogi datblygiad sgiliau yn y rhanbarth. Gan gyfeirio at y 3 phrosiect hyn sy'n benodol i Sir Gaerfyrddin, dylid nodi mai nod y 'prosiect Cartrefi yn Orsafoedd Pŵer' yw darparu cartrefi clyfar, carbon isel, ynni-effeithlon trwy ddull a gydlynir ar draws y Dinas-ranbarth, tra bod nodau'r prosiect 'Seilwaith Digidol' yn cynnwys cefnogi economi ddigidol ffyniannus ar draws y Dinas-ranbarth.^[i]

Tystiolaeth am angen cyflogaeth y dyfodol

11.142 Mae'r Cyngor wedi casglu tystiolaeth i ddarparu dealltwriaeth am yr angen o ran cyflogaeth yn y dyfodol, yn anad dim yn y naw sector y rhoddir blaenoriaeth iddynt gan Lywodraeth Cymru.^[56] Paratowyd tystiolaeth bellach ar y cyd â Chyngor Sir Penfro i sefydlu dadansoddiad meintiol o'r galw a ragwelir am safleoedd cyflogaeth ar lefel mwy na lleol. Ategwyd yr Astudiaeth Dwy Sir hon gan dystiolaeth o'r farchnad a chan gyflogwyr mewn perthynas â'r galw yn y farchnad. Yn ogystal, gwnaed gwaith mewn perthynas â'r cysylltiadau rhwng cydraddoli lefelau tir cyflogaeth a swyddi gyda'r gofyniad am dwf tai newydd i'r Sir.

11.143 Mae Astudiaeth y Ddwy Sir yn ceisio taro cydbwysedd rhwng ateb gofynion Nodyn Cyngor Technegol 23 ar Ddatblygu Economaidd (Chwefror 2014), a gosod pwyslais cryf ar hyblygrwydd, gwireddu twf sectorau a'r gallu i ateb y galw ar raddfa ranbarthol.

11.144 Mae TAN 23 yn ystyried 'efallai y bydd y targedau darparu tir yn uwch na'r galw disgwyliedig', i ddarparu ar gyfer y siawns i ateb y galw. Mae'r Canllawiau Ymarfer sy'n cyd-fynd â'r Nodyn Cyngor Technegol (Awst 2015) yn ystyried, lle gellir cyfiawnhau hynny, efallai y bydd y targedau darparu tir yn uwch na'r galw disgwyliedig, i ddarparu ar gyfer y siawns bod yr asesiadau'n rhy isel ac i sicrhau nad oes unrhyw gyfleoedd yn cael eu colli. Wrth gydnabod pwysigrwydd peidio â dibynnu dim ond ar ragolygon cyflogaeth pan eir ati i adnabod portffolio o dir cyflogaeth, mae Astudiaeth y Ddwy Sir yn pwysleisio galw a hyder busnesau brodorol i aros a thyfu, a dyhead gan randdeiliaid i warchod manteision lleoliadol ac asedau strategol ar gyfer twf yn y dyfodol.

11.145 Gan gydnabod yr uchod, mae Astudiaeth y Ddwy Sir wedi adnabod portffolio o safleoedd yn ardal yr astudiaeth yr ystyrir eu bod yn cynnig manteision strategol a chyfle i dyfu a chreu swyddi.

Ymyrraeth gan y Sector Cyhoeddus

11.146 Roedd adroddiad a gyhoeddwyd gan Lywodraeth Cymru yn 2020 ^[57]i lywio'r Cynllun Cyflenwi Eiddo newydd yn tynnu sylw at y ffaith, tra bod y gwaith o ddarparu adeiladau diwydiannol a swyddfeydd yn cael ei arwain yn gyffredinol gan y sector preifat, mae yna seiliau cryf dros ymyrraeth gan y sector cyhoeddus. Mae hyn yn cynnwys ymateb i dystiolaeth o'r galw am gapasiti newydd neu ychwanegol, denu a chadw buddsoddiad na fyddai fel arall yn dod i ardal, neu drwy ddylanwadu ar benderfyniadau masnachol, er enghraifft trwy ddod â gweithgarwch economaidd newydd i safle segur.

Isadeiledd Cyfathrebu

11.147 Mae'r Cyngor yn cydnabod bod profiadau amlwg yn deillio o'r pandemig Covid 19 sydd â goblygiadau mawr i arferion gwaith yn y dyfodol ac anghenion gweithle yn y dyfodol (gan gadarnhau pwysigrwydd hyblygrwydd); Yn y cyd-destun hwn, maes allweddol yw pwysigrwydd seilwaith cyfathrebu o ansawdd uchel (band eang, derbyniad ffonau symudol a'r gallu i ddiogelu/uwchraddio yn y dyfodol). Mae hyn yn bwysig i drigolion a busnesau, yn enwedig yng nghyd-destun mwy o weithio o bell a'i rôl wrth fynd i'r afael â natur ymylol yr ardaloedd gwledig (dylid cyfeirio at Bolisi EME5: Gweithio Gartref a Pholisi INF3: Band Eang a Thelathrebu).

Hierarchaeth Cyflogaeth

11.148 Er bod y ffocws strategol yn gysylltiedig â Bargen Ddinesig Bae Abertawe a chamau posibl i greu swyddi 'â gwerth ychwanegol', bydd y CDLl Diwygiedig yn darparu ystod o safleoedd a chyfleoedd ar gyfer mewnfuddsoddi ac adleoliadau posibl. Mae hyn yn cynnwys safleoedd posibl i gyflogwyr mwy, yn ogystal â safleoedd i ddarparu ar gyfer defnydd busnes newydd ar raddfa lai a busnesau newydd o fewn y fframwaith polisi. .

11.149 Rhoddwyd sylw pellach hefyd i ystod o ystyriaethau i sicrhau bod lefel y ddarpariaeth dir yn adlewyrchu nid yn unig ystod o safleoedd y gellir eu cyflawni ond hefyd ei bod yn seiliedig ar ddealltwriaeth gadarn o'u cymeriad ac ardaloedd y safleoedd.

11.150 Mae'r pwyslais ar y Prif Ganolfannau nid yn unig yn adlewyrchu eu rhinweddau cynaliadwyedd ond hefyd eu hetifeddiaeth hanesyddol. Mae dosbarthiad y tir cyflogaeth hefyd cyd-fynd yn dda â'r lleoliadau cynaliadwy yn y Sir sy'n hygyrch gan ddefnyddio trafnidiaeth gyhoeddus neu lwybrau teithio llesol sy'n lleihau i'r eithaf yr angen i deithio.

11.151 Mae'r tabl canlynol yn nodi'r ddarpariaeth tir cyflogaeth yn y polisi ac yn nodi lefelau cwblhau a safleoedd lle mae caniatâd cynllunio dilys.

Tabl 6: Darpariaeth Tir Cyflogaeth

11.152 Dylid nodi bod y ddarpariaeth safleoedd cyflogaeth wedi'u dyrannu'n cynnwys tir nad yw'n weithredol gyda chyfle ar gyfer tirlunio, clustogfeydd a defnyddiau eraill tebyg.

11.153 Mae'r polisi hwn yn ceisio sicrhau bod safleoedd cyflogaeth presennol yn cael eu gwarchod rhag defnyddiau eraill. Er mwyn cynnal cyflenwad digonol o dir cyflogaeth sy'n darparu ar gyfer ystod a dewis o ddefnyddiau posibl, mae'r polisi hwn yn ceisio gwarchod ardaloedd cyflogaeth diffiniedig rhag defnyddiau nad ydynt yn ymwneud â chyflogaeth a ddylai fod mewn lleoliadau sy'n well ac, o bosibl, yn fwy priodol.

11.154 Gan gydnabod y pwysau ar ardaloedd cyflogaeth o du defnyddiau eraill (nad ydynt yn perthyn i Ddosbarth B), mae'r polisi'n derbyn y gall fod angen rhywfaint o hyblygrwydd mewn rhai achosion. Mae defnyddiau o'r fath yn aml yn ddefnyddiau dosbarth B rhannol sy'n cyfuno elfen adwerthu ar raddfa fach â defnydd busnes, diwydiannol neu storio yn bennaf, neu'n ddefnyddiau sui generis. Derbynnir hefyd, wrth ddiwallu anghenion defnyddiau o'r fath, bod ardaloedd cyflogaeth yn aml yn debygol o fod yn fwy derbyniol na lleoliadau eraill megis ardaloedd preswyl, neu hyd yn oed canol trefi. Bydd disgwyl i unrhyw elfen adwerthu fod yn atodol i'r prif ddefnydd, ac at ddibenion masnach yn hytrach na'r cyhoedd.

11.155 Lle y bo angen, bydd yn ofynnol i gynigion datblygu ymgorffori mesurau priodol i warchod amwynder eiddo cyfagos neu gerllaw. Gall mesurau o'r fath gynnwys nodi clustogfeydd a chynigion tirlunio addas.

11.156 Lle y bo'n briodol, bydd amodau cynllunio'n cael eu gosod i atal cyflogaeth rhag cael ei cholli fel y prif ddefnydd.

11.157 Ni fydd cynigion sy'n ceisio estyn a/neu ddwysáu defnydd neu weithgaredd yn cael ystyriaeth ffafriol os nad ydynt yn gydnaws â defnyddiau o'u hamgylch, neu os ydynt yn debygol o arwain at faterion sy'n niweidiol i amwynder a fyddai'n peryglu cynigion ailddatblygu eraill.

11.158 Gall datblygiadau priodol i ehangu busnesau presennol gyfrannu'n sylweddol at yr economi leol, a bydd cefnogaeth i ailddatblygu safleoedd presennol lle bydd yn gwella ansawdd arwynebedd llawr cyflogaeth yn enwedig i ddiwallu anghenion cyflogaeth modern.

11.159 Mae'r polisi hwn yn cefnogi'r economi wledig ac yn gwneud darpariaeth ar gyfer ehangu mentrau gwledig sefydledig yn briodol.^[58] Dylid cyfeirio hefyd at Bolisi Cynllunio Cymru a TAN23 Datblygu Economaidd.

11.160 Mae'r cyfanswm yn y tabl uchod yn cynnwys ffigyrau tybiannol ar gyfer cyflogaeth defnydd B ar safleoedd Defnydd Cymysg (Polisi SG1) a safleoedd Strategol (Polisi SP6).

11.161 Lle bo'n briodol bydd defnyddiau cyflogaeth eraill a defnyddiau atodol cysylltiedig nad ydynt yn rhai dosbarth B yn cael eu caniatáu ar safleoedd cyflogaeth dyranedig lle mae'r datblygiad arfaethedig yn ategu ac yn gwella rôl y safle fel a nodir yn y tabl Dyrannu Safleoedd Cyflogaeth. Rhaid ystyried amwynder defnyddiau cyflogaeth cyfagos a'u bod yn gweithredu'n ddiogel i osgoi gwrthdaro rhwng gwahanol ddefnyddiau tir.

11.162 Mae'r Polisi hwn hefyd yn ei gwneud yn bosibl darparu defnyddiau cyflogaeth atodol sydd y tu allan i'r dosbarthiadau defnydd B lle mae hyn yn gwella hyfywedd y safle ac yn ei gwneud yn bosibl datblygu safleoedd newydd. Mae defnyddiau atodol a allai fod yn ategol yn cynnwys meithrinfeydd dydd, canolfannau hyfforddi, ailgylchu gwastraff ac atgyweirio cerbydau. Bydd defnyddiau adwerthu'n cael eu hystyried yn erbyn polisïau adwerthu'r CDLl.

11.163 Mae'n amlwg na fydd safleoedd cyflogaeth dyranedig yn briodol ar gyfer pob cynnig cyflogaeth. Felly mae Polisi EME4 yn cefnogi'r economi trwy ei gwneud yn bosibl, mewn ardaloedd trefol a gwledig, i ddarparu cyfleoedd economaidd ar safleoedd heb eu dyrannu. Mae hyn yn bwysicach o ganlyniad i'r pandemig Covid-19 a'r goblygiadau tebygol o ran tueddiadau gweithio/gweithfannau yn y dyfodol, yn ogystal â'r angen am fand eang dibynadwy cyflym iawn (dylid cyfeirio at Bolisi INF3: Band Eang a Thelathrebu).

11.164 O fewn terfynau datblygu aneddiadau diffiniedig, mae'r polisi'n ei gwneud yn ofynnol i gynigion ddangos eu gofyniad lleoliadol trwy ddull dilyniannol o ddethol safleoedd. Yn y lle cyntaf, rhaid iddynt ystyried dyraniadau arfaethedig a phresennol i ddiwallu'r angen o ran cyflogaeth. Dim ond wedyn y dylid ystyried safleoedd heb eu dyrannu.

(1) 11.165 Ar gyfer cynigion y tu allan i derfynau datblygu anheddiad diffiniedig, rhaid iddynt ddangos eu bod yn uniongyrchol gysylltiedig ag anheddiad neu bentrefan, neu'n cael eu hategu gan achos busnes sy'n cyfiawnhau eu lleoliad. Mae'r Cynllun yn cydnabod bod gan fentrau ar raddfa fach rôl hanfodol yn yr economi wledig a'u bod yn cyfrannu at gystadleurwydd a ffyniant lleol a chenedlaethol. Gall nifer o weithgareddau masnachol a gweithgynhyrchu ysgafn gael eu lleoli'n briodol mewn ardaloedd gwledig heb darfu mewn modd annerbyniol neu achosi unrhyw effeithiau niweidiol eraill. Yn hyn o beth, byddai datblygu busnesau bach yn mynd i'r afael ag unrhyw angen lleol am adeiladau cyflogaeth.

11.166 Cyfeirir at bolisïau RD3 Arallgyfeirio ar Ffermydd, RD4 Addasu ac Ailddefnyddio Adeiladau Gwledig ar gyfer Defnydd Amhreswyl ac EME5 Busnesau wedi'u Lleoli Gartref i gael gwybodaeth am gyfleoedd pellach ar gyfer ymgymeriadau cyflogaeth y tu allan i derfynau datblygu.

11.167 Mae'r polisi'n ymwneud â busnesau bach sy'n gweithredu gartref gan ddarparu ar gyfer ystyriaethau sy'n deillio o'r duedd gynyddol ar gyfer gweithio gartref (yn awr ac yn y dyfodol).

11.168 Mae'r Cynllun hwn yn cydnabod y gall busnesau o'r fath fod â rôl bwysig o ran datblygu a chefnogi economi amrywiol ledled ardal y Cynllun. Cydnabyddir bod nifer o fusnesau bach yn cael eu dechrau gan unigolion sy'n gweithio yn eu cartrefi eu hunain, a bod achosion o'r fath yn debygol o gynyddu wrth i arloesi technolegol gynyddu. Wrth ystyried gweithio gartref yng nghyd-destun cynllunio, cydnabyddir nad yw'n ofynnol cael caniatâd cynllunio o anghenraid. Er enghraifft, ni fydd caniatâd cynllunio'n ofynnol fel arfer lle nad yw defnydd arfaethedig o ran o'r tŷ at ddibenion busnes yn achosi newid i gymeriad cyffredinol yr eiddo a'i ddefnydd fel annedd.

11.169 Ar y cyfan mae'r gofyniad am ganiatâd cynllunio'n deillio lle mae'r gweithgaredd busnes yn peidio â bod yn atodol i'w ddefnydd fel annedd neu lle mae cymeriad preswyl yr eiddo'n cael ei addasu. Lle mae busnesau o'r fath ar raddfa a dwyster sy'n golygu y byddai caniatâd cynllunio'n ofynnol, bydd y Cyngor yn rhoi ystyriaeth i oblygiadau'r cynnig ar gyfer eiddo cyfagos ac ar gyfer y trefniadau mynediad a pharcio tebygol a fyddai'n deillio o natur y cynnig.

11.170 Mae Polisi Cynllunio Cymru yn rhoi anogaeth i dyfu hunangyflogaeth a microfusnesau mewn ardaloedd gwledig. Mae'r polisi'n ceisio mabwysiadu ymagwedd gefnogol tuag at weithio gartref a chynigion lle mae'n ofynnol cael caniatâd cynllunio (gan gynnwys newid defnydd).

11.171 Wrth ystyried cynigion ar gyfer mentrau gwledig dylid rhoi ystyriaeth i ddarpariaethau polisi cenedlaethol ar ffurf Polisi Cynllunio Cymru a TAN6 a Pholisi EME4.

11.172 Mae gan y Gymraeg a diwylliant Cymru rôl bwysig ym mywyd cymdeithasol, diwylliannol ac economaidd preswylwyr ag ymwelwyr â Sir Gaerfyrddin. Mae nifer y siaradwyr Cymraeg yn Sir Gaerfyrddin yn sylweddol uwch na chyfartaledd cenedlaethol Cymru ac, oherwydd hyn, mae'n rhan sylweddol o ffabrig cymdeithasol cymunedau'r sir, gan gynnig ymdeimlad o le a hunaniaeth gref.

(1) 11.173 Ystyrir Sir Gaerfyrddin yn ei chyfanrwydd yn ardal o sensitifrwydd ieithyddol. Mae Cyfrifiad 2011 yn dynodi bod 19.0% o boblogaeth Cymru'n gallu siarad Cymraeg, tra bo'r ffigwr cyfatebol yn Sir Gaerfyrddin yn 43.9%. O ran dadansoddiad daearyddol o gyfran y siaradwyr ledled y Sir, mae ar ei hisaf yn ward etholiadol Glan-y-môr lle mae 19.2% yn siarad Cymraeg, ac ar ei huchaf yn Chwarter Bach lle mae 68.7% yn siarad Cymraeg. Mae cyfran y siaradwyr Cymraeg yn uwch na'r cyfartaledd cenedlaethol ar draws pob ward yn y Sir, ac am y rheswm hwn yn bennaf y mae Sir Gaerfyrddin yn ei chyfanrwydd yn cael ei hystyried yn sensitif yn ieithyddol. Hefyd, mae data'r Cyfrifiad diwethaf wedi dangos gostyngiad sylweddol yn nifer y siaradwyr Cymraeg ledled y Sir sy'n dangos natur fregus yr iaith yn Sir Gaerfyrddin.

(3) 11.174 Nod y cynllun yw 'hyrwyddo'r Gymraeg a'i diwylliant' ^{[59] [60]}ac mae hefyd yn ymrwymedig i gyfrannu at nod hirdymor Llywodraeth Cymru o sicrhau 1 miliwn o siaradwyr Cymraeg erbyn 2050. I gyrraedd y nod hwn bydd y Cyngor yn cefnogi, hyrwyddo a gwella'r Gymraeg fel iaith gymunedol hyfyw trwy sicrhau bod cyfleoedd cyflogaeth a thai digonol a chymesur i gynnal cymunedau gwledig a threfol yn y Sir a thrwy roi fframwaith monitro effeithiol ar waith. Wrth wneud hynny, mae'r Cynllun yn ceisio sicrhau bod y boblogaeth leol yn cael y cyfle i aros yn Sir Gaerfyrddin yn hytrach na gadael i chwilio am gyfleoedd gwaith a thai, yn ogystal â'r cyfle i ddychwelyd. Trwy amcanu at dwf cynaliadwy, bydd y Cynllun hefyd yn cynyddu i'r eithaf y cyfleoedd i siaradwyr di-Gymraeg sy'n symud i mewn i'r Sir gael eu hintegreiddio i fywyd cymunedol ar raddfa a chyflymder na fydd yn tanseilio bywiogrwydd a hyfywedd y Gymraeg a diwylliant Cymru.

11.175 Mae'r angen i ddiogelu, hyrwyddo a gwella'r Gymraeg yn berthnasol i ddatblygiadau a gynigir ledled y Sir ac nid yw'n gyfyngedig i ardaloedd penodol yn y Sir. Bydd yn ofynnol i gynigion datblygu gydnabod statws swyddogol y Gymraeg ac ymrwymo i beidio â thrin y Gymraeg yn llai ffafriol na'r Saesneg.

(1) 11.176 Mae polisïau penodol yn darparu canllawiau pellach i sicrhau bod datblygiadau ar raddfa ac o fath a chymeriad priodol yn cael eu cyflawni i ddiwallu anghenion y cymunedau. Yn ogystal â hyn, bydd y CDLl Diwygiedig yn ceisio sicrhau bod datblygu'n mynd rhagddo ar raddfa y gellir ei derbyn a'i chymhathu heb niweidio cymeriad y gymuned.

11.177 Mae'r Cynllun hefyd yn ceisio diogelu, hyrwyddo a gwella'r Gymraeg yn Sir Gaerfyrddin trwy amcanion polisi perthnasol eraill, sef trwy ddarparu tai a thai fforddiadwy, hybu economi ffyniannus a chyfleoedd cyflogaeth a darparu a chadw cyfleusterau cymunedol, ymhlith eraill.

(1) 11.178 Mae'r Cynllun Gweithredu Iaith Gymraeg yn nodi'r mesurau a fydd yn cael eu cymryd i ddiogelu, hyrwyddo a gwella'r Gymraeg. Dylai'r Cynllun Gweithredu Iaith Gymraeg nodi hefyd sut y mae'r datblygiad yn cynnig gwneud cyfraniad cadarnhaol tuag at grwpiau iaith Gymraeg y gymuned. Gallai hyn, ymhlith mesurau eraill, gynnwys rhoi cymorth a chyllid i sefydliadau a chyrff sy'n darparu gweithgareddau, cyfleusterau ac addysg ar gyfer siaradwyr a dysgwyr Cymraeg, a chymorth a chyllid tuag at ddosbarthiadau Cymraeg. Bydd yn ofynnol bod Asesiadau o'r Effaith ar y Gymraeg yn nodi effeithiau disgwyliedig y datblygiad arfaethedig ar y Gymraeg yn y Sir. Mae Canllawiau^[61] Cynllunio Atodol y Gymraeg yn rhoi canllawiau pellach ynghylch pryd mae angen Asesiadau o'r Effaith ar y Gymraeg, gan egluro beth yw datblygiad ar raddfa fawr, yn ogystal â sut i lunio Asesiadau o'r Effaith ar y Gymraeg.              

(1) 11.179 Er y gellir darparu cymorth ar gyfer prosiectau drwy gyfraniadau ariannol, gellid hefyd ddarparu cymorth drwy ddulliau eraill hefyd. Bydd caniatâd cynllunio'n cael ei roi gydag amodau neu'n amodol ar gytundebau cyfreithiol i sicrhau bod y mesurau lliniaru a gwella a gynigir yn y Cynllun Gweithredu'n cael eu rhoi ar waith. Bydd canllawiau pellach ar gynnwys Cynlluniau Gweithredu Iaith Gymraeg yn cael eu darparu trwy Ganllawiau Cynllunio Atodol.

11.180 Mae dosbarthiad tai'r CDLl wedi'i nodi yn Atodiad 7 y Cynllun. Mae effeithiau graddfa, lleoliad a chyfradd datblygu wedi cael eu hasesu yn unol â'r dosbarthiad y cytunwyd arno. O ganlyniad nid yw cynigion ar gyfer datblygiadau nad ydynt yn gyson â graddfeydd amser y dosbarthiad yn cael eu hasesu'n llawn. Felly bydd angen i gynigion o'r fath gael eu hategu gan gynllun fesul cam sy'n nodi nifer yr anheddau a fydd yn cael eu cyflawni ym mhob blwyddyn ariannol. Mewn achosion o'r fath, gellir rhoi caniatâd cynllunio gydag amod i sicrhau bod anheddau'n cael eu cyflawni yn unol â'r cynllun fesul cam lle ystyrir bod hynny'n angenrheidiol. Gall ymgeiswyr hefyd gynnig lliniaru'r effeithiau disgwyliedig trwy ddulliau heblaw cyflawni'r datblygiad fesul cam; bydd rhagor o wybodaeth ac arweiniad ar fesurau lliniaru yn cael eu hamlinellu trwy Ganllawiau Cynllunio Atodol.

11.181 Mae Strategaeth y Cynllun yn darparu ar gyfer twf organig ar raddfa fach o fewn y Pentrefi Gwledig ac mae polisïau HOM1 ac HOM3 yn adeiladu ar hyn gan ganiatáu datblygu ar raddfa briodol ac mewn lleoliadau priodol. Ystyrir bod datblygiad bob yn dipyn ar y raddfa hon yn gallu gwneud cyfraniad cadarnhaol tuag at dwf cynaliadwy'r Gymraeg mewn cymunedau gwledig, a bod unrhyw effeithiau negyddol yn debygol o gael eu hamsugno gan y gymuned. Efallai nad yw datblygiad nas rhagwelwyd ar raddfa sylweddol nas caniateir ym mholisïau'r Cynllun yn gydnaws â Strategaeth y Cynllun, ac felly mae ei effeithiau heb eu hasesu ac yn anhysbys. Os caiff cynigion o'r fath eu cyflwyno i gael eu hystyried, bydd angen cyflwyno asesiad llawn gyda hwy sy'n nodi eu heffeithiau tebygol ar y Gymraeg.

11.182 Mae'n ofynnol bod yr Arfarniad Cynaliadwyedd Integredig ar gyfer y CDLl yn asesu effeithiau tebygol y CDLl ar y Gymraeg. Gwneir hyn yn ailadroddol ar adegau allweddol trwy gydol y broses o gynhyrchu'r Cynllun. Caiff yr effeithiau disgwyliedig tebygol eu cyflwyno yn yr adroddiad ar yr Arfarniad Cynaliadwyedd Integredig, ac mae rhagor o wybodaeth ar gael o fewn sail dystiolaeth y CDLl.

11.183 Mae'r CDLl yn darparu canllawiau pellach ynghylch darparu hysbysebion dwyieithog ym Mholisi PSD9 – Hysbysebion. Er mwyn hybu hunaniaeth ddiwylliannol ac i ddiogelu cymeriad ieithyddol lleol Sir Gaerfyrddin, bydd y Cyngor yn rhoi anogaeth i farchnata datblygiadau tai a masnachol newydd yn ddwyieithog yn ogystal a rhoi anogaeth i roi enwau Cymraeg i strydoedd a datblygiadau. Caiff canllawiau ychwanegol ynglŷn â darparu enwau strydoedd Cymraeg eu darparu ym Mholisi Enwi a Rhifo Strydoedd Sir Gaerfyrddin.

11.184 Mae darparu seilwaith, gwasanaethau a chyfleusterau priodol yn hanfodol er mwyn sicrhau bod polisïau a chynigion y cynllun yn cael eu cyflawni. Mae seilwaith priodol yn allweddol i hwyluso'r gwaith o ddatblygu ond mae hefyd yn angenrheidiol i gefnogi anghenion a galwadau parhaus datblygiadau a chymunedau Sir Gaerfyrddin.

11.185 Efallai y bydd amrywiaeth o seilwaith yn ofynnol, a bydd y rhain yn amrywio'n fawr yn ôl y natur neu fath, graddfa, lleoliad a darpariaeth bresennol o ran seilwaith. Wrth ystyried anghenion cynigion datblygu, gall y seilwaith, gwasanaethau a chyfleusterau canlynol fod yn ofynnol:

• Ffyrdd a chyfleusterau trafnidiaeth eraill, gan gynnwys trafnidiaeth gynaliadwy, trafnidiaeth gyhoeddus, llwybrau cerdded a beicio
• Ysgolion a chyfleusterau addysgol a hyfforddi eraill
• Tai Fforddiadwy
• Darpariaeth Iechyd
• Mannau Agored cyhoeddus a seilwaith gwyrdd a glas
• Amddiffynfeydd Llifogydd
• Hamdden a Chwaraeon
• Gwasanaethau cyfleustod,
• Bioamrywiaeth a diogelu a gwella'r amgylchedd
• Cyfleusterau cymunedol
• Seilwaith Digidol
• Cefnogi'r Gymraeg
• Ansawdd ac effeithlonrwydd dŵr
• Uwchraddio a gwella cyfleusterau a seilwaith Trin Dŵr Gwastraff.
• Cyfleusterau a gwasanaethau eraill yr ystyrir eu bod yn angenrheidiol

11.186 Mae'r Cynllun yn ceisio sicrhau bod y seilwaith, y gwasanaethau a'r cyfleusterau y mae eu hangen i gefnogi datblygu'n cael eu cyflawni mewn modd amserol cyn dechrau, neu ar ôl dechrau'r datblygiad, neu lle y bo'n briodol yn cael eu cyflawni fesul cam trwy'r broses ddatblygu. Mae'r cynllun yn annog bod y gwaith o ddarparu seilwaith yn cael ei gynnal mewn ffordd gydlynol, gan amharu i'r graddau lleiaf posibl ar gymunedau presennol.

11.187 Bydd cyfraniadau tuag at seilwaith yn cael eu sicrhau trwy amodau neu Rwymedigaethau Cynllunio yn unol â'r fframwaith deddfwriaethol a pholisi a ddarperir.^[62] Dylid cyfeirio at Bolisi INF1: Rhwymedigaethau Cynllunio.

11.188 Dylai datblygwyr ystyried Atodiad 7: Taflwybr Tai a'r dystiolaeth sy'n dod i'r amlwg ar weithredu a chyflawni sy'n darparu gwybodaeth ychwanegol mewn perthynas â gofynion safleoedd allweddol y CDLl o ran cyflawni a seilwaith. Dylid rhoi ystyriaeth hefyd i ofynion Polisi PSD2: Uwchgynllunio. Anogir datblygwyr i gychwyn deialog gynnar gyda'r Cyngor er mwyn adnabod y seilwaith sy'n ofynnol i gyflawni a chefnogi cynllun arfaethedig.

11.189 Cyfeirir at baratoi Cynlluniau Draenio a Rheoli Dŵr Gwastraff fel y'u paratowyd gan Dŵr Cymru. Rhagwelir y bydd y Cynlluniau Draenio a Rheoli Dŵr Gwastraff yn ategu'r broses o weithredu'r CDLl hwn drwy reoli'r rhwydwaith draenio a charthffosiaeth.

11.190 Bydd y rhwymedigaethau cynllunio sydd eu hangen yn cael eu hystyried fesul achos yn ddarostyngedig i natur y cynnig a'r gofynion sy'n codi ohono. Gall fod achosion lle na ellir sicrhau'r holl rwymedigaethau sy'n ofynnol oherwydd eu heffaith ar hyfywedd ariannol y cynllun. Mewn achosion o'r fath, bydd angen nodi'r blaenoriaethau seilwaith ar gyfer y safle hwnnw. Er bod y blaenoriaethau'n gallu amrywio yn ôl anghenion penodol pob safle a'u cymunedau, dylid nodi y bydd gofynion Polisi NE4 Datblygiad o fewn Ardal Canllawiau Cynllunio Atodol Caeau'r Mynydd Mawr yn cael eu blaenoriaethu uwchlaw cyfraniadau eraill mewn perthynas â safleoedd o fewn Ardal y Canllawiau Cynllunio Atodol. Ym mhob achos arall, ystyrir yn gyffredinol mai'r flaenoriaeth i'r Awdurdod fydd darparu tai fforddiadwy ac yn y rhan fwyaf o achosion bydd ei ddarpariaeth yn cael ei blaenoriaethu uwchben cyfraniadau eraill.

11.191 Bydd gofynion y rhwymedigaethau cynllunio yn ystyried hyfywedd ariannol datblygiad arfaethedig. Mewn achosion lle ceir anghydfod ynghylch yr effaith y mae'r gofynion yn ei chael ar hyfywedd ariannol y cynllun, bydd yn ofynnol i'r ymgeisydd gyflwyno Arfarniad Hyfywedd Datblygu o'r safle i ddeall ei hyfywedd ariannol. Bydd yr arfarniad yn cael ei ddadansoddi gan drydydd parti, gyda'r holl gostau yn cael eu talu gan yr ymgeisydd. Darperir rhagor o wybodaeth yng Nghanllawiau Cynllunio Atodol y Rhwymedigaethau Cynllunio.

11.192 Caiff y cysylltiadau rhwng iechyd a llesiant a chynllunio eu hadlewyrchu mewn deddfwriaeth a pholisi cynllunio cenedlaethol. Yn hyn o beth mae Polisi Cynllunio Cymru yn ceisio darparu fframwaith i gyflawni cyfres o Ganlyniadau Cenedlaethol Creu Lleoedd Cynaliadwy. Mae'r dull cyfannol hwn o gynllunio a dylunio datblygiadau a mannau'n adlewyrchu ffocws ar ganlyniadau cadarnhaol sy'n hybu ffyniant, iechyd, hapusrwydd a llesiant pobl. Mae hybu iechyd a llesiant corfforol a meddyliol fel Canlyniad Hwyluso Amgylcheddau Hygyrch ac Iach yn adlewyrchu'r cysylltiadau hyn rhwng iechyd, llesiant a chynllunio a'r angen i adlewyrchu unrhyw effeithiau posibl a all godi o'r broses gynllunio.

11.193 Gall Asesiad o'r Effaith ar Iechyd wneud cyfraniad gwerthfawr wrth gynnig neu wneud penderfyniadau ynghylch datblygiadau newydd. Gall tystiolaeth o'r effeithiau ar iechyd helpu'r system gynllunio i ddatblygu dulliau cryfach a mwy cydlynol o gynyddu iechyd a llesiant i'r eithaf. ^[63] Mae Deddf Iechyd Cyhoeddus (Cymru) 2017 yn nodi darpariaethau ar gyfer gwneud gwelliannau i iechyd gan gynnwys bod Gweinidogion Cymru yn cyhoeddi strategaeth genedlaethol ar drechu gordewdra ac yn gwneud rheoliadau ynglŷn â chwblhau asesiadau o'r effaith ar iechyd gan gyrff cyhoeddus.

11.194 Mae Asesiadau o'r Effaith ar Iechyd yn asesu effaith unrhyw newid neu ddiwygiad i bolisi, gwasanaeth, cynllun, gweithdrefn neu raglen ar iechyd y boblogaeth ac ar ddosbarthiad yr effeithiau hynny o fewn y boblogaeth, yn enwedig o fewn grwpiau agored i niwed. Mae cynnal Asesiad o'r Effaith ar Iechyd yn cynhyrchu gwybodaeth am y modd y gellir lleihau effeithiau negyddol ar iechyd a rhoi anogaeth ar gyfer manteision i iechyd. Gall tystiolaeth o'r fath o effeithiau ar iechyd helpu'r system gynllunio i ddatblygu dulliau cryfach a mwy cydlynol o gynyddu iechyd a llesiant i'r eithaf.

11.195 Mae'n bwysig bod cynigion yn ystyried ystod eang o ffactorau sy'n gysylltiedig ag iechyd a llesiant fel rhan o lunio a pharatoi unrhyw gynllun neu ddatblygiad. Mae'n bwysig bod y rhain yn cael eu hystyried o'r dechrau un. O ganlyniad, anogir datblygwyr i ymgysylltu â'r awdurdod cynllunio lleol a rhanddeiliaid eraill, megis y Bwrdd Iechyd Lleol mor gynnar â phosibl yn y broses o baratoi cynigion datblygu. Dylid darparu Asesiad o'r Effaith ar Iechyd gydag unrhyw gais ar gyfer mwyngloddio brig.

Cymunedau Iach: Rhestr Wirio Ddilyniannol ar gyfer Asesu'r Effaith ar Iechyd

11.196 I helpu i hybu iechyd a llesiant corfforol a meddyliol, dylai'r dull dilyniannol canlynol gael ei ystyried gan ddatblygwyr i bennu'r gofyniad am Asesiad o'r Effaith ar Iechyd a chwmpas a chynnwys posibl hyn. Mae'r gofyniad hwn yn berthnasol i ddatblygiadau mawr a ddiffinnir mewn deddfwriaeth cynllunio fel:

• Datblygiadau preswyl o 10 annedd neu fwy neu 0.5 hectar neu fwy;
• Darparu adeilad neu adeiladau lle mae'r arwynebedd llawr a fydd yn cael ei greu gan y datblygiad yn 1,000 metr sgwâr neu fwy; neu
• Datblygiad ar safle sydd ag arwynebedd o 1 hectar neu fwy

11.197 Mae'r dull dilyniannol canlynol o ystyried yr angen i gwblhau Asesiad o'r Effaith ar Iechyd yn adlewyrchu'r canllawiau a nodir yn Asesiadau o'r Effaith ar Iechyd – Canllaw Ymarferol.^[64]

• CAM 1: Sgrinio – Penderfynu a ddylid cynnal Asesiad o'r Effaith ar Iechyd

  Mae sgrinio yn bwrw golwg gychwynnol ar effeithiau posibl y cynnig ar y boblogaeth leol ac unrhyw grwpiau agored i niwed penodol a ddiffiniwyd ynddi. Dylai amlygu unrhyw risgiau neu fanteision posibl i iechyd ac unrhyw grwpiau y gallai'r cynnig effeithio'n arbennig arnynt. Mae canlyniad y broses sgrinio'n benderfyniad a ddylid cynnal Asesiad o'r Effaith ar Iechyd ai peidio ac, os felly, pa fath o Asesiad o'r Effaith ar Iechyd sy'n ofynnol. Dylai hefyd ddarparu esboniad o'r modd y daethpwyd i'r penderfyniad.

• CAM 2: Ymarfer Cwmpasu – Pennu'r ffocws, dulliau a chynllun gwaith. Mae'r cam hwn yn golygu gofyn nifer o gwestiynau a gwneud nifer o benderfyniadau i gadarnhau'r amodau gorchwyl, rolau a chyfrifoldebau a'r cynllun y cytunwyd arno ar gyfer yr Asesiad o'r Effaith ar Iechyd.

• CAM 3: Arfarniad o'r Dystiolaeth – Adnabod yr effeithiau ar iechyd. Hwn yw'r cam allweddol yn yr asesiad o'r effaith ar iechyd. Y diben yw casglu gwybodaeth am natur, maint, tebygolrwydd a dosbarthiad posibl effeithiau'r cynnig ar iechyd. Mae hefyd yn gyfle i awgrymu ffyrdd posibl o gynyddu i'r eithaf y manteision i iechyd a lleihau'r risgiau i'r eithaf, yn enwedig i'r rhai sydd â'r iechyd mwyaf bregus o bosibl neu'r grwpiau mwyaf difreintiedig yn y boblogaeth. Mae hefyd yn gyfle i adnabod ac awgrymu camau gweithredu a allai fynd i'r afael â 'bylchau' yn y cynnig neu'r cynllun.

  Er nad yw Asesiad o'r Effaith ar Iechyd ynddo'i hun yn ddull ymchwil, mae'n tynnu ar ystod o ffynonellau gwybodaeth a dulliau o gasglu a dadansoddi data, y bydd rheolau a gweithdrefnau methodolegol priodol yn berthnasol iddynt.

• CAM 4: Adrodd ac Argymhellion – Unwaith y mae'r dystiolaeth a'r data wedi cael eu casglu, dylid datblygu set o argymhellion, a'r rheiny wedi'u goleuo gan gamau blaenorol yr Asesiad o'r Effaith ar Iechyd. Dylai'r argymhellion hyn geisio cynyddu i'r eithaf unrhyw fanteision posibl i iechyd a llesiant a lliniaru effeithiau negyddol posibl. Gallant fod yn gyfle i 'lenwi' unrhyw fylchau a ganfuwyd yn y cynnig a mynd i'r afael o'r newydd ag unrhyw anghydraddoldebau iechyd (neu eraill) a all gael eu hachosi.

Mae angen i argymhellion fod:

• Yn eglur a chryno
• Yn realistig
• Yn rhai y gellir eu cyflawni
• Yn hydrin o ran eu nifer
• Yn ddiduedd
• Yn rhai sy'n adlewyrchu'r holl dystiolaeth a barn yr holl gynrychiolwyr
• Yn rhai y cytunwyd arnynt drwy gonsensws

Dylid cyfeirio at ganllawiau ar ffurf Canllawiau Cynllunio Atodol.

11.198 Mae'r polisi'n ceisio adlewyrchu galwadau Cymru fodern ar gyfer rhwydweithiau cyfathrebu cyflym a chapasiti uchel dibynadwy. Yn hyn o beth mae'n ategu amcan Llywodraeth Cymru i gynnig band eang cyflym a dibynadwy i bob eiddo yng Nghymru ac i roi cymorth i roi seilwaith symudol ar waith ledled y wlad.^[65] Mae'n ceisio adlewyrchu cyd-destun seilwaith band eang fel gwasanaeth hanfodol ac un a all helpu i gefnogi a datblygu'r economi leol yn ogystal â chymunedau ffyniannus a chynhwysol. Mae'r polisi'n adlewyrchu darpariaethau Cymru'r Dyfodol: y Cynllun Cenedlaethol 2040 sy'n cefnogi'r gwaith o ddarparu seilwaith digidol sy'n gallu trosglwyddo ar gyfradd Gigabit i ddatblygiadau newydd lle mae pobl yn bresennol, er enghraifft tai, adeiladau busnes a masnachol newydd, ac adeiladau cyhoeddus.

11.199 Wrth roi'r polisi ar waith, dylid nodi bod BT Openreach a darparwyr eraill yn cynnig cyswllt band eang cyflym iawn ar gyfer pob datblygiad newydd, naill ai'n rhad ac am ddim, neu fel rhan o bartneriaeth a ariennir ar y cyd gan gynnwys partneriaethau a ariennir gan gymunedau. Bydd cysylltiad ffeibr i'r adeilad (FTTP) yn cael ei ddarparu am ddim i ddatblygiadau tai gan BT Openreach yn seiliedig ar eu trothwyon bryd hynny. Efallai y bydd rhaid i ddatblygiadau llai na hyn ddarparu cyfraniadau i sicrhau cysylltiad ffeibr i'r adeilad, neu efallai y byddant yn cael cysylltiadau copr am ddim.

11.200 Wrth roi cymorth i gyflawni ffeibr llawn, mae BT Openreach wedi pennu targedau ledled y DU, ac maent yn rhoi arweiniad a chymorth i ddatblygwyr ynghylch adeiladu rhwydweithiau FTTP llawn ar safleoedd preswyl neu breswyl/masnachol cymysg newydd.

11.201 Mae'r polisi hefyd yn cydnabod, mewn cyfran fach o achosion, na fydd yn bosibl darparu band eang ar gyfer datblygiadau newydd oherwydd eu lleoliad gwledig iawn. Felly mae'r polisi'n cynnwys y potensial i ddarparu swm o arian i gyfrannu tuag at ddatrysiad arall. Fodd bynnag, lle bynnag y bo'n bosibl dylai'r datrysiad gynnwys bod y datblygiad yn trefnu darpariaeth angenrheidiol ar gyfer seilwaith ar y safle i hwyluso'r gwelliannau.

11.202 Bydd darparu band eang cyflym iawn a dibynadwy mewn ardaloedd gwledig o gymorth i gyflawni strategaeth y Cynllun trwy ddarparu cyfleoedd ychwanegol i hybu'r economi wledig ac arallgyfeirio economaidd.

11.203 Yn nalgylch Gwaith Trin Dŵr Gwastraff Llanelli, mae pryderon y byddai cysylltu llifoedd dŵr budr a gynhyrchir gan ddatblygiad newydd yn cyflwyno'r risg o ddirywiad yn ansawdd dŵr Safle Morol Ewropeaidd Bae ac Aberoedd Caerfyrddin. Y rheswm am hyn yw bod y rhan fwyaf o'r systemau carthffosiaeth yn nalgylch Gwaith Trin Dŵr Gwastraff Llanelli yn rhai cyfun (llifau dŵr wyneb a dŵr budr).

11.204 Er bod Dŵr Cymru wedi cadarnhau bod digon o gapasiti yng Ngwaith Trin Dŵr Gwastraff Llanelli i gyflawni'r twf a nodir yn y Cynllun hwn, maent hefyd wedi gofyn am wneud datblygiadau perthnasol yn nalgylch Gwaith Trin Dŵr Gwastraff Llanelli yn ddarostyngedig i ofyniad i gymryd mesur cydbwyso i dynnu dŵr gwastraff o'r system fel rhan o roi caniatâd cynllunio. Wrth nodi'r cyfeiriad penodol at Dŵr Cymru yn y paragraff hwn, dylid nodi bod y materion hyn yn amodol ar ddull amlasiantaeth sy'n cynnwys Dŵr Cymru, Cyfoeth Naturiol Cymru a Chyngor Sir Caerfyrddin. Mae Dinas a Sir Abertawe hefyd wedi'u cynnwys mewn trafodaethau ynghylch Cilfach Tywyn. Bydd y Datganiad o Dir Cyffredin yn cyd-fynd â Pholisi INF4 ac yn cefnogi'r gwaith o'i weithredu ynghyd â'r Canllawiau Cynllunio Atodol ategol.

11.205 Ceir pryder y gall cyflwyno llif ychwanegol o ddŵr budr arwain at orlwytho'r gwaith trin dŵr gwastraff, yn ogystal â chynyddu amlder yr arllwysiadau o garthffosydd cyfun fydd yn gorlifo allan i Safle Morol Ewropeaidd Bae Caerfyrddin a'r Aberoedd yn ystod glaw sylweddol. Gall y materion hyn arwain at broblemau llifogydd lleol hefyd.

11.206 Paratowyd Canllawiau Cynllunio Atodol Cilfach Tywyn i ddarparu canllawiau penodol ynghylch ystyried cynigion datblygu perthnasol sydd wedi'u lleoli yn nalgylch Gwaith Trin Dŵr Gwastraff Llanelli. Er bod Llanelli (Prif Ganolfan) a Phorth Tywyn (Canolfan Wasanaethau) wedi'u hadnabod fel ffocws ar gyfer twf yn y Cynllun hwn, maent hefyd yn ddarostyngedig i ystyriaethau amgylcheddol lefel uchel, yn anad dim ansawdd dŵr Safle Morol Ewropeaidd Bae Caerfyrddin a'r Aberoedd. Gellir cyfeirio hefyd at bolisi CCH4 yn y CDLl: Ansawdd Dŵr a Diogelu Adnoddau Dŵr.

11.207 Mae Canllawiau Cynllunio Atodol Cilfach Tywyn wedi'u seilio ar gonsensws ac yn ceisio darparu sicrwydd ar gyfer rhanddeiliaid a datblygwyr fel ei gilydd. Eu prif swyddogaeth yw cynorthwyo i gyflawni twf fel y nodir yn y Cynllun hwn. Maent yn darparu mecanwaith ar gyfer y gofyniad i ddatblygiadau perthnasol gymryd mesurau cydbwyso i dynnu dŵr wyneb. Mae hyn wedi'i fwriadu i alluogi datblygiadau i gyfrannu tuag at wella'r sefyllfa ar y cyfan, gan leddfu pryderon y bydd cynigion yn cael eu gwrthwynebu gan randdeiliaid allweddol – yn anad neb Dŵr Cymru a Cyfoeth Naturiol Cymru.

(1) 11.208 Ceir dull partneriaeth sydd wedi hen ennill ei blwyf mewn perthynas â'r mater hwn, gan gynnwys Memorandwm Cyd-ddealltwriaeth. Mae Polisi INF4 yn adlewyrchu'r dull partneriaeth hwn wrth symud ymlaen. Dylid cyfeirio at baragraff 11.203 gyda golwg ar y cyfeiriad at y Datganiad o Dir Cyffredin.

11.209 Mae'r Canllawiau Cynllunio Atodol hefyd yn rhoi eglurhad ar achosion pan mai Cyngor Sir Caerfyrddin yw'r ymgeisydd neu'r tirfeddiannwr a'i fod yn ceisio defnyddio gwelliant dros ben y mae wedi'i gronni'n flaenorol ar y gofrestr tynnu dŵr wyneb.

11.210 Mae pryder bod amlhau carthffosydd preifat yn cael effaith niweidiol ar yr amgylchedd. Nod y polisi hwn yw annog datblygiad i beidio â chael carthffosydd preifat unigol ac yn hytrach annog defnydd o system garthffosiaeth breifat ar y cyd.

11.211 Er mwyn ystyried y ddarpariaeth ar gyfer Sipsiwn a Theithwyr yn Sir Gaerfyrddin yn y dyfodol, mae'r Cyngor Sir wedi ymgymryd â dau Asesiad o Anghenion Llety Sipsiwn a Theithwyr sy'n nodi'r angen sydd heb ei ddiwallu ar hyn o bryd ar gyfer lleiniau Sipsiwn a Theithwyr yn y Sir. Cynhaliwyd yr adroddiad cychwynnol yn 2015 i gwmpasu'r cyfnod hyd at 2031, tra bod diweddariad 2019 yn sicrhau bod y Cynllun yn cael ei lywio gan anghenion Sipsiwn a Theithwyr ar gyfer cyfnod y Cynllun hyd at 2033.

11.212 Mae'r Asesiadau yn ystyried y fethodoleg a amlinellir yng nghanllawiau Llywodraeth Cymru, ac mae'n amlinellu dau fath o asesiadau angen: mae'r cyntaf yn ystyried 5 mlynedd gyntaf cyfnod yr Asesiad o Anghenion Llety Sipsiwn a Theithwyr; ac mae'r ail yn ystyried cyfnod llawn yr Asesiad o Anghenion Llety Sipsiwn a Theithwyr o 15 mlynedd.

11.213 Yn seiliedig ar asesiad Sipsiwn a Theithwyr 2019, mae'r angen presennol sydd heb ei ddiwallu ar gyfer 19 o leiniau, ac amcangyfrifir bod darpariaeth Sir Gaerfyrddin am y 5 mlynedd gyntaf ar gyfer 23 o leiniau ychwanegol. Mae cyfran uchel o'r angen hwn yn deillio o bobl sy'n byw mewn cartrefi brics a mortar, a thwf aelwydydd newydd o fewn yr aelwydydd hyn. Mae'r angen hwn wedi'i ganolbwyntio yn Llanelli, lle roedd nifer sylweddol o'r aelwydydd hyn yn byw ar y safle cyhoeddus ym Mhen-y-bryn yn y gorffennol

11.214 Mae rhagamcan wedi'i wneud hefyd o ran aelwydydd sipsiwn a theithwyr newydd a fydd yn dod rhwng Blwyddyn 6 a Blwyddyn 15 yr Asesiad o Anghenion Llety Sipsiwn a Theithwyr. Byddai hyn yn cynnwys, er enghraifft, oedolion ifanc sy'n byw ar safleoedd presennol a fydd, mewn amser, yn ffurfio eu haelwydydd eu hunain, sy'n golygu y byddai angen lleiniau personol arnynt. Mae'r Asesiad o Anghenion Llety Sipsiwn a Theithwyr yn rhagweld y bydd angen 8 o leiniau ychwanegol rhwng Blwyddyn 6 a Blwyddyn 15, sy'n golygu cyfanswm o 31 o leiniau hyd at 2033.

11.215 Fe wnaeth yr Asesiad o Anghenion Llety Sipsiwn a Theithwyr hefyd edrych ar anghenion llety siewmyn teithiol o fewn Sir Gaerfyrddin. Roedd yr elfen hon o'r asesiad yn nodi 9 o leiniau a awdurdodwyd neu a oddefir ar gyfer siewmyn teithiol yn y sir. Wrth ystyried yr amcanestyniad ar gyfer y dyfodol, mae asesiad 2019 yn nodi bod angen 4 llain ychwanegol yn ystod pum mlynedd gyntaf yr asesiad.

11.216 Bydd y gofyniad am leiniau a'r defnydd ohonynt yn cael ei fonitro'n agos hefyd fel rhan o fframwaith monitro'r cynllun hwn ac adroddir ar hynny drwy drefniadau'r Adroddiad Monitro Blynyddol.

11.217 Mae'r polisi'n darparu'r fframwaith a'r cyd-destun ar gyfer ystyried ac asesu cynigion ar gyfer safleoedd newydd, ac estyniadau i safleoedd Sipsiwn a Theithwyr (ac ar gyfer Siewmyn Teithiol) gan adlewyrchu'r darpariaethau a ddiffinnir mewn deddfwriaeth sylfaenol^[66].

11.218 Bydd yn ofynnol bod dyluniad unrhyw safleoedd yn rhoi ystyriaeth i darpariaethau'r Canllawiau Dylunio priodol gan Lywodraeth Cymru^[67].

11.219 Bydd y canllawiau hyn yn ystyriaeth berthnasol wrth benderfynu ynghylch unrhyw geisiadau cynllunio a gyflwynir. Mewn perthynas ag unrhyw safle a ddatblygir gan gorff cyhoeddus, gan gynnwys yr awdurdod lleol, bydd darpariaethau Canllawiau Llywodraeth Cymru: Dylunio Safleoedd Sipsiwn a Theithwyr yn berthnasol.

11.220 Rhaid i gynigion ystyried mynediad ar gyfer cerbydau o'r briffordd gyhoeddus; yn ogystal â darpariaeth ar gyfer parcio, troi a gwasanaethau ar y safle; a diogelwch ar y ffyrdd ar gyfer meddianwyr ac ymwelwyr.

11.221 Dylid gwneud gwaith tirlunio a phlannu coed a llwyni priodol er mwyn i safleoedd gydblethu â'u hamgylchoedd, rhoi strwythur a phreifatrwydd, a chynnal amwynder gweledol. Dylid osgoi tirlunio caled, waliau uchel, neu ffensys gormodol gan bod y rhain yn gallu ynysu safle oddi wrth y gymuned ehangach. Yn sgil y clefyd coed ynn, ni ddylid cyflwyno unrhyw goed ynn.

11.222 Bydd angen i gynigion roi sylw i seilwaith lleol a dangos bod y safle'n gallu darparu digon o gyfleusterau a mynediad at gyfleustodau. Dylai graddfa cynigion fod yn gymesur â'u hamgylchoedd ac â'r gymuned leol. Dylid ceisio arweiniad pellach o Ganllawiau Llywodraeth Cymru ynghylch Dylunio Safleoedd Sipsiwn a Theithwyr.

11.223 Bydd disgwyl i geisiadau gynnwys tystiolaeth i ddangos bod y safle newydd neu'r estyniad i safle presennol yn ofynnol yn y lleoliad hwnnw. Dylai gwybodaeth o'r fath gynnwys tystiolaeth sy'n dangos diffyg argaeledd lleiniau parhaol neu dramwy addas ar safleoedd presennol, neu gyfle i estyn y safleoedd hynny i ddiwallu'r angen gofynnol.

11.224 Gwnaeth Asesiadau Llety Sipsiwn a Theithwyr 2015 a 2019 asesu'r angen am safleoedd tramwy neu fannau aros brys ar gyfer y Gymuned Deithiol sydd naill ai'n teithio'n barhaol neu'n teithio am ran o'r flwyddyn. Gwnaeth yr asesiadau geisio dadansoddi cofnodion o safleoedd a gwersylloedd anawdurdodedig a chafodd data o'r Cyfrifiad Carafanau Teithwyr ei ystyried hefyd. Dangosodd dadansoddiad fod nifer cofnodedig y carafanau awdurdodedig ac anawdurdodedig yn Sir Gaerfyrddin wedi gostwng.

11.225 Cyflwynodd Llywodraeth Cymru fecanwaith monitro newydd i olrhain a chanfod gwersylloedd tramwy anghyfreithlon. Gwnaeth Adroddiad Monitro Blynyddol 2021/2022 nodi nifer o wersylloedd anghyfreithlon, ond nid oedd yr un ohonynt ar ddibenion tramwy. O ganlyniad, nid yw'r data'n dynodi unrhyw batrwm clir eto sy'n gofyn am ymyrraeth trwy nodi safle tramwy. Dylid cyfeirio at fframwaith monitro'r cynllun.

11.226 Mewn perthynas â'r anghenion sy'n codi ar gyfer Siewmyn Teithiol fel a ddynodir trwy'r Asesiad o Anghenion Llety Sipsiwn a Theithwyr, ar hyn o bryd nid oes cydberthynas ofodol â'r angen hwnnw a fyddai'n ei gwneud yn bosibl adnabod safle mewn lleoliad addas. Mae'r cynllun yn ceisio darparu'r hyblygrwydd priodol i ddiwallu'r angen hwnnw trwy ddarpariaethau'r polisi uchod a chyswllt â'r gymuned i adnabod unrhyw angen lleoliadol penodol.

11.227 Mae twristiaeth yn elfen allweddol o economi Sir Gaerfyrddin. Mae'n ffynhonnell bwysig o gyflogaeth a refeniw. Mae'n cynhyrchu oddeutu £400 miliwn - £500 miliwn o refeniw i economi'r Sir yn flynyddol.^[68]

11.228 Mae'r Sir yn gartref i ystod eang o atyniadau, gan gynnwys Cae Rasio Ffos Las, yr Ardd Fotaneg Genedlaethol a Pharc Gwledig Pen-bre. Sir Caerfyrddin yw "hwb beicio Cymru", ac mae'r Strategaeth Feicio yn mynegi dyheadau'r cyngor i fod yn arweinydd cenedlaethol o ran darparu digwyddiadau a datblygiadau seilwaith beicio.^[69]

11.229 Mae twristiaeth yn ddiwydiant dynamig sydd â sylfaen ddemograffig / cwsmeriaid eang. Mae Sir Gaerfyrddin mewn sefyllfa dda i fanteisio ar botensial y sector o ystyried ei lleoliad yng nghyd-destun y DU. .. Mae'r ddarpariaeth dwristiaeth yn Sir Gaerfyrddin yn amrywio o'r nodweddion naturiol hynny megis hawliau tramwy / cerdded i atyniadau cenedlaethol uchel eu bri sydd wedi hen ennill eu plwyf. Mae twristiaeth treftadaeth a gweithgareddau'r Sir yn uchel ei bri, tra gallai ei hamgylchedd naturiol neilltuol apelio at y sector twristiaeth iechyd.

11.230 Mae SP11 yn pennu'r fframwaith ar gyfer dull polisi o fewn y CDLl Diwygiedig sy'n ddigon ymatebol a hyblyg i alw'r farchnad hyd at 2033, gan hefyd geisio gwarchod yr union gymunedau, tirwedd a threflun sy'n gwneud Sir Gaerfyrddin yn lle gwych i ymweld ag ef ac i'w fwynhau. Tra bod y polisi strategol yn darparu'r cyd-destun cyffredinol, mae polisïau penodol yn darparu manylder. Mae hyn yn cynnwys egluro unrhyw rôl sydd gan derfynau anheddu aneddiadau diffiniedig o ran goleuo penderfyniadau ynghylch cynigion.

11.231 Wrth ddehongli SP11, dylid nodi bod datblygiadau sy'n gysylltiedig â thwristiaeth yn cynnwys cyfleusterau newydd, yn ogystal ag estyniadau i gyfleusterau presennol.

11.232 Dylai estyniadau i'r cyfleusterau presennol fod yn israddol o ran eu graddfa a'u swyddogaeth mewn perthynas â'r cyfleuster presennol a dylai cynigion sy'n cynnwys estyniadau sylweddol gael eu dehongli fel datblygiadau newydd.

Ychwanegu Gwerth

11.233 Gall cynigion ychwanegu gwerth at economi ymwelwyr y sir drwy gyfrannu at greu cyrchfan a llety amrywiol, o ansawdd uchel, trwy gydol y flwyddyn. Gallai'r buddion economaidd amrywio o gynnydd yn nifer yr ymwelwyr a diwrnodau ymwelwyr a chreu swyddi, a allai oll gyfrannu at gymysgedd ehangach o fathau o lety ac atyniadau. Mae'r rhain yn cefnogi'r tymor twristiaeth y tu hwnt i fisoedd yr haf. Mae cyfleoedd i gynigwyr geisio alinio â'r blaenoriaethau corfforaethol hynny sy'n dod i'r amlwg, a'u cefnogi, gan gynnwys dyheadau'r cyngor o ran beicio. Derbynnir y bydd gwerth ychwanegol yn gymesur â graddfa a natur y cynnig. Mae cynigion sy'n cyfrannu at ddatblygu rhwydwaith ehangach o atyniadau o fewn y Sir yn cynyddu'r ddarpariaeth gyffredinol a'r cyfnod aros/gwario, ac felly'n cynnig potensial clir i ychwanegu gwerth.

Parchu gwead cymdeithasol, economaidd ac amgylcheddol y sir

11.234 Mae gan holl rannau'r sir rinweddau sy'n cyfrannu at yr ymdeimlad cyffredinol o le. Mae'r rhain yn cynnwys tirwedd, cadwraeth natur, ffabrig cymdeithasol a'r amgylchedd adeiledig. Mae'r rhain yn asedau y mae'n rhaid eu diogelu ar gyfer ein cenedlaethau yn y dyfodol ac ni ellir eu peryglu yn ormodol gan ddatblygiadau sy'n ymwneud â thwristiaeth.

11.235 Dylai fod yna bwyslais hefyd ar ddarparu ansawdd ym mhob agwedd ar gynnig. Wrth ystyried pa mor dderbyniol yw cynigion, rhoddir ystyriaeth o ran eu lleoliad, y safle a bennir, dyluniad a graddfa, mynediad at y rhwydwaith o brif ffyrdd a ffyrdd craidd, ac effaith unrhyw draffig canlyniadol. Yn ogystal â hyn, mae'r graddau o ran pa mor hygyrch yw'r safle ar drafnidiaeth gyhoeddus a thrwy gerdded a beicio yn ystyriaethau pwysig. Dylai cynigion adlewyrchu cymeriad ac ymddangosiad yr ardal, gyda defnydd priodol o dirweddu a sgrinio yn ôl y gofyn.

Lleoliad cynaliadwy

11.236 Wrth gydnabod galw'r farchnad, dylai datblygiadau sy'n gysylltiedig â thwristiaeth gael eu cyfeirio at leoliadau cynaliadwy. Dylid ystyried strategaeth ofodol y Cynllun Datblygu Lleol wrth benderfynu ar briodolrwydd unrhyw leoliad, yn ogystal â'r Hierarchaeth Trafnidiaeth Gynaliadwy ar gyfer Cynllunio^[70]. . Mae'r polisïau penodol yn darparu canllawiau pellach ynghylch rhoi'r dull gofodol hwn ar waith.

11.237 Dylai cynigion mewn perthynas â thwristiaeth adlewyrchu cymeriad yr ardal a'r effeithiau ar gyffiniau'r safle fel rhan o ddull sy'n seiliedig ar greu lleoedd. Dylai cydnabyddiaeth o'r ymdeimlad o le o fewn cyffiniau'r cynnig fod ymhlyg o fewn cyd-destun y dull sy'n seiliedig ar glystyrau, sy'n grwpio'r fframwaith aneddiadau. Yn nhermau gofodol, byddai hyn yn dangos bod y cynigion twristiaeth ar raddfa fwy hynny, sy'n cynhyrchu llawer o deithiau, yn addas i gael eu lleoli yn ne'r sir lle mae'r seilwaith ar waith i'w cefnogi.

11.238 Wrth nodi'r cynnig sefydledig, sy'n arfordirol yn bennaf, sy'n nodweddu ardal dde-orllewin y Sir, bydd angen rhoi sylw dyledus i unrhyw effaith ar y dirwedd o ganlyniad i unrhyw bosibilrwydd o'i defnyddio'n rhy ddwys.

11.239 Mae ardaloedd gwledig y sir mewn sefyllfa dda i dderbyn cynigion cynaliadwy o ansawdd uchel sydd ar raddfa briodol. Dylai cynigion barchu asedau'r sir wrth gefnogi cymunedau gwledig bywiog ar yr un pryd.

11.240 Mae'n rhaid i rai datblygiadau sy'n ymwneud â thwristiaeth, oherwydd eu natur, gael eu lleoli yng nghefn gwlad. Mae'n bwysig nad yw'r datblygiadau hyn yn cael unrhyw effaith negyddol sylweddol ar y dirwedd, yr amgylchedd naturiol neu amwynderau. O ran y polisïau manwl ar gyfer y CDLl Diwygiedig, mae'r pwyslais ar egluro'r ddwy her a'r cyfleoedd nodedig sy'n wynebu'r economi ymwelwyr yn Sir Gaerfyrddin sef atyniadau (rhywle i fynd) a llety (rhywle i aros).

11.241 Mae'r polisi hwn yn cydnabod y cyfleoedd economaidd a gynigir gan y sector twristiaeth ond mae hefyd yn pwysleisio pwysigrwydd cynnal cyfanrwydd cymdeithasol, economaidd ac amgylcheddol y Sir. Ni ddylai fod unrhyw niwed cymdeithasol, economaidd ac amgylcheddol o ganlyniad i'r cynnig a rhaid bod lefelau hygyrchedd yn foddhaol.

11.242 Gall darparu amrywiaeth a dewis o atyniadau a chyfleusterau helpu i ddatgloi potensial economi ymwelwyr y Sir, megis, atyniadau 'diwrnod glawog' sy'n cynnig potensial arbennig i wrthsefyll materion tymhorol. Mae cyfleusterau defnydd deuol – h.y. atyniadau sydd ar agor i deithwyr dydd a'r gymuned leol – yn cynnig manteision ehangach posibl. Mae cynigion sy'n ceisio cyd-fynd â rhwydwaith ehangach o atyniadau yn y Sir yn cynnig potensial i ehangu'r ddarpariaeth ar y cyfan yn ogystal â chynyddu hyd arosiadau a swm y gwariant ariannol yn economi ymwelwyr Sir Gaerfyrddin.

11.243 Dylai cynigion nad ydynt wedi'u lleoli o fewn, neu nad ydynt yn uniongyrchol gysylltiedig ag, anheddiad a ddiffinnir ym Mholisi SP3 ddangos bod y lleoliad penodol yn hanfodol o ran hyfywedd a dichonoldeb y datblygiad. Bydd angen i'r ymgeisydd ddangos pam fod y lleoliad penodol yn hanfodol a pham fod y cynnig yn dibynnu i raddau helaeth ar briodoleddau'r safle. Gellid gwneud hyn trwy egluro sut y mae'r safle / cynnig wedi'i gysylltu'n weledol, yn swyddogaethol ac yn ofodol â nodwedd ddiffiniedig. Gallai hyn gynnwys nodweddion naturiol, hanesyddol, neu wedi'u gwneud gan ddyn (e.e. cyfleuster sefydledig).

11.244 Dylai cynigion nad ydynt wedi'u lleoli o fewn, neu nad ydynt yn uniongyrchol gysylltiedig ag, anheddiad a ddiffinnir ym Mholisi SP3 roi ystyriaeth yn gyntaf i ailddefnyddio neu estyn adeiladau presennol. Os na fydd unrhyw adeilad presennol i dderbyn y cynnig newydd, dylid defnyddio tir a ddatblygwyd yn flaenorol, gyda safleoedd maes glas yn olaf.

11.245 Lle y bo'n berthnasol, bydd y Cyngor yn gofyn i ymgeiswyr gyflwyno datganiad ategol twristiaeth. Mae datganiad o'r fath yn darparu mecanwaith i'r ymgeisydd ddangos aliniad polisi'r cynnig. Gall datganiad hefyd roi'r cyfle i ymgeisydd ddangos nodweddion economaidd y cynnig yn llawn (fel sy'n gymesur â maint/graddfa ac ati).

11.246 Mae'r polisi hwn yn cydnabod manteision arlwy llety amrywiol o ran darparu ystod a dewis o leoedd i aros. Mae'r polisi hwn yn berthnasol i amrywiaeth o wahanol fathau o lety, o westai mawr o ansawdd uchel i lety gwely a brecwast bach. Caiff carafanau statig, chalets a safleoedd glampio parhaol eraill eu hystyried o dan bolisi VE4. . Gall hyn gynnig ystod o fanteision economaidd, gan hefyd ganiatáu i'r Sir ehangu ei darpariaeth ac apelio at seiliau demograffig / cwsmeriaid ehangach, a chyfrannu at fwy o wariant.

(1) 11.247 . Lle rhoddir caniatâd cynllunio ar gyfer llety gwyliau parhaol, bydd y Cyngor yn ystyried atodi amodau sy'n cyfyngu ar y defnydd fel mai defnydd fel llety gwyliau yn unig ydyw. Gellir defnyddio amodau meddiannaeth dymhorol hefyd i atal llety o'r fath rhag cael ei feddiannu'n barhaol ar sail breswyl. Yn ogystal, mewn ardaloedd lle mae'n hysbys fod nifer yr achosion o ail gartrefi a thai haf yn fater difrifol mewn cymunedau, bydd y Cyngor yn ystyried gosod cyfyngiadau ar hawliau datblygu a ganiateir i newid anheddau sy'n bodoli eisoes i gartrefi gwyliau ac ail gartrefi.

11.248 At ddefnydd adeiladau gwledig at ddibenion twristiaeth, yn gyffredinol ni fydd adeiladau nad ydynt yn cyrraedd y safon ofynnol a / neu sydd o ymddangosiad anghydweddol yn cael eu hystyried yn briodol i'w troi'n llety gwyliau. Yn hyn o beth, ni fydd cynigion ar gyfer adeiladau wedi'u hadeiladu'n fodern megis unedau ffrâm porthol neu strwythurau dros dro yn cael eu hystyried yn briodol i'w troi'n llety gwyliau. Dylid cyfeirio hefyd at Bolisi RD4: Addasu ac Ailddefnyddio Adeiladau Gwledig at Ddefnydd Amhreswyl.

11.249 Lle y bo'n berthnasol, bydd y Cyngor yn gofyn i ymgeiswyr gyflwyno datganiad ategol twristiaeth. Mae datganiad o'r fath yn darparu mecanwaith i'r ymgeisydd ddangos aliniad polisi'r cynnig.

11.250 Cyfeirir at Bolisi RD3: Arallgyfeirio ar Ffermydd sy'n darparu'r fframwaith polisi ar gyfer prosiectau arallgyfeirio ar ffermydd sy'n ceisio gwneud cyfraniad cadarnhaol at yr economi wledig a'i chryfhau.

11.251 Mae'r polisi hwn yn cydnabod y dylid cefnogi cynigion priodol sydd o ansawdd uchel. Mae hyn yn cydnabod yr angen i ddarparu arlwy llety amrywiol o ran darparu ystod a dewis o leoedd i aros yn y Sir.

.

11.252 Wrth ymateb i dueddiadau sy'n dod i'r amlwg yn y sector, mae'r polisi hwn yn darparu ar gyfer ystyried gwersylla moethus amgen neu unedau llety glampio. Efallai na fydd y rhain yn debyg i bebyll traddodiadol ac maent hefyd yn annhebygol o gyd-fynd â'r diffiniad statudol o garafán. Er mwyn i uned o'r fath gael ei hystyried yn un nad yw'n barhaol, dylai fod ag angoriad / cyswllt ffisegol cyfyngedig â'r llawr a dylai fod yn dramwy a chreu effaith fach. Dylai'r uned fod yn hawdd i'w symud oddi ar y safle. Ni ystyrir bod defnyddio sylfeini concrit yn briodol, tra dylai unrhyw lwyfannau neu ddecin pren allu cael eu symud yn rhwydd oddi ar y safle.

11.253 Bydd y Cyngor yn ystyried defnyddio amodau – gan gynnwys cyfyngu'r defnydd i ddefnydd fel llety gwyliau yn unig, neu gyfyngu ar gyfnod gweithredol y safle. Ceir disgwyliad bod y safle'n gallu cael ei adfer i'w gyflwr gwreiddiol a bod unrhyw unedau llety'n cael eu symud oddi ar y safle pan fo ar gau.

11.254 Er bod natur amharhaol cynigion a gaiff eu hystyried dan y polisi hwn yn golygu eu bod yn debygol o gael llai o effaith ar y dirwedd a'r amgylchedd nag unedau sefydlog, mae'n dal yn ofynnol iddynt gyd-fynd yn foddhaol â'r dirwedd a/neu'r drefwedd. Bydd angen i'r Cyngor fod wedi'i argyhoeddi nad oes unrhyw effaith niweidiol, yn enwedig o safbwynt capasiti'r dirwedd. Dylai fod pwyslais ar gynigion sydd wedi'u sgrinio'n dda lle gall unedau gael eu cymhathu'n rhwydd â'r dirwedd heb yr angen am ormod o nodweddion o waith dyn megis arwyneb solet a ffensys. Dylid rhoi sylw dyladwy i bolisïau'r CDLl SP12: Creu Lleoedd a Lleoedd Cynaliadwy a PSD1: Dylunio Cynaliadwy ac o Ansawdd Uchel.

11.255 Lle y bo'n berthnasol, bydd y Cyngor yn gofyn i ymgeiswyr gyflwyno datganiad ategol twristiaeth. Mae datganiad o'r fath yn darparu mecanwaith i'r ymgeisydd ddangos aliniad polisi'r cynnig. Yng nghyd-destun y polisi hwn, mae'n debygol y bydd y Cyngor yn ceisio cynllun tirlunio er mwyn gallu arfarnu'r lleoliad, cynllun y safle, a sgrinio. Bydd hefyd yn caniatáu i'r ymgeisydd ymhelaethu ar fanteision economaidd y cynnig (fel sy'n gymesur â'i faint/graddfa ac ati).

11.256 Mae'r polisi hwn yn cydnabod y dylid cefnogi cynigion priodol sydd o ansawdd uchel. Mae hyn yn cydnabod yr angen i ddarparu arlwy llety amrywiol o ran darparu ystod a dewis o leoedd i aros yn y Sir.

11.257 Bydd y Cyngor yn ystyried cymhwyso amodau – gan gynnwys cyfyngu'r defnydd i ddefnydd fel llety gwyliau yn unig a / neu gyfyngu ar gyfnod gweithredol y safle.

11.258 Lle y bo'n briodol, bydd y Cyngor yn ei gwneud yn ofynnol i weithredwyr safleoedd gynnal cofrestr gyfoes o enwau holl berchnogion/meddianwyr unedau sefydlog a'u prif gyfeiriad cartref er mwyn sicrhau nad yw'r unedau gwyliau'n dod yn brif fan preswylio'r perchennog/meddiannwr.

11.259 Yr egwyddor ddylunio danategol y dylid ei dilyn ar gyfer llety ymwelwyr sefydlog yw ansawdd da – yn anad dim o ran cynllun ac ymddangosiad. Dylai cynigion fod wedi'u lleoli mewn lleoliadau anymwthiol sydd wedi'u sgrinio'n addas gan nodweddion presennol y dirwedd a/neu lle gall yr unedau gael eu cymhathu'n rhwydd â'r dirwedd mewn ffordd nad yw'n achosi niwed sylweddol i ansawdd gweledol y dirwedd, y morwedd neu'r drefwedd. Dylid rhoi sylw dyladwy i bolisïau CDLl SP12: Creu Lleoedd a Lleoedd Cynaliadwy a PSD1: Galluogi Dylunio.

11.260 Dylai dangos perthynas ofodol a swyddogaethol â chyfleuster neu atyniad twristiaeth presennol perthnasol fod yn gymesur â maint a natur y cynnig. Ystyrir bod cynigion ar gyfer llety gwyliau sefydlog sydd o natur wasgaredig a digysylltiad yn hynod annhebygol o allu dangos y berthynas ofynnol.

11.261 Mae llawer o unedau sefydlog presennol wedi'u lleoli mewn ardaloedd sy'n sensitif yn weledol, yn enwedig ar hyd morlin Sir Gaerfyrddin. Mae'r polisi'n ceisio hybu gwelliannau ac uwchraddio safon llety ymwelwyr ar safleoedd presennol, a lleihau effaith y safleoedd hyn ar y dirwedd / morwedd. Dylai cynigion o'r fath fodloni polisïau a darpariaethau'r Cynllun yn ei gyfanrwydd.

11.262 Mae'r polisi'n ceisio adlewyrchu Deddf Llesiant Cenedlaethau'r Dyfodol 2015 yn yr ystyr ei fod yn cydnabod y risgiau a achosir gan berygl llifogydd a / neu erydiad sy'n deillio o newid arfordirol. I'r perwyl hwn, dylid cyfeirio at bolisi CDLl NE7: Ardal Rheoli Newid Arfordirol gyda golwg ar y posibilrwydd o adleoli carafannau sefydlog, chalets neu unedau llety ymwelwyr parhaol eraill.

11.263 Lle y bo'n berthnasol, bydd y Cyngor yn gofyn i ymgeiswyr gyflwyno datganiad ategol twristiaeth. Mae datganiad o'r fath yn darparu mecanwaith i'r ymgeisydd ddangos aliniad polisi'r cynnig. Yng nghyd-destun y polisi hwn, mae'n debygol y bydd y Cyngor yn ceisio cynllun tirlunio er mwyn gallu arfarnu'r lleoliad, cynllun y safle, a sgrinio, yn ogystal â chynllun gwella ar gyfer estyniadau. Caiff materion capasiti'r dirwedd eu nodi hefyd. Dylai'r datganiad roi cyfle i'r ymgeisydd ymhelaethu ar fanteision economaidd y cynnig hefyd (fel sy'n gymesur â'i faint/graddfa).

11.264 At ddibenion y polisi hwn mae llety gwersylla amgen parhaol yn golygu unedau na ellir eu symud o'r safle pan nad ydynt yn cael eu defnyddio, oherwydd y graddau y maent wedi'u cysylltu'n ffisegol â'r ddaear ac oherwydd y ffordd y maent wedi'u dylunio.

11.265 Mae Polisi Cynllunio Cymru yn pennu polisïau cynllunio defnydd tir Llywodraeth Cymru. Ei brif nod yw hyrwyddo a darparu fframwaith ar gyfer datblygu cynaliadwy yng Nghymru.

11.266 Mae un o elfennau allweddol yr agenda bolisi genedlaethol hon, a'r amcanion datblygu cynaliadwy sy'n ei thanategu, yn ymwneud â'r angen i gofleidio creu lleoedd fel rhan o'r broses o wneud cynlluniau a gwneud penderfyniadau. Mae'r polisi cynllunio cenedlaethol yn nodi Lleoedd Cynaliadwy fel nod y system cynllunio defnydd tir yng Nghymru. Mae Polisi Cynllunio Cymru yn nodi mai allbwn y system gynllunio yw Lleoedd Cynaliadwy yn hytrach na'r broses o'u cyflawni. Dylai'r holl benderfyniadau ynglŷn â datblygu, naill ai trwy ddewisiadau polisi cynlluniau datblygu neu benderfyniadau unigol ynglŷn â rheoli datblygu, geisio cyfrannu tuag at greu lleoedd cynaliadwy a llesiant gwell^[71].

11.267 Mae Llywodraeth Cymru yn ymrwymedig i hyrwyddo ffurfiau mwy cynaliadwy o ddatblygu, ac mae ei chynllun datblygu cynaliadwy, Cymru'n Un: Un Blaned^[72] (2009), yn amlinellu ei dull o ran datblygu cynaliadwy. Drwy'r system gynllunio yng Nghymru, gellir defnyddio dylunio da i chwarae rôl fawr wrth gyflawni ffurfiau cynaliadwy o ddatblygu. Mae'r CDLl Diwygiedig wedi ymrwymo i fwrw ymlaen â'r agenda creu lleoedd cynaliadwy drwy ei bolisïau, sy'n cydnabod y rôl y gall datblygiadau newydd ei chael o bosibl wrth gyfrannu tuag at wneud lleoedd a gwella rhinweddau'r ardal. Mae'r dull gweithredu yn ceisio cyd-fynd â Deddf Llesiant Cenedlaethau'r Dyfodol (Cymru) 2015 gan hyrwyddo cynhwysiant cymdeithasol, cyfle cyfartal a mynediad i bawb yn ogystal ag iechyd a llesiant ein cymunedau.

11.268 Mae cyflawni dyluniad da a chreu ymdeimlad o le effeithiol yn mynnu dealltwriaeth o'r berthynas rhwng holl elfennau'r amgylchedd naturiol ac adeiledig. Mae dylunio yn gydran hanfodol wrth greu datblygiadau cynaliadwy, sydd ei hun ar flaen y gad o ran Deddf Llesiant Cenedlaethau'r Dyfodol 2015.

11.269 Mae'r Ddeddf yn golygu bod yn rhaid i gyrff cyhoeddus megis awdurdodau lleol weithio i sicrhau y dylai datblygiadau gydnabod a cheisio gwella llesiant economaidd, cymdeithasol, amgylcheddol a diwylliannol ardaloedd.

11.270 Mae'r polisi'n integreiddio elfennau allweddol o greu lleoedd cynaliadwy sy'n cyfrannu at wireddu Gweledigaeth y Cynllun, sef creu cymunedau llewyrchus, cydlynol a chynaliadwy. Mae hefyd yn cydnabod y rôl y mae nodweddion amgylcheddol a hanesyddol a diwylliannol unigryw'r Sir yn ei chwarae wrth ddiffinio amgylchedd iach, diogel a ffyniannus. Mae rôl y Seilwaith Gwyrdd a Glas a'i rwydwaith o fannau agored amlswyddogaethol yn elfen bwysig yn ogystal â'i darpariaethau ar gyfer iechyd a llesiant a chyfleoedd gwell ar gyfer Teithio Llesol. Cydnabyddir natur amlswyddogaethol y Seilwaith Gwyrdd a Glas ac mae'n cynnwys tirwedd, treftadaeth, amwynder, iechyd a llesiant, rheoli adnoddau naturiol mewn modd cynaliadwy, ynghyd ag addasu i'r hinsawdd a gallu ei gwrthsefyll.

11.271 Mae manteision amgylcheddol, cymdeithasol ac economaidd ynghlwm wrth greu datblygiad sydd wedi'i ddylunio'n dda. Mae amgylchedd cynaliadwy sydd wedi'i ddylunio'n dda yn elfen hanfodol i gyflawni ffyniant economaidd gan y bydd yn fwy deniadol i fuddsoddwyr posibl yn ogystal â bod yn fwy apelgar i gwsmeriaid, gweithwyr allweddol a thwristiaid. Yn yr un modd, bydd adeiladau a mannau gweithio sydd wedi'u dylunio'n well yn arwain at weithwyr mwy cynhyrchiol. Ar yr un pryd, bydd cymdogaethau sydd wedi'u cynllunio'n well yn creu cymunedau hapusach ac iachach a fydd yn fwy ymroddedig i gynnal eu hamgylchiadau. Efallai y bydd y manteision economaidd yn cynnwys llai o lygredd drwy leihau traffig, amddiffyn neu wella bioamrywiaeth, a chadw'r dreftadaeth adeiledig. Mae'r holl fuddiannau hyn yn ganolog ar gyfer cyflawni datblygu cynaliadwy a ffyniant economaidd hirdymor ardal.

11.272 Nod y polisi hwn yw sicrhau y gall cynigion datblygu gyflawni canlyniadau economaidd, cymdeithasol, amgylcheddol a diwylliannol cadarnhaol, a lleihau rhai niweidiol. Bydd hyn, ynghyd â'r polisïau mwy manwl a fydd yn cael eu datblygu fel rhan o'r Cynllun Datblygu Lleol Adneuo, yn ffurfio sail yr holl benderfyniadau cynllunio, a bydd dangosyddion yn cael eu datblygu fel rhan o fframwaith monitro'r cynllun er mwyn dangos effeithiolrwydd y polisïau. Bydd Canllawiau Cynllunio Atodol pellach yn cael eu paratoi i ychwanegu at Bolisi SP12.

(2) 11.273 Mae Deddf Rheoli Llifogydd a Dŵr 2010 (Atodlen 3)^[73] yn sefydlu Corff Cymeradwyo Draenio Cynaliadwy ac yn ei gwneud hi'n ofynnol i ddatblygiadau newydd gynnwys nodweddion Systemau Draenio Cynaliadwy sy'n cydymffurfio â safonau cenedlaethol.

11.274 Er bod y broses gydsynio ar gyfer Systemau Draenio Cynaliadwy yn rhan o gyfundrefn reoleiddiol ar wahân i gynllunio, mae'r Cynllun hwn yn cydnabod pwysigrwydd cynnwys ystyriaeth i Systemau Draenio Cynaliadwy fel rhan o'r cysyniad dylunio o'r dechrau un fel rhan o ddull creu lleoedd. Yn hyn o beth, mae'r Cynllun yn cydnabod bod Systemau Draenio Cynaliadwy yn gallu cael eu defnyddio'n effeithiol mewn ardaloedd gwledig a threfol i gefnogi datblygu ac ailddatblygu newydd, gan hefyd leihau perygl llifogydd dŵr wyneb a chreu cyfleoedd ar gyfer ansawdd dŵr gwell, cynefinoedd cyfoethog bio-amrywiol a mannau hamdden cymunedol newydd.

11.275 Cynghorir datblygwyr i gysylltu â Chorff Cymeradwyo Draenio Cynaliadwy y Cyngor ar adeg amserol er mwyn egluro a chwmpasu'r gofynion. ^[74]

11.276 Mae'r cynllun hwn a'r polisi'n ceisio sicrhau bod cynigion datblygu'n arddangos egwyddorion dylunio cynaliadwy ac o ansawdd da sy'n adlewyrchu'r cyd-destun lleol. Mae dylunio o ansawdd da'n ganolog i'n huchelgeisiau ar gyfer creu cymunedau llewyrchus, cydlynol a chynaliadwy. Rhan bwysig o hyn yw sefydlu dull adfywio seiliedig ar ddylunio sy'n darparu ar gyfer datblygiadau a dyluniadau o ansawdd da mewn ffordd sy'n cydnabod unigrywiaeth lleol, a'r berthynas rhwng y ffurf adeiledig bresennol a datblygiadau newydd.

11.277 Mae'r Cynllun yn ceisio adlewyrchu darpariaethau polisi cenedlaethol a'r ffaith bod datblygu cynaliadwy wedi'i wreiddio o fewn y cynllun, gan gydnabod y dylai tai a datblygiadau newydd gael eu darparu mewn ffordd sy'n gyson ag egwyddorion cynaliadwyedd. Mae materion megis cynllun, graddfa, ffurf, trwch, uchder, dwysedd, deunyddiau a manylion penodol (gan gynnwys y paled lliwiau) yn elfennau pwysig. Fodd bynnag, cydnabyddir nad yw'r rhain yn gallu bod yn gyfarwyddol ac y byddant yn amrywio ar draws datblygiadau ac ardal y Cynllun.

11.278 Ni ddylai creu dyluniad da fod yn gyfyngedig i ymddangosiad ffisegol adeiladau yn unig ac ni fydd manylion strwythurol penodol ar eu pennau eu hunain yn creu lle cynaliadwy. Yn hytrach, mae'r cymysgedd posibl o ddefnyddiau mewn datblygiad a/neu adeiladau, mannau (gan gynnwys bylchau a golygfeydd pwysig) a'r gymuned ehangach yn berthynol i'w gilydd yr un mor bwysig er mwyn i'r datblygiad gyflawni'r ymdeimlad o le a ddymunir.

11.279 Mae'r polisi hwn ar y cyd ag SP12: Creu Lleoedd a Lleoedd Cynaliadwy, PSD3: Rhwydwaith Seilwaith Gwyrdd a Glas a PSD2: Egwyddorion Uwchgynllunio – Creu Cymdogaethau Cynaliadwy ynghyd â pholisïau eraill yn y cynllun yn pennu fframwaith cyffredinol ar gyfer ansawdd dylunio da mewn cynigion datblygu, cadwraeth a gwella yn y Sir.

11.280 Dylai adeiladau hanesyddol, trefwedd a thirwedd y Sir gael eu trin fel ased a'u gwarchod a'u gwella'n gadarnhaol er budd preswylwyr ac ymwelwyr fel ei gilydd. Ceir canllawiau pellach ynghylch datblygu a gwarchod hunaniaethau hanesyddol a diwylliannol ym Mholisi Strategol SP14.

11.281 Dylai cynigion adlewyrchu'r angen i warchod nodweddion yr ardal ac amwynder y rheiny sy'n ymweld â'r ardal, sy'n gweithio ynddi, a/neu sy'n byw ynddi. Dylai lleoliad adeiladau ar y safle a natur defnyddiau gael eu hystyried yng ngoleuni eu potensial i achosi niwsans annerbyniol. Gall ystyriaethau i amwynder ymwneud â phob math o ddatblygiad ledled y Sir. O ganlyniad, mae'r polisi'n ceisio parchu a, lle y bo'n briodol, gwarchod amwynder trigolion presennol.

11.282 Bydd lleoliad adeiladau ar y safle, cynllun a dyluniad manwl datblygiad yn aml yn hollbwysig i lwyddiant ymdrechion i ddarparu dewisiadau gwirioneddol yn lle teithio mewn car. Gall lleoliadau da ar gyfer safleoedd a datblygiadau wedi'u dylunio'n dda gynyddu eglurder safleoedd a mynediad at lwybrau cerdded, beicio a thrafnidiaeth gyhoeddus gan felly leihau maint traffig a chyflymder ceir. Mae'r Cynllun hwn, a strategaethau eraill, yn sicrhau bod datblygiadau newydd yn cyflawni cynaliadwyedd cymdeithasol, economaidd ac amgylcheddol, gan greu lleoedd sy'n gydlynol ac yn gymdeithasol gynhwysol sy'n atgyfnerthu hunaniaeth leol.

11.283 Mae dyluniad o ansawdd gwael nid yn unig yn gallu tanseilio cymeriad, nodweddion ac ymddangosiad ardal, ond mae hefyd yn gallu effeithio ar amwynder preswylwyr presennol a'u hansawdd bywyd. Dylai datrysiadau dylunio ystyried effeithiau o'r fath mewn perthynas ag: effaith weledol, colli golau, edrych drosodd/preifatrwydd, aflonyddwch a goblygiadau tebygol symudiadau traffig neu ystyriaethau gweithredol.

11.284 Dylai cynigion ystyried ansawdd bywyd meddianwyr posibl y datblygiad hefyd. Ystyrir bod maint mannau byw yn bwysig hefyd o ran cynnal safon byw briodol gan gynnwys darparu ar gyfer amgylcheddau iach a deniadol i fyw ynddynt. Dylid nodi y bydd ystyriaethau o'r fath yn berthnasol i addasiadau lle mae potensial ar gyfer gor-ddwysáu defnydd a hynny'n arwain at amodau byw cyfyng.

11.285 Lle y bo'n briodol, dylid cyflwyno Datganiad Dylunio a Mynediad gyda cheisiadau cynllunio. Dylai'r Datganiad Dylunio a Mynediad gynnwys y manylion sy'n angenrheidiol i sicrhau bod y cais a'r ystyriaethau dylunio ar gyfer unrhyw ddatblygiad yn cael eu mynegi'n llawn gan roi sylw i ddarpariaethau polisi a'u cyd-destun.

11.286 Bydd yn ofynnol i gynigion ar gyfer datblygiadau sydd â thros 50 o dai roi sylw i ddarpariaethau Polisi PSD2: Egwyddorion Uwchgynllunio – Creu Cymdogaethau Cynaliadwy. Bydd Canllawiau Cynllunio Atodol yn ymhelaethu ymhellach ar y polisi gan gynnwys arweiniad penodol ar Egwyddorion Creu Lleoedd a Dylunio. Bydd Seilwaith Gwyrdd a Glas a'i rwydwaith o fannau agored amlbwrpas yn rhan annatod o unrhyw ddatrysiad dylunio effeithiol. O ganlyniad bydd disgwyl i gynigion roi sylw dyledus i Bolisi PSD3: Rhwydwaith Seilwaith Gwyrdd a Glas.

11.287 Mae gwyliadwriaeth naturiol yn ystyriaeth bwysig wrth sicrhau lleoedd diogelach a datblygiadau a chymunedau mwy cynhwysol.

11.288 Mae'r Cynllun yn cydnabod y gall tir ansad ddigwydd am nifer o resymau, er eu bod yn aml yn perthyn i'r categorïau canlynol:

1. Effeithiau ceudodau tanddaearol – boed â tharddiad naturiol neu o ganlyniad i waith cloddio neu beirianneg sifil;
2. Llethrau ansad – gall y rhain fod yn naturiol (e.e. morlinau sy'n erydu) neu o waith dyn (megis chwareli, trychfeydd neu argloddiau) neu,
3. Cywasgiad tir – gall hyn fod â tharddiad naturiol oherwydd priddoedd mawn, llifwaddodol, aberol neu forol; neu o ganlyniad i weithgareddau dynol e.e. tir gwneud, tirlenwi neu lofeydd brig wedi'u hadfer; a thir sy'n symud o ganlyniad i gleiau sy'n crebachu ac yn chwyddo.

11.289 Yn yr ardaloedd hynny lle mae ansadrwydd tir yn hysbys, rhaid cyflwyno adroddiad cwmpasu gyda chynigion datblygu, a hwnnw'n nodi natur yr ansadrwydd (posibl). Dylai'r adroddiad fod yn ddigon manwl i'r awdurdod lleol ac unrhyw asiantaeth statudol arall allu cadarnhau:

1. nad oes bygythiad posibl i ddatblygiad fynd yn ei flaen;
2. na ellir goresgyn problemau ansadrwydd; neu
3. y gellid rhoi mesurau ar waith i oresgyn problemau dynodedig. Bydd yn ofynnol cyflwyno adroddiad sadrwydd manwl gyda'r cais sydd:
   1. Wedi'i lunio gan "berson cymwysedig", yn fwyaf priodol arbenigwr geotechnegol sy'n gallu dangos profiad arbenigol perthnasol o asesu a gwerthuso ansadrwydd; ac
   2. Yn nodi'r mesurau sy'n ofynnol i liniaru'r risg(iau) a ddynodwyd.

11.290 Mae'n bwysig bod cynigion yn cael eu dylunio ar gyfer oes y datblygiad. Dylai cynigion nodi cyfrifoldeb am gynnal a chadw, a'r trefniadau cyllido ar gyfer cynnal a chadw dros oes y datblygiad arfaethedig.

11.291 Mae'r polisi'n nodi uwchgynllunio fel un o'r gofynion ar gyfer datblygiadau o ran cyflawni dull creu lleoedd cyfannol ar gyfer yr holl safleoedd dyranedig a hapsafleoedd â 50 neu fwy o dai. Bydd angen cytuno ar uwchgynllun ar gyfer yr holl safleoedd a ddyrannwyd ar gyfer 50 o dai neu fwy cyn rhoi caniatâd cynllunio mewn perthynas â'r safleoedd hynny.

11.292 Mae'r polisi'n cydnabod y manteision a all godi o uwchgynllunio effeithiol nid dim ond o ran ansawdd yr amgylchedd a'r ymdeimlad o le y gall ei greu, ond hefyd fel cyfle i integreiddio'r holl ystyriaethau a gofynion datblygiadol perthnasol yn un mynegiad ar y ffurflen gynigion.

11.293 Dylai cynigion fynegi mewn ffordd eglur a chydlynol sut y gall ffactorau megis seilwaith newydd neu wella seilwaith presennol ychwanegu gwerth ar gyfer preswylwyr presennol a darpar breswylwyr. Bydd hyn yn helpu i ffurfio ac arwain darpariaeth yn y dyfodol. Bydd dull o'r fath yn darparu mwy o sicrwydd ac yn integreiddio cyfleoedd ar gyfer byw cysylltiedig, strydoedd eglur, dilyniant o fannau agored a Seilwaith Gwyrdd a Glas a datblygiadau sy'n cyd-fynd â'u hamgylchoedd.

11.294 Dylai cynigion uwchgynllunio ystyried a chynllunio ar gyfer cyflwyno'r datblygiad fesul cyfnod mewn modd effeithiol ac integredig gan ystyried gwahanol gymysgeddau o ddeiliadaethau a darpariaeth addas o ran cyfleusterau ar adegau priodol yn natblygiad safle. Bydd hyn yn sicrhau bod datblygiad yn cael ei gynllunio'n gynhwysfawr gyda chymunedau cydlynol a chynaliadwy'n ganolog iddo. Lle bo'n ymarferol, dylid gwarchod llystyfiant presennol/a gaiff ei gadw drwy gydol y cyfnod adeiladu. Lle caiff cynefin newydd ei greu, dylid ystyried y llinell amser sydd ei hangen er mwyn i'r cynefin ddod yn weithredol.

11.295 Dylid ystyried yr uwchgynllun ar y cam cais cynllunio amlinellol gan gytuno ar ei baramedrau a'i gynnwys, a ddylai fod yn cyd-fynd â cheisiadau materion a gedwir yn y dyfodol.

11.296 Nod y polisi hwn yw sicrhau bod asedau Seilwaith Gwyrdd a Glas yn cael eu gwerthfawrogi, eu diogelu, eu gwella, a'u rheoli drwy rwydwaith Seilwaith Gwyrdd a Glas. Ar raddfa tirwedd, gall asedau Seilwaith Gwyrdd a Glas gynnwys ecosystemau cyfan megis gwlyptiroedd, coetiroedd, rhostiroedd a dyfrffyrdd. Ar lefel leol, gallai gynnwys parciau, caeau, llwybrau cerdded, Hawliau Tramwy Cyhoeddus, llwybrau beicio, tir comin, tir mynediad agored, camlesi, mannau tyfu cyhoeddus, rhandiroedd, mynwentydd, tiroedd wedi'u tirlunio, a gerddi. Ar raddfeydd llai, gall ymyriadau trefol unigol megis coed stryd, lleiniau ymyl ffordd a thoeau gwyrdd oll gyfrannu at rwydweithiau seilwaith gwyrdd a glas.

11.297 Bydd ceisiadau cynllunio yn gofyn am gyflwyno arolygon ac asesiadau sy'n briodol i safle a natur y datblygiad, er mwyn gallu gwerthuso lleoliad, ansawdd, a chyflwr yr holl asedau Seilwaith Gwyrdd a Glas presennol ar ffin y safle ac yn agos iddo. Gall y wybodaeth hon gynnwys Arolygon Coed neu Goedyddiaeth, Arfarniadau Ecolegol Rhagarweiniol ac arolygon rhywogaethau a warchodir. Rhaid i atebion dylunio Seilwaith Gwyrdd a Glas:

1. Nodi'r holl effeithiau andwyol posibl i asedau Seilwaith Gwyrdd a Glas presennol ar y safle ac yn gyfagos i'r safle, a dangos sut y bydd yr effeithiau'n cael eu hosgoi, eu lleihau, a'u lliniaru cyn belled ag y bo modd (yn unol â'r hierarchaeth liniaru) trwy fesurau dylunio ac amddiffyn penodol;
2. Nodi effeithiau anochel i asedau Seilwaith Gwyrdd a Glas presennol ar, ac yn gyfagos i'r safle a dangos sut y mae'r effeithiau wedi'u lliniaru, neu sut y gwneir iawn amdanynt o fewn y cynllun datblygu arfaethedig a thrwy gynlluniau dylunio tirwedd ac ecolegol; a
3. Gwneud y mwyaf o gyfleoedd i wella ansawdd a maint asedau Seilwaith Gwyrdd a Glas presennol, a galluogi'r gwaith o greu asedau Seilwaith Gwyrdd a Glas newydd, i wella cysylltedd ac aml-ymarferoldeb rhwydwaith Seilwaith Gwyrdd a Glas.

11.298 Rhaid i geisiadau cynllunio ar gyfer datblygiadau mawr gynnwys Datganiad Seilwaith Gwyrdd sy'n dangos sut y mae atebion dylunio Seilwaith Gwyrdd a Glas wedi cael eu hystyried a'u cynnwys fel rhan o'r datblygiad arfaethedig. Rhaid i'r Datganiad Seilwaith Gwyrdd fodloni'r gofynion penodedig a nodir ar gyfer atebion dylunio Seilwaith Gwyrdd a Glas a amlinellir yn y paragraff a grybwyllir uchod (i,ii,iii).

11.299 Pan gaiff Seilwaith Gwyrdd a Glas ei gynllunio, ei ddylunio a'i reoli'n briodol, mae ganddo'r potensial i ddarparu ystod eang o nwyddau cyhoeddus a manteision i bobl, bioamrywiaeth, yr hinsawdd ac i fywyd gwyllt. Trwy ystyried y swyddogaethau lluosog y gall asedau naturiol eu darparu ar yr un pryd, gall leihau costau yn sylweddol ar gyfer unigolion, busnesau, a chyrff cyhoeddus, gan wella ansawdd bywyd ac iechyd trigolion, gweithwyr, ac ymwelwyr i Sir Gaerfyrddin.

11.300 Mae'r swyddogaethau hyn y gall Seilwaith Gwyrdd a Glas eu darparu wedi'u cynnwys yn fras o dan y themâu canlynol:

Ffigur 11: Seilwaith Gwyrdd a Glas

Bioamrywiaeth: Gall Seilwaith Gwyrdd a Glas wella cysylltiadau rhwng ardaloedd natur presennol, atal y broses o ddarnio a cholli cynefinoedd a gwella cydnerthedd ecolegol. Bydd cynigion datblygu yn gwarchod ac yn gwella bioamrywiaeth ar y safle, a rhwydweithiau cynefinoedd o fewn ac yn gyfagos i'r safle. Bydd angen i unrhyw gais i fanylu ar sut y bydd y datblygiad yn darparu cadwraeth a gwelliant o'r fath. Bydd hyn yn cynnwys nodi ffyrdd o leihau neu wrthdroi darnio cynefinoedd, a gwella cysylltedd cynefinoedd trwy hyrwyddo coridorau bywyd gwyllt a nodi cyfleoedd i adsefydlu tir, rheoli tirwedd a chreu cynefinoedd newydd neu well.

Ymdeimlad o le: Mae ymgorffori nodweddion Seilwaith Gwyrdd a Glas mewn datblygiad newydd yn elfen bwysig o ddull creu lleoedd Llywodraeth Cymru a gall gyfrannu at yr ymdeimlad unigryw o le mewn ardal neu anheddiad. Mae cadw nodweddion presennol mewn cynigion yn helpu i greu lleoedd sy'n unigryw ac yn gallu helpu i leddfu effaith newid trwy greu ymdeimlad o barhad sy'n cydnabod hunaniaeth leol. Mae Seilwaith Gwyrdd a Glas yn hanfodol i greu lleoedd ac felly rhaid iddo fod yn rhan o'r broses o ddylunio datblygiad o'r dechrau un, yn hytrach na chael ei ddarostwng i dir 'dros ben'.

Newid yn yr Hinsawdd: Gall Seilwaith Gwyrdd a Glas chwarae rhan hollbwysig mewn ymdrechion i frwydro yn erbyn y newid yn yr hinsawdd, ei liniaru ac addasu iddo, a bydd ganddo rôl fwyfwy pwysig i ddiogelu ardaloedd trefol a gwledig rhag y newid yn yr hinsawdd. Gall cynyddu gorchudd gwyrdd ein trefi a dinasoedd ddarparu nifer o fuddion wrth fynd i'r afael â newid hinsawdd. Mae'r rhain yn cynnwys dal a storio carbon, lliniaru gwres a lleihau'r perygl o lifogydd yn ogystal â lliniaru'r dirywiad mewn ansawdd aer a dŵr yn sgil newid yn yr hinsawdd. Bydd cynigion datblygu'n manteisio i'r eithaf ar y manteision hyn, a dylid ystyried blaenoriaethu manteision yn y meysydd canlynol:

1. O fewn ardaloedd yr ystyrir eu bod mewn perygl o lifogydd o unrhyw ffynhonnell, darparu capasiti ar gyfer storio dŵr pe bai llifogydd;
2. O fewn y Prif Ganolfannau, darparu rhyddhad o dymheredd uchel trwy orchudd canopi cynyddol a gwneud defnydd effeithlon o arwynebau i sicrhau'r ddarpariaeth fwyaf posibl o Seilwaith Gwyrdd a Glas gan gynnwys trwy gyfrwng toeau gwyrdd a waliau gwyrdd;
3. Mewn ardaloedd lle mae iechyd y trigolion ar gyfartaledd yn wael, darparu cyfleoedd ar gyfer gweithgarwch corfforol; a/neu
4. O fewn Ardaloedd Rheoli Ansawdd Aer, gwaredu llygryddion aer trwy blannu coed a deiliant addas.

Bydd cynigion datblygu hefyd yn integreiddio Systemau Draenio Cynaliadwy (SuDS) naturiol i ddyluniad Seilwaith Gwyrdd a Glas, a dylent, cyn belled ag y bo modd, sicrhau bod y ddarpariaeth SuDS yn amlswyddogaethol.

Iechyd a Llesiant: Gall seilwaith gwyrdd a glas fod yn ffordd effeithiol o wella iechyd a llesiant, trwy gysylltu anheddau, gweithleoedd a chyfleusterau cymunedol a darparu mannau gwyrdd hygyrch o ansawdd uchel. Dylai datblygiadau geisio cynyddu'r manteision i'r eithaf a, lle y bo'n briodol, defnydd y cyhoedd o seilwaith gwyrdd a glas, gyda phwyslais ar hybu cymunedau iachach. Bydd cynigion datblygu'n cyrraedd safonau lleol o ran hygyrchedd, ansawdd a maint mannau agored, a byddant wedi'u dylunio fel eu bod yn diwallu anghenion y gymuned. Bydd cynigion datblygu yn cynnal ac yn gwella ansawdd a chysylltedd rhwydweithiau mynediad, gan integreiddio llwybrau teithio llesol (gan gysylltu gweithleoedd, ysgolion, cyfleusterau cymunedol a hybiau trafnidiaeth gyhoeddus) a llwybrau hamdden mewn seilwaith gwyrdd a glas.

Yr Economi: Gall diogelu a buddsoddi mewn Seilwaith Gwyrdd gefnogi llwyddiant economaidd a thwf cynaliadwy. Gall Seilwaith Gwyrdd ddenu buddsoddiad o'r tu allan, gan wneud ardal leol yn fwy deniadol i fusnesau ac ymwelwyr. Gall hefyd ddarparu arbedion cost i ddatblygwyr gan fod gan asedau Seilwaith Gwyrdd a Glas y potensial i fodloni nifer o ofynion mewn datrysiad amlswyddogaethol (e.e. darparu mannau agored a SuDS). I'r perwyl hwn dylai datblygiadau geisio nodi a gwneud y mwyaf o ansawdd, defnydd a natur amlswyddogaethol darpariaeth seilwaith gwyrdd a glas ar y safle.

(1) 11.301 O ganlyniad, bydd canllawiau pellach ar Seilwaith Gwyrdd a Glas fel rhan o ddatblygiad yn cael eu paratoi fel Canllawiau Cynllunio Atodol i gefnogi'r agenda creu lleoedd a hyrwyddo amgylcheddau byw bioamrywiol.

(1) 11.302 Mae'r polisi yn cydnabod y cyfraniad pwysig y gall coed, coetiroedd a gwrychoedd eu gwneud i'r amgylchedd ac i'n cymunedau. Mae coed a choetiroedd yn chwarae rhan bwysig yn ardal y cynllun ac maent yn gynhenid i'r dirwedd a chymeriad trefol gan ddarparu cynefin a chynyddu'r gallu i wrthsefyl newid yn yr hinsawdd. Gall gwaith plannu coed, coetiroedd a pherthi wedi'i ddylunio'n dda helpu i fynd i'r afael â'r Argyfyngau Hinsawdd a Natur, fel y datganodd Llywodraeth Cymru a'r Cyngor.

11.303 Cydnabyddir eu cyfraniad o fewn y ffurf drefol yn arbennig. Gallant helpu i fynd i'r afael â llygryddion aer, llifogydd, a llygredd sŵn, a darparu nifer o fanteision eraill gan gynnwys darparu cysgod ac amwynder gweledol. Maent hefyd yn darparu rhannau helaeth o gynefinoedd ar gyfer bywyd gwyllt, yn enwedig coed aeddfed. Mae rhwydwaith Seilwaith Gwyrdd a Glas Sir Gaerfyrddin yn adlewyrchu eu pwysigrwydd yn yr amgylchfyd trefol ac o fewn ein trefi a'n pentrefi - mewn mannau cyhoeddus a phreifat, ar hyd llwybrau llinol, a dyfrffyrdd, ac mewn ardaloedd amwynderau.

(1) 11.304 Ystyriwn bod eu cadw a phlannu rhai newydd ychwanegol yn rhan bwysig o greu cymunedau cydlynus ac iach o fewn cyd-destun gwledig a thirweddol gwerthfawr a bioamrywiol. Dylai pob cais cynllunio gynnwys arolwg o goed lle mae coed yn bresennol ar y safle. Dylai hyn gynnwys mesurau amddiffyn, lliniaru, a rheoli. Rhaid gweithredu mesurau rheoli tymor hir a thymor byr priodol i ddiogelu coed, coetiroedd, a/neu wrychoedd sydd newydd eu plannu a rhai presennol. Gellir cyfeirio at Bolisi CCH7.

11.305 Mae'r polisi'n adlewyrchu'r cysylltiadau trwy greu lleoedd o ansawdd a Seilwaith Gwyrdd a Glas o ansawdd. O ganlyniad bydd canllawiau pellach ar goed a phlannu fel rhan o ddatblygiadau newydd yn cael eu paratoi fel Canllawiau Cynllunio Atodol i ategu'r agenda creu lleoedd a chreu amgylcheddau byw bioamrywiol o ansawdd da.

(1) 11.306 Dylai coed newydd a gaiff eu plannu fod o rywogaeth sy'n frodorol i'r safle, ac o aeddfedrwydd sy'n briodol i'r safle a hynny wrth fodd y Cyngor. O ran y cyfeiriad yn y polisi at golled anochel, bydd y Cyngor yn disgwyl i'r ymgeisydd wneud pob ymdrech resymol i gadw nodweddion presennol, ac o'r herwydd dylid ystyried eu cadw (lle bo'n briodol) yn rhan annatod o ddyluniad y safle datblygu arfaethedig o'r cychwyn cyntaf.

11.307 Un o elfennau allweddol Polisi Cynllunio Cymru Rhifyn 11 yw'r symudiad tuag at gynnwys economi fwy cylchol yng Nghymru. Mae economi gylchol yn un sy'n ceisio parhau i ddefnyddio deunyddiau, cynnyrch a chydrannau gyhyd â phosibl. Ceir manteision amgylcheddol, cymdeithasol ac economaidd o weithredu yn y ffordd hon, yn fwyaf nodedig y cynnydd mewn gwerth a chynhyrchiant deunyddiau, arbedion ariannol i'r sector adeiladu ac atal gwastraff.

11.308 Er mwyn hwyluso gofynion y polisi hwn, bydd angen cyflwyno cynllun rheoli deunyddiau naturiol gyda chynigion datblygu. Dylai'r Cynllun nodi'r holl ddeunyddiau naturiol ar y safle cyn y datblygiad, gall y rhain fod yn adeiladau presennol i'w dymchwel neu'r tir naturiol y byddir yn tarfu arno. Dylai esbonio sut y bwriedir cyfyngu i'r eithaf ar y gwastraff a fydd yn cael ei gynhyrchu o'r deunyddiau hyn a bod y dyluniad a'r cynllun wedi rhoi ystyriaeth lawn i'r angen i sicrhau bod y cydbwysedd rhwng torri a llenwi mor agos â phosibl at fod yn niwtral.

11.309 Anogir cynigion datblygu sy'n cynnwys deunyddiau a nodweddion cynllunio sy'n galluogi hyblygrwydd a'r gallu i addasu drwy gydol oes cynllunio'r adeilad ac a fydd yn galluogi'r deunyddiau i gael eu hailddefnyddio pan fydd yn cael ei ddadadeiladu.

11.310 Lle bo hynny'n briodol, anogir defnyddio deunyddiau o ffynonellau lleol, amgen, neu ddeunyddiau sydd wedi eu hailgylchu, gan gynnwys ailddefnyddio ac ailgylchu deunyddiau agregau eilaidd, deunyddiau adeiladu, deunyddiau dymchwel a gwastraff cloddio, lludw gwaelod llosgwyr a deunyddiau priodol eraill sydd wedi eu hailgylchu.

11.311 Mae'n anochel bod angen rhywfaint o weithrediadau peirianyddol tyrchu a llenwi ar safleoedd adeiladu. Yn rhan o waith trin y safle, dylid asesu'r cydbwysedd torri a llenwi o ddeunyddiau sy'n cael eu cloddio er mwyn osgoi creu gwastraff na ellir ei ailddefnyddio yn effeithiol oherwydd diffyg cyfleusterau storio addas. Yn rhan o'r cynllun rheoli adnoddau naturiol, dylai datblygwyr ddylunio cynigion i sicrhau cydbwysedd o ran cloddwaith sy'n ceisio sicrhau cyn lleied â phosibl o dorri a llenwi neu a all ddarparu ar gyfer adfer tir mewn mannau eraill yn yr ardal.

11.312 Bydd yr Awdurdod Cynllunio yn annog dulliau arloesol o ailgylchu, yn enwedig y rhai sy'n cynnig llawer o fanteision fel lleihau costau ynni ac allyriadau cysylltiedig. Gall hyn gynnwys yr arfer o ailgylchu ar y safle ar safleoedd mwynau ac ailgylchu gwastraff adeiladu a dymchwel ar y cyd â defnyddiau addas eraill, fel mewn iardiau cyflenwyr adeiladwyr.

11.313 Mewn amgylchiadau lle nad oes modd ailddefnyddio neu ailgylchu'r gwastraff, bydd angen i'r ymgeisydd ddarparu tystiolaeth i ddangos ble y bydd y gwastraff gweddilliol yn cael ei waredu. Ymhlith yr opsiynau a fydd yn cael eu hannog y mae'r potensial i ddefnyddio'r gwastraff fel ffynhonnell tanwydd, megis mewn adfer ynni effeithlon iawn o wastraff, o bosibl yn gysylltiedig â systemau gwresogi ardal.

11.314 Mae darparu ystod o gyfleusterau cymunedol sy'n hygyrch i gynifer o bobl â phosibl yn hanfodol o ran sicrhau cymunedau cynaliadwy. Mae cyfleusterau o'r fath yn werthfawr nid dim ond o ran yr amwynder y maent yn ei ddarparu, ond maent hefyd yn bwysig o ran creu cyflogaeth a denu pobl i fyw mewn ardal. Mae cyfleusterau cymunedol yn cyfrannu'n sylweddol at lesiant, ansawdd bywyd, mwynhad a chynwysoldeb aneddiadau a chymunedau o fewn y Sir. Yn hyn o beth, dylai'r posibilrwydd o'u colli gael ei ystyried yn ofalus o gofio'r effeithiau canlyniadol o ran cynaliadwyedd a hunaniaeth gymunedol. Lle bynnag y bo'n ymarferol, dylid ystyried diogelu a chadw cyfleusterau cymunedol a mabwysiadu dulliau ymatebol i helpu i'w cadw.

11.315 Mae'r polisi uchod hefyd yn cydnabod y potensial y bydd datblygu lle mae'n digwydd yn rhoi straen ar gyfleusterau presennol. O ganlyniad, mae digonolrwydd cyfleusterau presennol fel gofal iechyd yn ystyriaeth bwysig. O ganlyniad, mae'r polisi yn ceisio sicrhau bod cyfleusterau digonol yn cael eu darparu i ateb galwadau cymunedau lleol yn y dyfodol.

11.316 Mae'r polisi yn ceisio hybu'r potensial ar gyfer defnydd deuol o gyfleusterau, yn enwedig lle byddai'r gweithgarwch ychwanegol yn helpu i ehangu'r ddarpariaeth gwasanaethau a gwella hyfywedd a defnydd. Gallai cadarnhau hyfywedd cyfleuster, yng nghyd-destun nodweddion demograffig cyfnewidiol, cyflwr a gwaith cynnal a chadw a phatrymau newidiol o ran y galw olygu nad yw rhai cyfleusterau yn ateb y gofynion mwyach. Mewn amgylchiadau o'r fath, gallai ffurfiau amgen o ddarpariaeth a defnydd fod yn briodol. Dylai penderfyniad o'r fath gael ei oleuo, lle y bo'n briodol, gan dystiolaeth leol, y darparwr cyfleuster/gwasanaeth a'r gymuned leol.

11.317 Mae hybu hygyrchedd i hamdden ac adloniant ffurfiol ac anffurfiol yn ystyriaeth bwysig ar gyfer y CDLl. Mae meysydd chwaraeon, rhandiroedd, parciau ac amwynderau naturiol ehangach fel dyfrffyrdd a choetiroedd yn darparu cyfleoedd ar gyfer manteision iechyd posibl ac yn ychwanegu at yr ymdeimlad o le mewn cymuned, yn ogystal ag integreiddio seilwaith gwyrdd a glas yn y ffurf drefol. Bydd cefnogaeth hefyd yn cael ei roi i ddarparu toiledau cyhoeddus hygyrch.

11.318 Mae ganddynt hefyd y potensial i liniaru achosion ac effeithiau'r newid yn yr hinsawdd, a gallant ddarparu mannau ar gyfer rhyngweithio cymdeithasol a chydlyniant cymunedol. Dylid cyfeirio at bolisi PSD7 mewn perthynas â Hamdden a Mannau Agored.

11.319 Mae'r berthynas rhwng mynediad at gyfleusterau gofal iechyd a datblygiadau newydd yn cael ei chydnabod a dylid cyfeirio at Bolisi INF2: Cymunedau Iach.

11.320 Bydd y gwaith o ddarparu cyfleusterau cymunedol yn cael ei gefnogi lle mae'n cyd-fynd â Pholisi Strategol SP3: Dosbarthu Cynaliadwy – Fframwaith Aneddiadau. Caiff lleoliad cynigion ar gyfer darparu cyfleusterau addysgol ac iechyd newydd ei gefnogi ar safleoedd sydd o fewn ac yn uniongyrchol gysylltiedig â therfynau aneddiadau diffiniedig lle maent yn gyson â strategaeth a pholisïau'r CDLl hwn.

11.321 Gall y Cyngor geisio cyfraniadau gan ddatblygwyr trwy rwymedigaethau cynllunio i liniaru effeithiau datblygiadau penodol, ac i hwyluso'r broses o gyflawni polisïau a chynigion y Cynllun.

11.322 Rhoddir diffiniadau o fannau agored ac eglurhad o safonau hygyrchedd y Sir yn Asesiad Mannau Agored Sir Gaerfyrddin a cheir gwybodaeth ychwanegol hefyd yn Asesiad Seilwaith Gwyrdd Sir Gaerfyrddin. At ddibenion y cynllun hwn, diffinnir mannau agored fel ardaloedd sy'n cynnwys caeau chwarae, ardaloedd chwarae plant â chyfarpar, cyfleusterau chwaraeon awyr agored, hamdden anffurfiol a mannau amwynder neu chwarae (h.y. mannau gwyrdd naturiol, mannau chwarae a mannau agored cyhoeddus).

11.323 Mae'r ddarpariaeth mannau agored a nodwyd yn y Sir yn cael ei mapio a'i hasesu yn Asesiad Mannau Agored Sir Gaerfyrddin. Dylid nodi, fodd bynnag, y gall fod ardaloedd ychwanegol o fannau agored nad ydynt yn cael eu hadlewyrchu yn yr Asesiad sy'n gwneud cyfraniad gwerthfawr tuag at ddarparu mannau agored o fewn y gymuned. Er na chaiff yr ardaloedd hyn eu mapio fel rhan o'r CDLl, byddent yn cael eu diogelu serch hynny o dan y polisi hwn os ystyrir bod hynny'n briodol.

11.324 Er bod diogelu mannau agored presennol yn agwedd allweddol ar y polisi uchod, mae hefyd yn rhoi rhywfaint o hyblygrwydd. Mae'n bosibl y bydd ystyried nodweddion demograffig cyfnewidiol, cyflwr a bywiogrwydd y ddarpariaeth bresennol, ac unrhyw batrymau newidiol mewn angen, yn golygu nad yw mannau agored presennol yn ateb y gofynion mwyach. Efallai y bydd darpariaeth dros ben yn cael ei nodi neu gall fod cyfle i wella'r ddarpariaeth bresennol i ddiwallu anghenion y gymuned leol drwy ddatblygiad. Mewn amgylchiadau o'r fath, mae'r polisi yn ceisio darparu ar gyfer gwella neu newid darpariaeth o fewn yr anheddiad fel a lle y bo'n briodol.

11.325 Lle bo gan gynigion y potensial i gael effaith sylweddol a niweidiol ar y ddarpariaeth bresennol, bydd angen i'r ymgeisydd ddangos bod darpariaeth arall ar gael i gyrraedd y safonau hygyrchedd. Dylid cyfeirio at yr Asesiad Mannau Agored at y diben hwn; dylid ystyried nifer y mannau agored, eu lleoliad a'u math wrth nodi darpariaeth amgen o 'werth cyfatebol'. O ran y patrymau newidiol mewn angen a defnydd, dylid ystyried ymgynghori â Chyngor Chwaraeon Cymru, ochr yn ochr â Gwasanaethau Hamdden a Pharciau'r Cyngor, y Cynghorau Tref a Chymuned perthnasol, yn ogystal â darparwyr gwasanaethau a sefydliadau eraill sydd â chyfrifoldeb am ddarparu a chynnal a chadw mannau agored yn yr ardal. Dylid nodi mai cyfrifoldeb yr ymgeisydd fydd darparu digon o wybodaeth i ddangos bod y cynnig yn cydymffurfio â'r polisi hwn.

11.326 Mae'r mannau agored hyn yn gwneud cyfraniad pwysig i Seilwaith Gwyrdd a Glas y Sir trwy ddarparu ardaloedd ar gyfer hamdden, lleihau effaith y newid yn yr hinsawdd, gwella iechyd a llesiant a gwella bioamrywiaeth a chysylltedd, ymhlith manteision eraill. Dylid ystyried Polisi PSD3: Rhwydwaith Seilwaith Gwyrdd a Glas a'r angen i gynyddu i'r eithaf y seilwaith gwyrdd a glas o fewn safle a chyflawni natur amlswyddogaethol trwy ddod â'u swyddogaethau at ei gilydd.

11.327 Mae Asesiad Mannau Agored Sir Gaerfyrddin yn nodi'r ddarpariaeth bresennol o ran mannau agored ledled ardal y cynllun a'r safonau y dylai'r cyngor a datblygwyr anelu at eu cyflawni. Mae'r polisi hwn yn fodd i gyflawni'r safonau hyn sy'n ystyried maint, swyddogaeth a hygyrchedd y ddarpariaeth. Ceir manylion pellach yn yr Asesiad Mannau Agored.

11.328 Wrth benderfynu a oes angen cyfraniad, bydd angen ystyried maint, hygyrchedd, ansawdd a'r math o ddarpariaeth mannau agored. Lle y bo diffyg presennol o fewn cymuned a bod y datblygiad arfaethedig yn debygol o waethygu'r sefyllfa yna bydd angen cyfraniad. Yn yr un modd, bydd angen cyfraniad mewn amgylchiadau lle byddai'r datblygiad arfaethedig yn arwain at ddiffyg.

11.329 Yn ogystal â'r safonau meintiol a hygyrchedd, dylid ystyried ansawdd y ddarpariaeth bresennol, gan ystyried ei chyflwr, ei gofynion ar gyfer cynnal a chadw yn y dyfodol a'i haddasrwydd ar gyfer pob aelod o'r gymuned.

11.330 Mewn sefyllfaoedd lle gellir bodloni'r safonau drwy ddarpariaeth bresennol o ran mannau agored sydd o ansawdd addas, yna bydd angen datganiad ategol gan yr ymgeisydd i ddangos tystiolaeth o hyn. O dan amgylchiadau o'r fath, gall y Cyngor ofyn am swm cyfnewid tuag at gynnal a chadw neu uwchraddio darpariaeth mannau agored gerllaw sydd eisoes yn bodoli lle ystyrir bod angen hynny.

11.331 Mae'n bosibl y bydd sefyllfaoedd lle na ellir bodloni'r safonau, er enghraifft, lle na all y safle ymdopi'n ymarferol â darparu mannau agored ar y safle oherwydd cyfyngiadau ffisegol neu ddylunio, neu lle byddai hynny'n golygu bod y datblygiad yn gwbl anymarferol. O dan amgylchiadau o'r fath, dylai'r datblygwr ddarparu datganiad ategol i egluro pam na ellir cadw at y safonau ar y safle a gall yr Awdurdod Cynllunio Lleol geisio symiau gohiriedig tuag at gynnal a chadw'r man agored presennol yn lle hynny. Dylid cyfeirio at Bolisi INF1 o ran rhwymedigaethau cynllunio a chyfraniadau datblygwyr.

11.332 Cydnabyddir y gall fod ardaloedd ychwanegol o fannau agored nad ydynt yn cael eu hadlewyrchu yn yr Asesiad sy'n gwneud cyfraniad gwerthfawr at ddarparu mannau agored o fewn y gymuned, a gall hyn fod yn arbennig o berthnasol i ardaloedd a ddefnyddir ar gyfer gweithgareddau hamdden anffurfiol. Yn ogystal, er bod ardaloedd o fannau agored wedi'u categoreiddio fel mathau penodol o ddarpariaeth, cydnabyddir eu bod ar adegau yn gallu cyflawni swyddogaethau mathau eraill o fannau agored. O dan amgylchiadau o'r fath, gellir ystyried eu bod yn gwneud cyfraniad cadarnhaol tuag at sawl math o fan agored.

(1) 11.333 Pan fo darparu mannau agored yn rhan o gais cynllunio, dylai'r ymgeisydd nodi sut y cafodd y gwaith o reoli a chynnal a chadw unrhyw ddarpariaeth mannau agored yn y dyfodol ei ystyried. Dylid cyfeirio at Bolisi PSD1 am arweiniad pellach.

11.334 Er mwyn hybu hunaniaeth ddiwylliannol ardal y Cynllun, bydd y Cyngor yn cefnogi a hybu darpariaeth arwyddion gwybodaeth, hysbysfyrddau a byrddau gwybodaeth, arddangosiadau ac arwyddion hysbysebu dwyieithog Cymraeg a Saesneg ar gyfer atyniadau a chyfleusterau twristiaeth. Bydd datblygwyr preifat cyfleusterau twristiaeth a hamdden hefyd yn cael eu hannog i roi cyhoeddusrwydd i'w mentrau busnes trwy gyfrwng y Gymraeg a'r Saesneg. Ni fydd yn ofynnol i hysbysebion ddarparu brand neu enw'r cwmni yn ddwyieithog; fodd bynnag, bydd yn ofynnol i'r holl eiriau ategol neu ychwanegol a ddarperir ar arwyddion yn y parth cyhoeddus a gynigir mewn cais cynllunio gael eu darparu'n ddwyieithog.

(1) 11.335 Bydd arwyddion dwyieithog a chynigion hysbysebu sy'n ceisio cyfuno nifer o hysbysebion hanfodol o fewn un arwydd yn cael eu hannog. Bydd Canllawiau Cynllunio Atodol yn cael eu paratoi i ategu Polisi PSD9.

11.336 Dylai cynigion fod yn rhai o safon uchel o ran dyluniad ac yn barchus o ran eu lleoliad ar y safle, eu maint a'r defnydd o ddeunyddiau i ategu cymeriad ac ymddangosiad yr adeilad neu'r strwythur presennol a'i amgylchoedd ac yn briodol i ddefnydd yr adeilad presennol.

11.337 Lle mae dyluniad y datblygiad presennol yn wael, bydd y Cyngor yn mynnu bod ansawdd dyluniad a/neu ddeunyddiau unrhyw estyniad yn well. Dylid ystyried darpariaethau Polisi SP12: Creu Lleoedd a Lleoedd Cynaliadwy a PSD1: Atebion Dylunio Effeithiol: Cynaliadwyedd a Chreu Lleoedd.

11.338 Mae'r cysyniad o seinweddau yn cydnabod y rôl gadarnhaol y maent yn ei chwarae wrth greu ymdeimlad o le, yn hytrach na chanolbwyntio ar sŵn fel math o lygredd yn unig.^[75]

11.339 Dylai'r pwyslais fod ar ystyried effaith bosibl seinweddau ar ddatblygiadau arfaethedig (ac yn eu tro effaith bosibl datblygiadau arfaethedig ar seinweddau) yn gynnar. I'r perwyl hwn, mae'r Cynllun hwn yn rhoi pwyslais ar fod rhanddeiliaid yn rhoi ystyriaeth ddyledus i'r materion hyn fel rhan annatod o'r broses ddylunio o'r cychwyn cyntaf. O'r herwydd, ni ddylid ystyried y materion hyn fel ystyriaethau 'technegol' sy'n cael eu hystyried ar wahân neu fel rhywbeth 'ychwanegol' yn ddiweddarach ar y cam dylunio / yn y cais cynllunio.

11.340 Mae'r Cynllun hwn yn cofleidio'r egwyddor asiant newid sydd wedi'i hymgorffori mewn polisi cenedlaethol ^[76]. I'r perwyl hwn, mae'r Cynllun hwn yn cydnabod pwysigrwydd y cychwynnwr newid gan ystyried effaith bosibl y cynnig datblygu ar dderbynyddion newid.

11.341 Wrth nodi'r budd economaidd posibl o gynigion sy'n gysylltiedig â'r economi gyda'r nos, ni ddylid cyfaddawdu iechyd a llesiant trigolion yn ormodol. Gall dull creu lleoedd, sy'n ceisio meithrin consensws yn gynnar, ddarparu modd i gyfryngu'r buddiannau hyn a allai fod yn gwrthdaro.

11.342 Ar ben hynny, dylai datblygiadau sensitif i sŵn fel tai, ysgolion, ac ysbytai sydd wedi'u lleoli ger seilwaith trafnidiaeth, lle bynnag y bo modd, gael eu cynllunio i gyfyngu ar lefelau sŵn o fewn, ac o amgylch y datblygiad ^[77]. Lle bo'n briodol, dylid gweithredu mesurau lliniaru effeithiol a phriodol, a'u hymgorffori yn y datblygiad i leihau'r effeithiau.

11.343 Gall Seilwaith Gwyrdd a Glas weithredu fel clustog sain effeithiol a bod yn ffordd werthfawr o wella iechyd a llesiant, drwy gysylltu anheddau, gweithleoedd a chyfleusterau cymunedol a darparu mannau gwyrdd hygyrch o ansawdd uchel. Dylid cyfeirio at Bolisi PSD3: Rhwydweithiau Seilwaith Gwyrdd a Glas.

11.344 Gall newidiadau i seinweddau hefyd gael effeithiau ar rywogaethau sy'n sensitif i aflonyddwch sŵn. Fel bob amser, dylai cynigion fodloni polisïau a darpariaethau'r Cynllun yn ei gyfanrwydd. Gellir cyfeirio'n benodol fodd bynnag at Bolisi Strategol 13 – Cynnal a Gwella'r Amgylchedd Naturiol (yn fwyaf arbennig mewn perthynas â safleoedd o bwys rhyngwladol i gadwraeth natur, Safleoedd o Ddiddordeb Gwyddonol Arbennig, cynefinoedd a rhywogaethau blaenoriaeth Adran 7 a'r gofyniad cynnal a gwella).

Golau

11.345 Mae polisi cenedlaethol yn cydnabod yr effeithiau negyddol y gall llygredd golau eu cael ar bobl, bioamrywiaeth, a gwytnwch ecosystemau. Yn hyn o beth, mae Polisi Cynllunio Cymru yn mynnu bod awdurdodau yn mabwysiadu polisïau o ran goleuadau a rheoli llygredd ^[78]golau. Dylid ystyried yr effeithiau negyddol y gall llygredd golau eu cael ar gymeriad tirwedd ac amwynder gweledol. Yn hyn o beth dylai cynigwyr datblygiadau gan gynnwys cynlluniau goleuo ystyried yn ofalus yr angen am y mathau o oleuadau a gynigir ac a allai'r cynnig fynd ymlaen heb y goleuadau a nodwyd. Lle bynnag y bo modd dylid ystyried cyfleoedd i liniaru effeithiau cronnus posibl ar awyr y nos.

11.346 Mae rhannau o Sir Gaerfyrddin yn parhau heb eu datblygu i raddau helaeth, gydag effaith gyfyngedig gan oleuadau ar awyr y nos. Wrth ddehongli'r polisi hwn, dylid cynllunio unrhyw oleuadau yn ofalus a'u hystyried i leihau'r effaith ar ardaloedd cyfagos. Dylid cyfeirio at Fap^[79] Ardaloedd Tawel Cymru.

11.347 Ym mhob datblygiad (ac mewn mannau cyhoeddus yn enwedig) dylid rheoli golau mewn modd sensitif, a dylid cadw cysylltiad â llygredd yn yr awyr mor isel ag y bo'n rhesymol ymarferol. Bydd yr Awdurdod yn paratoi Canllawiau Cynllunio Atodol ar oleuadau a'r effeithiau ar awyr y nos.

(1) 11.348 Gall llygredd golau gael effeithiau negyddol ar rywogaethau a chynefinoedd, yn ogystal ag iechyd a llesiant pobl. Dylai unrhyw gynlluniau datblygu ymgorffori cynlluniau goleuo sy'n sicrhau ychydig iawn neu ddim arllwysiad golau ar Seilwaith Gwyrdd a Glas yn enwedig cynefinoedd llinellol fel gwrychoedd, coetir, neu goridorau nant llysieuol, yn ogystal ag unrhyw glwydi ystlumod, eu mannau mynediad neu linellau hedfan hysbys. Gall hyn gynnwys yr angen am glustogfa rhwng datblygiad a nodweddion ecolegol bwysig. Cyfeirir yn benodol at Bolisi Strategol 13 – Cynnal a Gwella'r Amgylchedd Naturiol (yn fwyaf arbennig mewn perthynas â safleoedd o bwys rhyngwladol i gadwraeth natur, Safleoedd o Ddiddordeb Gwyddonol Arbennig, cynefinoedd a rhywogaethau blaenoriaeth Adran 7 a'r gofyniad cynnal a gwella.)

11.349 Ceir cyfleoedd i gydnabod a chofleidio Seilwaith Gwyrdd a Glas fel rhan o ddull gwneud lleoedd, yn ogystal â ffordd effeithiol o sgrinio ardaloedd ecolegol sensitif o lygredd golau. Yn hyn o beth, dylid cyfeirio at Bolisi PSD3: Rhwydweithiau Seilwaith Gwyrdd a Glas.

Aer

11.350 Cydnabyddir ansawdd aer a'i oblygiadau o ran yr amgylchedd, iechyd ac ansawdd bywyd drwy ganllawiau cenedlaethol^[80]. Mae hyn hefyd yn cael ei adlewyrchu o fewn amcanion yr Arfarniad Cynaliadwyedd Integredig ac adroddiad sgrinio'r Asesiad Rheoliadau Cynefinoedd.

(1) 11.351 Ers 2022, mae tair Ardal Rheoli Ansawdd Aer yn y Sir (Llandeilo, Llanelli, a Chaerfyrddin). Gellir cyfeirio at Gynllun(iau) Gweithredu'r Cyngor, tra bod ffiniau'r Ardaloedd Rheoli Ansawdd Aer hyn yn cael eu dangos ar Fap Cyfyngiadau'r Cynllun hwn.

• Llandeilo
• Llanelli
• Chaerfyrddin

11.352 Dylai datblygwyr fod yn ymwybodol o bwysigrwydd ymgysylltu'n gynnar â'r Cyngor, yn enwedig o ran y gofyniad posibl ar gyfer cynnal Asesiad Ansawdd Aer. Er nad yw'r Cynllun hwn yn ragnodol mewn perthynas â'r achosion lle bydd angen asesiad o'r fath, ystyrir bod graddfa a lleoliad y cynnig yn benderfynyddion allweddol yn hyn o beth.

11.353 Dylai unrhyw Asesiad Ansawdd Aer dynnu sylw at y mesurau lliniaru gofynnol fel bod unrhyw risgiau i amwynder, bioamrywiaeth ac iechyd yn cael eu cyfryngu'n addas. Dylai nodi mesurau lliniaru o'r fath geisio adlewyrchu'r cyfleoedd a ddarperir gan seilwaith gwyrdd a glas fel rhan o ddull creu lleoedd. Dylid cyfeirio at Bolisi PSD3: Rhwydweithiau Seilwaith Gwyrdd a Glas.

11.354 Dylid nodi nad yw'r gofyniad posibl ar gyfer cynnal Asesiad Ansawdd Aer yn gyfyngedig i safleoedd o fewn neu'n gyfagos i Ardaloedd Rheoli Ansawdd Aer y Sir. Bydd cynigion yn destun ystyriaeth fesul achos, fodd bynnag ar gyfer cynigion sydd wedi'u lleoli o fewn yr Ardaloedd Rheoli Ansawdd Aer mae Swyddogion Rheoli Datblygu'r Cyngor yn debygol o ymgynghori ag Ymarferwyr Iechyd yr Amgylchedd y Cyngor yn rheolaidd. Cynghorir ymgysylltu'n amserol â'r Cyngor a chyfeirir at ganllawiau perthnasol fel y bo'n briodol.

11.355 Mae'r Cynllun hwn yn cydnabod y gydberthynas bosibl rhwng ansawdd aer a chyfanrwydd safleoedd y Sir sydd o bwysigrwydd rhyngwladol i gadwraeth natur. Mae llawer o'r safleoedd hyn yn cynnwys cynefinoedd sy'n sensitif i ddirywiad mewn ansawdd aer.

(1) 11.356 Gall mwy o amaethyddiaeth ddwys a dwyseddau da byw arwain at fwy o lwytho maetholion ac allyriadau amonia (ymysg llygryddion eraill), gan effeithio ar aer a dŵr. Rhaid i gynigion ystyried gwastraff sy'n codi, effeithiau cronnus, ac ansawdd dŵr (Cyfeirnod CCH4: Ansawdd Dŵr a Diogelu Adnoddau Dŵr), a phob effaith andwyol ar gynefinoedd a rhywogaethau blaenoriaeth, yn enwedig mewn perthynas â'r rhai sy'n sensitif i lygredd amonia.

(1) 11.357 Bydd gofyn i gynigion a fyddai'n debygol o arwain at lwytho maetholion uwch i'r amgylchedd, fel unedau da byw dwys, asesu'r effeithiau posibl o ran ansawdd dŵr ac aer, er mwyn sicrhau nad ydynt yn effeithiau amgylcheddol andwyol ac nad yw allyriadau mewn ardaloedd gwledig yn effeithio'n ormodol ar iechyd a llesiant pobl (h.y. aroglau niwsans). Dylid cyfeirio at ganllawiau priodol Cyfoeth Naturiol Cymru gan gynnwys GN020 ^[81] (Asesu effaith amonia a nitrogen o unedau da byw dwys newydd ac sy'n ehangu ar safleoedd dynodedig) a GN021 ^[82] (Unedau Dofednod: caniatâd cynllunio ac asesu amgylcheddol).

11.358 Gellir cyfeirio'n benodol fodd bynnag at Bolisi Strategol 13 – Cynnal a Gwella'r Amgylchedd Naturiol (yn fwyaf arbennig mewn perthynas â safleoedd o bwys rhyngwladol i gadwraeth natur, Safleoedd o Ddiddordeb Gwyddonol Arbennig, Adran 7 Cynefinoedd a Rhywogaethau Blaenoriaeth a'r gofyniadcynnal a gwella) yn ogystal â Pholisi INF 2 - Cymunedau Iach. Ceir cyfleoedd i gydnabod a chofleidio Seilwaith Gwyrdd a Glas fel rhan o ddull creu lleoedd. Yn hyn o beth, dylid cyfeirio at Bolisi PSD3: Rhwydweithiau Seilwaith Gwyrdd a Glas.

11.359 Mae gan Sir Gaerfyrddin etifeddiaeth ddiwydiannol gyfoethog ac amrywiol, yn cynnwys ystod eang o ddiwydiannau megis mwyngloddio, gweithgynhyrchu tunplat, gweithfeydd nwy, a thanerdai. Gall yr holl brosesau o'r fath fod wedi halogi'r tir, y dyfroedd daear neu dderbynyddion sensitif eraill. Mae'r Cyngor wedi nodi nifer o safleoedd lle gallai halogiad fod yn parhau, neu lle nad oes tystiolaeth i gadarnhau bod camau adfer digonol wedi digwydd. Yn yr ardaloedd hyn, gall ymchwiliad pellach fod yn angenrheidiol.

11.360 Mae gan y Cyngor gyfrifoldeb i adnabod tir halogedig a sicrhau ei fod yn cael ei reoli mewn modd priodol, fel y nodir yn Neddf Diogelu'r Amgylchedd 1990.

11.361 Bydd angen i'r Cyngor fod wedi'i argyhoeddi bod y risgiau mewn perthynas â'r safle datblygu arfaethedig wedi cael eu deall yn llawn a bod modd adfer y safle i'r safonau angenrheidiol. ^[83] Ni ddylai gwaith ddechrau ar y safle hyd nes bod cam adfer priodol fel y cytunwyd arno wedi'i gwblhau. Bydd yr effeithiau posibl ar amgylcheddau hanesyddol a naturiol yn cael eu hystyried wrth benderfynu ar unrhyw gynnig, a dylid cyflwyno gwybodaeth briodol gydag unrhyw gais.

11.362 Lle bo'n briodol, rhoddir sylw dyledus i effaith unrhyw weithrediad adfer ar amgylcheddau naturiol a hanesyddol gyda'r manteision cymharol a'r angen am y cynnig yn cael eu pwyso a'u mesur yn erbyn pwysigrwydd cymharol diddordeb hanesyddol neu naturiol y safle.

11.363 Cynghorir ymgeiswyr i ymgysylltu'n amserol â'r Cyngor wrth nodi unrhyw ofynion fel rhan o gynigion datblygu, o ran adnabod risg a mesurau rheoli / lliniaru.

11.364 Cydnabyddir bod y themâu a'r polisïau a ddyrennir iddynt yn gorgyffwrdd â'i gilydd, ond nodwyd y canlynol o dan y thema hon:

• Polisi Strategol – SP 13: Datblygu Gwledig
• Polisi Strategol – SP 14: Cynnal a Gwella'r Amgylchedd Naturiol
• Polisi Strategol – SP 15: Diogelu a Gwella'r Amgylchedd Adeiledig a Hanesyddol

11.365 Mae'r polisïau a ganlyn yn ceisio cefnogi cyflawniad amcanion strategol y Cynllun, ond hefyd yn creu cysylltiadau lefel uchel ac yn sicrhau y cydymffurfir yn fras â'r Nodau Llesiant.

11.366 Mae gan aneddiadau gwledig y sir ran bwysig i'w chwarae o ran gwella cynaliadwyedd yr ardal ddaearyddol ehangach lle y maent wedi'u lleoli, yn ogystal â chynaliadwyedd cyffredinol y sir. Mae strategaeth a hierarchaeth aneddiadau'r cynllun yn adlewyrchu'r rôl sylweddol y mae cymunedau gwledig yn ei chwarae trwy gefnogi twf ar raddfa gymesur sy'n gallu gwneud cyfraniad cadarnhaol tuag at gynaliadwyedd hirdymor yr economi a chymunedau gwledig.

11.367 Gall datblygu cymesur ac ystyriol sicrhau'r lefel o dwf sydd ei hangen i gynnal a gwella'r gwasanaethau a'r cyfleusterau a ddarperir yn aneddiadau gwledig y sir. Mae hefyd yn gallu gweithredu i ddiogelu a hyrwyddo'r Gymraeg mewn ardaloedd gwledig a gwella cyfleoedd i gael swydd mewn ardaloedd gwledig. Er hynny, mae'r cynllun yn ceisio sicrhau nad yw datblygu a thwf yn effeithio'n negyddol ar gynaliadwyedd cymuned. Mae sicrhau nad yw datblygiad yn cael ei gymeradwyo ar raddfa neu gyfradd a fyddai'n effeithio ar allu cymuned i amsugno ac addasu i dwf a newid yn allweddol i hyn. Mae hyn yn hanfodol wrth ystyried yr effeithiau y gall datblygiad eu cael ar y seilwaith lleol, bywiogrwydd y Gymraeg, a chynaliadwyedd cefn gwlad a'r amgylchedd naturiol.

11.368 Yn hanesyddol mae polisi cynllunio cenedlaethol wedi ceisio cyfyngu ar ddatblygiadau diangen mewn lleoliadau cefn gwlad, yn bennaf er mwyn atal twf gwasgaredig ac anghynaliadwy ac i wneud y defnydd gorau o seilwaith, adnoddau a gwasanaethau sydd ar gael yn fwy cyffredin mewn ardaloedd trefol sefydledig.

11.369 Er bod yr egwyddor hon yn dal i fod yn berthnasol a chymwys, mae mwy o gydnabyddiaeth i gefn gwlad fel lle gwaith, fel cartref i lawer, a lle i ymweld ag ef i eraill ac ecosystem hanfodol i bawb. Mae'r Cynllun yn ymrwymedig i fynd i'r afael â chymunedau gwledig a diogelu eu hanghenion. I'r perwyl hwn sefydlodd y Cyngor Grŵp Gorchwyl Materion Gwledig gyda'r nod o asesu anghenion cymunedau gwledig a chymryd camau cadarnhaol i fynd i'r afael â'r rhain. Mae'r Cynllun yn cefnogi nodau a chanlyniadau'r Grŵp Gorchwyl yn bennaf trwy bolisïau sy'n ymwneud â darparu tai a thai fforddiadwy; yr economi a chyflogaeth; y Gymraeg a'r amgylchedd naturiol. Bydd angen i gynigion datblygu ddangos eu bod yn cyd-fynd â'r polisïau hyn yn ogystal â darpariaethau polisïau cynllunio cenedlaethol.

11.370 Mae Polisi Cynllunio Cymru Rhifyn 11 yn cydnabod bod cefn gwlad yn adnodd dynamig ac amlbwrpas. Mae'n nodi, yn unol â datblygu cynaliadwy a'r egwyddorion cynllunio cenedlaethol, y dylid ei warchod a'i wella lle y bo'n bosibl. Fodd bynnag, mae hefyd yn adlewyrchu'r angen i gydbwyso hyn yn erbyn anghenion economaidd, cymdeithasol a hamdden cymunedau lleol ac ymwelwyr.

11.371 Mae Polisi Cynllunio Cymru yn nodi y bydd meithrin y gallu i addasu a chydnerthedd yn nod allweddol ar gyfer lleoedd gwledig yn wyneb her sylweddol cynnal ffyniant cymunedau ac argaeledd gwasanaethau yn ogystal â chyfrannu at y nod llesiant cenedlaethol Cymunedau Cydlynus.

11.372 Ceir cydnabyddiaeth glir bod ardaloedd gwledig yn arddangos heriau o ran mynediad at ddulliau trafnidiaeth cynaliadwy a'r disgwyliad ym Mholisi Cynllunio Cymru o ran mynediad at gysylltiadau teithio llesol a chysylltiadau swyddogaethol cynaliadwy. Caiff hyn ei adlewyrchu yn natblygiad yr hierarchaeth aneddiadau yn gyffredinol.

11.373 Mae'r ddealltwriaeth hon am amrywiaeth yn cael ei hadlewyrchu ym Mholisi Cynllunio Cymru yn yr ystyr ei fod yn ystyried gofynion trafnidiaeth gynaliadwy. Mae'n cydnabod bod angen adlewyrchu gwahanol ddulliau o ymdrin â thrafnidiaeth gynaliadwy wrth ddiffinio twf mewn aneddiadau gwledig.

11.374 Mae'r CDLl Diwygiedig hwn yn cydnabod yr amrywiaeth a geir yn Hwn Sir a'r angen i adlewyrchu hyn yn ei ymagwedd strategol. Mae'r Strategaeth Ofodol yn nodi hierarchaeth aneddiadau ond yn ei gosod o fewn fframwaith aneddiadau sydd wedi'i grwpio o dan chwe chlwstwr. Bydd y clystyrau hyn a'r dosbarthiad twf yn canolbwyntio ar egwyddorion cynaliadwy, ond byddant hefyd yn cydnabod rôl, swyddogaeth a chyfraniad aneddiadau o fewn clystyrau penodol.

Yr Economi Wledig

(1) 11.375 Mae polisi cenedlaethol yn cydnabod bod economi wledig gref yn hanfodol er mwyn cynnal cymunedau gwledig cynaliadwy a bywiog. Yn hyn o beth, mae sefydlu mentrau newydd ac ehangu busnesau presennol yn hanfodol i dwf a sefydlogrwydd ardaloedd gwledig.

11.376 Dylid rhoi sylw i effaith datblygiadau o'r fath, ond fel a nodir ym Mholisi Cynllunio Cymru, gellir lleoli llawer o weithgareddau gweithgynhyrchu masnachol ac ysgafn mewn ardaloedd gwledig heb achosi aflonyddwch annerbyniol neu effeithiau niweidiol eraill.

11.377 Er bod ffocws o hyd ar nodi neu ddyrannu safleoedd i ddiwallu angen am gyflogaeth, cydnabyddir hefyd y bydd angen cyfleoedd ar gyfer cynigion ar raddfa fach lle nad yw'r angen yn cael ei ddiwallu gan ddyraniadau penodol. Mae'r mentrau ar raddfa fach hyn yn gyfrannwr pwysig i'r economi wledig (dylid cyfeirio at Bolisi EME4: Cynigion Cyflogaeth ar Safleoedd Nas Dyrannwyd, EME5: Busnesau wedi'u lleoli Gartref, a Pholisi INF3: Band Eang a Thelathrebu).

11.378 Dylid cyfeirio at ddarpariaethau polisi SP7 a'i fynegiant o ddosbarthiad cynaliadwy darpariaeth tir cyflogaeth.

(1) Anheddau Mentrau Gwledig

(3) 11.379 Fel a nodir trwy bolisi cenedlaethol mae angen annedd menter wledig lle mae'n 'galluogi gweithwyr mentrau gwledig i fyw yn eu gweithle neu ger eu gweithle'. Mae hyn yn cynnwys annog pobl iau i reoli busnesau fferm a chefnogi arallgyfeirio ar ffermydd sefydledig.

11.380 Nid rôl na bwriad y CDLl Diwygiedig yw ailadrodd darpariaethau polisi cynllunio cenedlaethol. O ganlyniad, dylid cyfeirio at ddarpariaethau Polisi Cynllunio Cymru a Nodyn Cyngor Technegol 6 (TAN6)^[84] wrth benderfynu ar geisiadau ar gyfer anheddau menter wledig newydd. Mae polisi cenedlaethol yn datgan yn glir y dylid archwilio cynigion o'r fath yn ofalus i sicrhau bod gwir angen.

11.381 Dylai ceisiadau ar gyfer anheddau menter wledig gael eu hategu gan arfarniad o anheddau menter wledig, a dim ond os yw'n darparu tystiolaeth bendant o'r angen am yr annedd y caiff caniatâd ei roi.

11.382 Er mwyn sicrhau bod anheddau menter wledig yn cael eu cadw at y diben a fwriadwyd mae Polisi Cynllunio Cymru yn ei gwneud yn ofynnol bod amod sy'n cyfyngu ar feddiannaeth ar yr eiddo yn cael ei ddefnyddio a bod yr annedd yn cael ei dosbarthu fel tŷ fforddiadwy (diffiniad a nodir yn TAN 2: Cynllunio a Thai Fforddiadwy). Lle y bo'n briodol rhoddir ystyriaeth hefyd i ddefnyddio cytundeb cyfreithiol (adran 106) fel modd i gadw diben yr eiddo fel Annedd Menter Wledig. Bydd hyn yn sicrhau bod yr annedd yn parhau i fod ar gael i ddiwallu'r angen lleol am dai fforddiadwy pe bai ei chyfiawnhad gwreiddiol yn dod i ben.

11.383 Mewn amgylchiadau lle ceir cais cynllunio i godi amodau meddiannaeth amaethyddol presennol neu lle cymerir camau gorfodi am beidio â chydymffurfio â'r amod, rhoddir ystyriaeth i ddisodli amod meddiannaeth amaethyddol gyda'r amod annedd menter wledig a nodir yn TAN6: Cynllunio ar gyfer Cymunedau Gwledig Cynaliadwy^[85].

11.384 Bydd yn ofynnol bod cynigion ar gyfer Datblygiadau Un Blaned yng nghefn gwlad yn darparu ar gyfer anghenion sylfaenol y meddianwyr o ran incwm, bwyd, ynni a thrin gwastraff dros gyfnod o 5 mlynedd^[86]. Dylai unrhyw gynnig gael ei ategu gan gynllun rheoli seiliedig ar dystiolaeth; yn yr achosion hynny lle na ellir dangos hyn, caiff unrhyw gynnig ei ystyried yn erbyn polisïau a darpariaethau'r CDLl hwn a'r polisi cenedlaethol mewn perthynas â datblygiadau yng nghefn gwlad. Cyfeirir at ddarpariaethau TAN6 ac mewn perthynas â gofynion y Canllaw Ymarfer Datblygiadau Un Blaned. ^[87]

11.385 Wrth asesu addasrwydd safle ar gyfer Datblygiad Un Blaned, bydd disgwyl i'r ymgeisydd ystyried ei effaith bosibl ar y dirwedd a bioamrywiaeth, y gallu iddo gael ei sgrinio'n effeithiol yn ogystal â bod yn ddigon agos at Lwybrau Teithio Llesol neu drafnidiaeth gyhoeddus.

11.386 Mae'r polisi'n cydnabod ac yn adlewyrchu cymeriad gwledig y Sir ac ystod a chyflwr y stoc dai. Mae'n ceisio rhoi cyfle a chwmpas i ddarparu anheddau newydd mewn ffordd sy'n sicrhau bod y Sir yn cadw ei chymeriad traddodiadol, gan hefyd beidio â thanseilio nodweddion arbennig Sir Gaerfyrddin wledig.

11.387 Dylid rhoi ystyriaeth benodol i dderbynioldeb effaith weledol cynigion ar y dirwedd. Yn hyn o beth, ni ddylai ei raddfa a'i ddyluniad (gan gynnwys maint y cwrtil preswyl) fod yn anfanteisiol i gymeriad ac ansawdd yr ardal.

11.388 Dylai cynigion i addasu adeiladau gwledig addas at ddefnydd preswyl fod o ansawdd uchel o ran dyluniad a'r deunyddiau sy'n cael eu defnyddio. Nid pwrpas y polisi yw caniatáu cynigion lle mae adeilad presennol yn anaddas i'w addasu heb newid helaeth, ailadeiladu, neu estyniad, neu os byddai creu cwrtil preswyl yn cael effaith niweidiol ar gymeriad cefn gwlad. Bydd cynigion o'r fath yn cael eu hystyried fel tŷ newydd yng nghefn gwlad agored.

11.389 Gellir ystyried cynigion preswyl yn ffafriol lle maent yn rhan o gynllun arfaethedig ar gyfer ailddefnyddio at ddefnydd busnes. Gellir gosod amodau sy'n mynnu bod y gwaith sy'n angenrheidiol ar gyfer sefydlu'r busnes/menter wedi'u cwblhau cyn meddiannu'r elfen breswyl. Ar ben hynny, gellir defnyddio amod neu rwymedigaeth gynllunio sy'n clymu'r uned breswyl i weithrediad menter hefyd fel y bo'n briodol.

11.390 Yn gyffredinol, ni fydd cynigion ar gyfer adeiladau adeiladwaith modern fel unedau ffrâm porthol neu strwythurau dros dro yn cael eu hystyried yn briodol i'w haddasu. Yn gyffredinol, ni fydd cynigion ar gyfer adeiladau o fewn y cwrtil preswyl a adeiladwyd yn ategol i'r prif eiddo e.e. garejis yn cael eu hystyried i'w haddasu o dan y polisi hwn.

11.391 Bydd angen i'r Cyngor fod yn fodlon y gellir cyflawni gofod byw a storio digonol (gan gynnwys garej) heb yr angen am estyniadau sylweddol i'r adeilad. Yn gyffredinol, ni fydd cynigion ar gyfer ehangu unedau yn y dyfodol yn cael eu hystyried yn briodol. Yn yr un modd, bydd y Cyngor yn ystyried tynnu'n ôl hawliau datblygu arferol a ganiateir i adeiladu estyniadau ac adeiladau ategol.

11.392 Dylid cyfeirio at y Canllawiau Cynllunio Atodol mewn perthynas ag Addasu ac Ailddefnyddio Adeiladau Gwledig.

(1) 11.393 Mae arallgyfeirio mewn ardaloedd gwledig yn aml yn gallu ychwanegu at ffrydiau incwm a hyfywedd economaidd ffermydd, cryfhau'r economi wledig ac ychwanegu at gyfleoedd cyflogaeth ehangach.

11.394 Bwriedir i gynigion arallgyfeirio ar ffermydd ategu a chefnogi parhad y gweithgarwch ffermio presennol. Ynghyd â'r cynigion, dylid cyflwyno tystiolaeth sy'n rhoi manylion y cyfiawnhad dros y defnydd a'i berthynas â'r gweithgarwch ffermio presennol.

11.395 Lle mae cynnig yn cynnwys siopau fferm, yn aml mae'n rhaid iddynt fewnforio nwyddau sy'n dod o bosibl oddi wrth gyflenwyr lleol eraill. Wrth benderfynu ar gynigion a wneir o dan y polisi hwn, rhoddir ystyriaeth i gyfyngu ar y mathau eang o gynnyrch a werthir ac i'r nifer a werthir. Rhoddir ystyriaeth hefyd i raddfa'r gweithrediad, yn arbennig lle byddai defnydd anghyfyngedig yn arwain at effaith anffafriol ar fywiogrwydd a hyfywedd gweithgareddau adwerthu cyfagos.

11.396 Wrth ystyried cynigion ar gyfer arallgyfeirio ar ffermydd, cydnabyddir bod eu cyd-destun gwledig yn golygu na allant gael eu gwasanaethu'n dda gan drafnidiaeth gyhoeddus bob amser. O ganlyniad, er y bydd ei argaeledd yn cael ei gymryd i ystyriaeth wrth ystyried natur a graddfa'r cynnig, cydnabyddir y potensial ar gyfer cynigion arallgyfeirio penodol na ellir ond eu cyrraedd mewn car preifat. Dylai cynigion o'r fath ystyried yr hierarchaeth trafnidiaeth gynaliadwy.

11.397 Lle y bo'n briodol, bydd cytundebau cyfreithiol yn cael eu defnyddio i glymu adeiladau amaethyddol wrth y tir os yw ailddefnydd yn gysylltiedig ag arallgyfeirio ar ffermydd lle mae'n debygol y bydd yr uned amaethyddol yn cael ei darnio.

11.398 Mae Polisi Cynllunio Cenedlaethol yn cydnabod cyfraniad hanfodol economi wledig gref i gefnogi cymunedau gwledig cynaliadwy a ffyniannus. Mae'n ceisio darparu agenda gadarnhaol ar gyfer y potensial i ailddefnyddio adeiladau presennol mewn ardaloedd gwledig at ddibenion busnes.

11.399 Mae cynigion ar gyfer stablau a chyfleusterau marchogol cysylltiedig fel arfer yn gysylltiedig â lleoliad cefn gwlad. Fel arfer bydd angen caniatâd cynllunio ar gyfer datblygu stablau, oni bai bod y ceffylau'n rhan o'r gweithgarwch amaethyddol, neu fod y stabl o fewn cwrtil annedd (sy'n adlewyrchu hawliau datblygu a ganiateir posibl).

11.400 Bydd cynigion nad ydynt yn cael unrhyw effaith niweidiol ar y dirwedd a/neu effaith amgylcheddol niweidiol yn cael eu cefnogi. Yn hyn o beth, bydd disgwyl i gynigion ddangos sut y mae'r datblygiad yn cyd-fynd â'i leoliad cefn gwlad a'r sylw y mae'n ei roi i'r fframwaith aneddiadau a'i leoliad, gan gynnwys adeiladau presennol.

11.401 Dylai codi ménage ar gyfer defnydd domestig preifat gael ei ddylunio fel nad yw'n cael effaith niweidiol ar y dirwedd, ei fod yn dwyn perthynas dda ag adeiladau presennol, a'i fod ar raddfa briodol.

11.402 Ystyrir bod stablau a ménages masnachol yn briodol fel busnesau gwledig lle gellir darparu ar eu cyfer heb niwed i gymeriad yr ardal, a'u bod yn cael eu hystyried yn dderbyniol yn nhermau priffyrdd.

11.403 Mae gan Sir Gar amgylchedd naturiol cyfoethog ac amrywiol, gyda nifer o safleoedd wedi'u dynodi a rhywogaethau gwarchodedig. Mae'r polisi yma yn ceisio adnabod safon a gwerth yr amgylchedd naturiol a thirweddau ar draws ardal y Cynllun, a'i rôl sylfaenol yn diffinio hunaniaeth, cymeriad a gwahanolrwydd y Sir. Ymhlyg yn hyn mae cydnabyddiaeth o rinweddau sylweddol seilwaith gwyrdd a glas ar gyfer lliniaru effeithiau newid yn yr hinsawdd, ar gyfer dal a storio carbon ac ar gyfer cynnal a gwella bioamrywiaeth a rhwydweithiau ecolegol. Cyfeirir at bolisi Rhwydwaith Seilwaith Gwyrdd a Glas PSD3.

11.404 Mae amddiffyn a gwella'r elfennau hyn yn ffurfio rhan bwysig o'r strategaeth, sy'n ceisio adlewyrchu nid yn unig y dynodiadau rhyngwladol a chenedlaethol hynny, ond hefyd cyfraniad safleoedd a thirweddau ar y lefel leol. Bydd y Cynllun Datblygu Lleol hefyd yn ceisio cadw a gwella adnoddau naturiol megis geoamrywiaeth, dŵr, pridd ac ansawdd yr aer.

11.405 This policy also recognises the often-interconnected components of the natural environment and their contribution towards maintaining and enhancing biodiversity, as well as the creation of attractive and cohesive spaces for communities, and the well-being of Carmarthenshire's population. Those natural environment aspects and features cited in the policy would include geology, landform, soils, land cover and hydrology.

(1) 11.406 Mae diogelu a gwella cysylltedd, a'r cyfraniad mae'n ei wneud i ansawdd tirwedd, amgylchedd a bioamrywiaeth Sir Gaerfyrddin yn ystyriaeth bwysig. O ganlyniad i hyn, bydd effaith bosibl y cynllun, ei bolisïau a'i gynigion ar fuddiannau cadwraeth natur, gwerth amwynderau, ansawdd dŵr/pridd/aer, hydroleg, daeareg a chyfundrefnau geomorffolegol yn parhau i lywio'r broses gynllunio.

11.407 Cynhaliwyd Asesiad Rheoliadau Cynefinoedd er mwyn asesu effeithiau'r cynllun ar safleoedd a ddiogelir dan gyfraith Ewrop, gan gynnwys y rheiny sy'n cael eu hystyried i'w dynodi.

11.408 Er bod y Cynllun yn cydnabod yr angen am ddatblygiadau newydd at ddibenion cymdeithasol ac economaidd, bydd y Cyngor yn diogelu nodweddon amgylcheddol Sir Gaerfyrddin. Mae'r Cynllun hefyd yn ceisio sicrhau bod yr amgylchedd naturiol yn cael ei amddiffyn a'i wella drwy bolisïau manwl. Mae'r polisi yn adlewyrchu cynnwys llythyr y Prif Swyddog Cynllunio dyddiedig 23 Hydref 2019 ar Sicrhau Gwelliannau Bioamrywiaeth. Cyfeirir hefyd at Ddatganiad Ardal De-orllewin Cymru (2020) yn hyn o beth.

11.409 Yn ogystal â hyn, ac wrth adlewyrchu'r dyletswyddau a osodir ar awdurdodau lleol, mae'r Cynllun yn ystyried y dynodiad Parc Cenedlaethol a'r pwrpas y cafodd ei ddynodi ar ei gyfer, lle y gallai hyn effeithio ar y broses o ystyried cynigion cynllunio. Yn ogystal, mae asedau diwylliannol, treflun a thirwedd (gan gynnwys Ardaloedd Cadwraeth, Adeiladau Rhestredig, a Henebion Cofrestredig) hefyd yn gysylltiedig yn anorfod â'r amgylchedd naturiol ac, felly, cyfeirir at Bolisi Strategol – SP 15: Gwarchod a Gwella'r Amgylchedd Adeiledig a Hanesyddol.

11.410 Mae Gwarchodfeydd Natur Lleol a Safleoedd Daearegol/Geomorffolegol o Bwysigrwydd Rhanbarthol yn nodi ardaloedd sydd o bwysigrwydd lleol ar gyfer cadwraeth natur a gwerth daearegol (yn y drefn honno) a gallant gynnwys amrywiaeth o fathau o gynefinoedd a/neu gefnogi ystod o rywogaethau. Gall gwarchod y safleoedd hyn wneud cyfraniad pwysig i ddyletswydd y Cyngor o dan Adran 6 Deddf yr Amgylchedd (Cymru) 2016. Mae'r nodweddion hyn hefyd yn werthfawr o ran eu cyfraniad i ansawdd yr amgylchedd lleol ac o ran ei gwneud yn bosibl addasu a bod yn gydnerth yn wyneb y newid yn yr hinsawdd.

11.411 Mewn amgylchiadau lle gallai'r angen am ddatblygiad orbwyso'r angen i ddiogelu safle penodol, yna bydd yr effaith yn cael ei hosgoi, ei lleihau, a'i lliniaru cyn belled ag y bo modd (yn unol â'r hierarchaeth liniaru). Pan fydd effeithiau gweddillol yn parhau, caiff mesurau eu rhoi ar waith i sicrhau bod darpariaeth cynefinoedd bywyd gwyllt amgen neu fesurau creu cynefinoedd yn cael eu darparu i sicrhau nad oes colled net yng ngwerth cadwraeth yr ardal neu'r nodwedd ar y cyfan. Lle y bo'n briodol, bydd yr awdurdod yn ystyried defnyddio amodau a/neu rwymedigaethau cynllunio i ddarparu mesurau lliniaru a/neu gydbwyso priodol.

11.412 Mae Safleoedd Pwysigrwydd Cadwraeth Natur yn cynnig potensial sylweddol fel adnodd bioamrywiaeth. Er nad oes unrhyw Safleoedd Pwysigrwydd Cadwraeth Natur wedi'u nodi yn ardal y Cynllun, mae mynd ati'n frwd i archwilio dynodiadau o'r fath yn dal yn un o amcanion yr awdurdod. Bydd unrhyw ddynodiad ar gyfer Safleoedd Pwysigrwydd Cadwraeth Natur yn y dyfodol yn cael ei wneud yn unol â'r Canllawiau Cynllunio Atodol sy'n dod i'r amlwg ac sy'n nodi'r fethodoleg ddiwygiedig ar gyfer eu hadnabod. Bydd y Canllawiau Cynllunio Atodol hyn yn cael eu llunio ar yr un pryd ag y bydd y Cynllun yn cael ei fabwysiadu.

11.413 Mae'r polisi hwn yn ceisio sicrhau bod y cynefinoedd a'r rhywogaethau a nodir yn Adran 7 Deddf yr Amgylchedd (Cymru) 2016 yn cael eu diogelu'n addas rhag datblygu niweidiol a bod y Cyngor yn cyflawni ei rwymedigaeth i gynnal a gwella bioamrywiaeth a hyrwyddo cydnerthedd ecosystemau. Dylid cyfeirio'n llawn at Ganllawiau Cynllunio Atodol Cadwraeth Natur a Bioamrywiaeth, Pennod 6 Polisi Cynllunio Cymru Rhifyn 11 a llythyr y Prif Swyddogion Cynllunio (2019) ar sicrhau Gwelliannau Bioamrywiaeth.. Mae'r Canllawiau Cynllunio Atodol hyn yn cynnwys canllawiau i ddatblygwyr a dylent fod o gymorth i weithredu'r polisi hwn a'r CDLl. Lle y bo'n berthnasol, bydd rôl cynefinoedd ac ardaloedd cysylltiedig fel llwybrau cysylltedd, 'rhwydweithiau ecolegol' neu 'rwydweithiau coridor anifeiliaid' yn cael ei hystyried (dylid cyfeirio at Bolisi NE3).

11.414 Lle y bo angen, dylai cynlluniau rheoli sy'n manylu ar faterion megis mesurau lliniaru gael eu cynhyrchu fel rhan o unrhyw gais, a chytuno arnynt gyda'r awdurdod cyn y rhoddir caniatâd. Dylai trefn fonitro y cytunwyd arni gael ei chyflwyno gyda'r mesurau lliniaru arfaethedig. Gall mesurau lliniaru gynnwys dylunio ac amserlennu gwaith yn ofalus, gan ystyried datblygu fesul cam fel bod amseriad unrhyw waith yn tarfu gyn lleied â phosibl.

11.415 Dylai cynigion datblygu geisio gwella bioamrywiaeth. Pan fo angen gwella bioamrywiaeth a lle na chynigir hynny fel rhan o gais, rhoddir pwysau sylweddol ar ddiffyg hynny, ac oni bai bod ystyriaethau perthnasol sylweddol eraill yn nodi fel arall bydd angen gwrthod caniatâd^[88]. Bydd yn ofynnol bod cynigion datblygu'n asesu priodoleddau cydnerthedd ecosystemau yn unol â'r fframwaith a amlinellir ym mharagraff 6.4.9 o Bolisi Cynllunio Cymru 11 a bydd disgwyl iddynt ddiogelu a gwella'r priodoleddau hyn ar ôl datblygu.

11.416 O dan amgylchiadau eithriadol, gallai'r angen am ddatblygiad wrthbwyso'r angen i ddiogelu safle penodol. Mewn achosion o'r fath, bydd effaith yn cael ei hosgoi, ei lleihau i'r eithaf a'i lliniaru hyd y bo'n bosibl (yn unol â'r hierarchaeth liniaru) a phan fydd effeithiau gweddillol yn parhau, caiff mesurau eu rhoi ar waith i sicrhau bod darpariaeth cynefinoedd bywyd gwyllt amgen neu fesurau creu cynefinoedd yn cael eu darparu er mwyn sicrhau nad oes colled net ym mioamrywiaeth yr ardal neu'r nodwedd ar y cyfan.

11.417 Bydd lleoliad a graddfa datblygiad, gan gynnwys natur y cynefinoedd ar y safle a'r ardal gyfagos yn ystyriaeth yn natur unrhyw reolaeth y mae ei hangen.

11.418 Dylai effeithiau posibl datblygiad, naill ai'n unigol neu'n gronnol, gael eu hystyried yn ofalus wrth benderfynu ar unrhyw gynnig. Yn hyn o beth, gall effaith sŵn, dirgryndod, draenio, goleuadau, traffig ac ystyriaethau o ran ansawdd aer ddwyn goblygiadau yn ystod y broses adeiladu neu ar ôl cwblhau unrhyw ddatblygiad.

11.419 Bydd y defnydd o amodau cynllunio a/neu rwymedigaethau cynllunio yn cael ei ystyried lle bo hynny'n briodol.

11.420 Mae'r polisi hwn yn ceisio sicrhau bod coridorau, rhwydweithiau a nodweddion unigryw ecolegol yn cael eu diogelu a'u rheoli'n briodol. Mae'r rhain yn cynnwys nodweddion sydd, oherwydd eu strwythur llinol a pharhaus neu eu swyddogaethau fel 'camau graddol' neu 'goridorau bywyd gwyllt', yn hanfodol ar gyfer lleihau darniad cynefinoedd a rhoi anogaeth ar gyfer mudo a gwasgariad ecolegol neu gyfnewid genetig. Gall diogelu'r nodweddion hyn wneud cyfraniad pwysig i ddyletswydd y Cyngor o dan Adran 6 o Ddeddf yr Amgylchedd (Cymru) 2016. Mae'r rhain hefyd yn werthfawr o ran eu cyfraniad i ansawdd yr amgylchedd lleol ac o ran ei gwneud yn bosibl addasu a bod yn gydnerth yn wyneb y newid yn yr hinsawdd.

11.421 Mae'r nodweddion a fydd yn cyfrannu yn cynnwys: llwyni, ffosydd a chloddiau, waliau cerrig, nentydd, lleiniau cysgodi o goed, coetiroedd, hen goed, parcdiroedd, lonydd gwyrdd, coridorau afonydd, llynnoedd, pyllau, ymylon ffyrdd, neu fosaig cynefinoedd neu rwydweithiau o gynefinoedd eraill sy'n bwysig yn lleol gan gynnwys corsydd mawn, gweundir, gwlypdiroedd, morfeydd heli, twyni tywod a glaswelltiroedd sy'n gyforiog o rywogaethau.

11.422 Mae darparu cysylltedd ecolegol yn un o wasanaethau ecosystemau pwysig y Rhwydwaith Seilwaith Gwyrdd a Glas ac mae ei ddiogelu a/neu ei wella yn gyson â Pholisi PSD3 Rhwydwaith Seilwaith Gwyrdd a Glas. Wrth nodi'r nodweddion hyn ac wrth weithredu'r polisi hwn, dylid cyfeirio at yr Asesiad Seilwaith Gwyrdd a Glas a mapiau cysylltiedig^[89].

11.423 Gall datblygiadau fynd ymlaen yn ardal Canllawiau Cynllunio Atodol Caeau'r Mynydd Mawr ar yr amod na fydd unrhyw effaith sylweddol debygol amlwg ar Ardal Cadwraeth Arbennig Caeau'r Mynydd Mawr (ACA Caeau'r Mynydd Mawr). I'r perwyl hwn, bydd y Cyngor (lle bo'n briodol) yn ceisio cyfraniadau gan ddatblygwyr i ariannu gwaith y Cyngor i gyflawni prosiect rheoli cynefinoedd y Cyngor yn ardal y Canllawiau Cynllunio Atodol. Mae rhagor o wybodaeth ar gael yng Nghanllawiau Cynllunio Atodol Caeau'r Mynydd Mawr (Canllawiau Cynllunio Atodol ACA Caeau'r Mynydd Mawr) a fydd yn cael eu mabwysiadu ar yr un pryd â'r Cynllun. ^[90]

11.424 Mae'r Canllawiau Cynllunio Atodol yn darparu mecanwaith i ddatblygwyr geisio lliniaru effaith eu cynigion ar yr ACA trwy gyfrannu at brosiect rheoli cynefinoedd Caeau'r Mynydd Mawr y Cyngor. I sicrhau bod y CDLl yn cydymffurfio â'r Rheoliadau Cynefinoedd, bydd y Cyngor (lle y bo'n briodol) yn rhoi blaenoriaeth i sicrhau rhwymedigaethau mewn perthynas ag ACA Caeau'r Mynydd Mawr ar gyfer cynigion sydd wedi'u lleoli o fewn Ardal Canllawiau Cynllunio Atodol Caeau'r Mynydd Mawr.

11.425 Caiff y Canllawiau Cynllunio Atodol eu llywio gan sylfaen dystiolaeth gadarn. Mae'r Canllawiau Cynllunio Atodol yn nodi rhestr codi tâl sy'n ffurfio'r man cychwyn ar gyfer pob trafodaeth ynghylch y cyfraniad sy'n ofynnol gan ddatblygwyr. Dylid cyfeirio at y Canllawiau Cynllunio Atodol o ran unrhyw gyfraniadau arfaethedig 'mewn da' a gynigir gan ddatblygwyr.

11.426 Caiff Ardal Canllawiau Cynllunio Atodol Caeau'r Mynydd Mawr ei nodi ar y Map Cynigion.

11.427 Mae gan gynlluniau amddiffyn yr arfordir rôl bwysig o ran diogelu poblogaeth, asedau ac adnoddau'r Sir rhag llifogydd llanwol ac erydu. Mae'r polisi hwn yn ceisio sicrhau bod cynlluniau rheoli arfordirol yn cael eu llunio mewn lleoliadau priodol, ac nad ydynt yn cael effaith niweidiol ar y dirwedd o'u hamgylch. Bydd yn ofynnol i gynlluniau roi sylw i ddiogelu rhywogaethau a chynefinoedd yn unol â Pholisi Strategol SP13.

11.428 Bydd anogaeth yn cael ei rhoi i gynnwys cyfleusterau hamdden a mynediad cyhoeddus priodol o fewn cynlluniau.

(1) 11.429 Ni fydd cynlluniau rheoli arfordirol newydd na gwelliannau i gynlluniau sydd eisoes yn bodoli yn cael eu caniatáu at ddibenion galluogi datblygiadau newydd mewn ardaloedd lle mae perygl llifogydd neu erydiad arfordirol.

11.430 Bydd disgwyl i gynigion ystyried cynnwys Cynllun Rheoli Traethlin De Cymru (Trwyn Larnog i Benrhyn y Santes Ann) (SMP2). Mae'r Cynllun Rheoli Traethlin hwn yn ceisio lleihau'r peryglon hyn i bobl ac i'r amgylcheddau datblygedig, hanesyddol a naturiol, ac yn nodi sut y dylid rheoli'r arfordir yn y dyfodol trwy nifer o bolisïau rheoli perygl llifogydd ac erydu arfordirol hirdymor cynaliadwy ar gyfer yr arfordir.

11.431 Cyfeirir yn benodol at Bolisi NE7: Ardal Rheoli Newid Arfordirol a'i gyd-destun mewn perthynas â datblygiadau o fewn, neu yr effeithir arnynt gan, bolisïau 'dim ymyriad gweithredol' ac 'adlinio a reolir' yn y Cynllun Rheoli Traethlin.

11.432 Mae'r cynigion sydd yn y CDLl hwn wedi'u paratoi gan roi sylw dyledus i'r polisïau a nodir yn SMP2.

11.433 Mae gan Sir Gaerfyrddin ardal helaeth o forlin, sy'n ymestyn o aber Afon Llwchwr i Marros. Gellir diffinio'r ardal arfordirol fel ardaloedd lle mae'r tir a'r môr cyfagos yn cael eu hystyried yn gyd-ddibynnol ar ei gilydd.

11.434 Anaml y bydd yr arfordir sydd heb ei ddatblygu yn cael ei ystyried fel y lleoliad mwyaf priodol ar gyfer datblygu, a dylai unrhyw gynigion ystyried cynnwys SMP2, yn ogystal â pholisïau eraill y Cynllun.

11.435 Mae materion sy'n gysylltiedig â newid arfordirol yn cynnwys: risgiau erydu, llifogydd, ansadrwydd tir, y dulliau a ffefrir i fynd i'r afael â risgiau o'r fath, a'r effeithiau ar fioamrywiaeth a chydnerthedd ecolegol.

11.436 Cyfeirir at bolisi NE7: Ardal Rheoli Newid Arfordirol a'i gyd-destun mewn perthynas â datblygiadau o fewn, neu yr effeithir arnynt gan, bolisïau 'dim ymyriad gweithredol' ac 'adlinio rheoledig' SMP2.

11.437 Fel gyda pholisi NE6, dylid ystyried SMP2 sy'n gosod ystod o bolisïau ar gyfer y morlin, sef 'cadw'r llinell', 'dim ymyriad gweithredol' neu 'adlinio rheoledig', fesul cyfnod polisi (sef: hyd at 2025, 2026 - 2055, a 2056 - 2105).

11.438 Gellir gweld yr SMP2 yn www.southwalescoast.org. Mae Polisi Cynllunio Cymru yn nodi y dylai Awdurdodau Lleol helpu i leihau perygl llifogydd ac effaith erydu arfordirol trwy osgoi datblygu amhriodol mewn ardaloedd sydd dan fygythiad.

11.439 Mae'r Ardal Rheoli Newid Arfordirol yn cynrychioli lle mae'r polisi SMP2 a dderbynnir ar gyfer 'dim ymyriad gweithredol' neu 'adlinio rheoledig' yn ystod cyfnod y cynllun.

(1) 11.440 Nid ystyrir bod datblygiad preswyl newydd yn addas yn yr Ardal Rheoli Newid Arfordirol. Mae hyn yn adlewyrchu lefel y perygl o erydu arfordirol a llifogydd yn yr ardaloedd hyn. Bydd gweithredu'r dull hwn yr un mor berthnasol i gynigion i newid defnydd adeiladau parhaol eraill i lety preswyl ac anheddau yn lle rhai blaenorol, ac mae'n rhan o ymagwedd ragofalus a arweinir gan yr ystyriaethau polisi a nodir yn SMP2.

11.441 Mae'r math o ddefnydd preswyl y mae hyn yn berthnasol iddo yn cynnwys anheddau unigol, fflatiau uwchlaw eiddo masnachol presennol, tai gwarchodol, llety myfyrwyr, hosteli, tai a rennir i bobl anabl, cartrefi nyrsio a chartrefi gofal, addysg breswyl, carafannau sefydlog a chabannau gwyliau (gan gynnwys y rhai sy'n gysylltiedig â hamdden a thwristiaeth) lle maent wedi'u cysylltu â seilwaith ac yn rhan o safle a chanolfannau hyfforddi sefydledig a wasanaethir yn llawn.

11.442 Bydd amodau cynllunio yn cael eu cymhwyso, neu bydd rhwymedigaeth gynllunio yn cael ei sicrhau lle bo angen: cyfyngu ar fywyd cynlluniedig datblygiad neu ddefnydd tymhorol; dileu datblygiad sydd â therfyn amser arno neu anheddau presennol pan ddaw'r defnydd i ben; adolygu caniatadau cynllunio perthnasol; rheoli meddiannaeth ar annedd a adleolwyd.

11.443 Er mwyn galluogi cymunedau arfordirol i addasu i newid arfordirol, mae'r Polisi yn hwyluso adleoli a disodli anheddau parhaol i leoliadau amgen sy'n ddiogel rhag erydu arfordirol. Mae'n ceisio sicrhau bod cymunedau arfordirol yn parhau i fod yn gynaliadwy trwy gynnal lefelau'r stoc dai a lleihau'r risg i bobl ac eiddo.

11.444 Lle y mae angen caniatâd ar gyfer estyniad i eiddo preswyl, fe'i cefnogir lle gellir dangos bod y manteision i berchennog y cartref yn drech nag unrhyw gynnydd yn y risg i'r eiddo. Fodd bynnag, rhaid ystyried llesiant y meddianwyr, y perygl i fywyd o ganlyniad i lifogydd, neu erydiad.

11.445 Bydd datblygiadau amhreswyl yn amodol ar yr amserlen a ragwelir ar gyfer colli'r eiddo o ganlyniad i erydu arfordirol. Byddai hyn yn berthnasol i gynigion ar gyfer defnyddiau megis cyfleusterau cymunedol, defnydd busnes, meysydd chwaraeon a chaeau chwarae. Dylai'r asesiad risg ystyried y buddiannau'n llawn yn erbyn y risgiau sy'n gysylltiedig â defnyddio eiddo a allai fod yn gyfyngedig ei oes.

11.446 Lle y bo'n briodol, gellir defnyddio caniatâd cynllunio am gyfnod cyfyngedig i reoli oes arfaethedig datblygiad newydd. Byddai hyn yn caniatáu rheolaeth dros ddyfodol y datblygiad a'r perygl posibl i eiddo a phobl lle bo hynny'n briodol.

11.447 Mae gan Sir Gaerfyrddin dreftadaeth adeiledig hanesyddol a diwylliannol gyfoethog ac amrywiol, gydag amrediad o Ardaloedd Cadwraeth, Adeiladau Rhestredig a Henebion Cofrestredig. Mae cydnabod treftadaeth adeiledig ardal y cynllun a'i diogelu yn hanfodol, gan ddarparu teimlad o hanes, cymeriad ac ymdeimlad o le.

11.448 Mae ardal y Cynllun hefyd yn cynnwys safleoedd a nodweddion archeolegol sydd wedi'u darganfod, ac sydd eto i'w darganfod. Nod y Polisi a'r Cynllun, ynghyd â deddfwriaeth sylfaenol ar yr amgylchedd adeiledig ac adeiladau hanesyddol, yw diogelu cyfanrwydd aneddiadau hanesyddol, nodweddion ac adeiladau o fewn ardal y Cynllun. Lle bo'n berthnasol, mae hefyd yn ceisio cyfrannu at wella'r amgylchedd hanesyddol ac adeiledig. Mae hyn yn cydnabod bod ein hasedau hanesyddol yn adnoddau unigryw, a bod eu gwarchod yn darparu manteision cymdeithasol, diwylliannol, economaidd ac amgylcheddol.

11.449 Dylai adeiladau, trefwedd a thirwedd hanesyddol y sir gael eu hystyried yn asedau a'u diogelu a'u gwella mewn modd cadarnhaol er budd trigolion ac ymwelwyr fel ei gilydd. Nid newid ac esgeulustod yn unig sy'n effeithio ar y rhain ond hefyd newidiadau i'w lleoliad. O'r herwydd, mae'n bwysig ystyried hyn wrth wneud penderfyniadau ynglŷn â chynigion mae'n bosibl y byddant yn cael effaith.

11.450 Mae llawer o elfennau o amgylchedd adeiledig a hanesyddol y Sir yn cael eu diogelu trwy ddeddfwriaeth neu ddarpariaethau polisi eraill, a chan hynny nid oes angen polisïau i ymdrin â hwy yn y CDLl diwygiedig. Felly nid yw'r Cynllun yn cynnwys polisïau mewn perthynas â nodweddion ar y dreftadaeth adeiledig megis Henebion Cofrestredig gan eu bod yn cael eu diogelu'n ddigonol mewn mannau eraill.

11.451 Fodd bynnag, ceir agweddau sy'n ymwneud â diogelu'r amgylchedd hanesyddol y gellir mynd i'r afael â hwy drwy'r CDLl diwygiedig, yn enwedig y rhai sy'n ymwneud â nodweddion lleol ac adeiladau lleol.

11.452 Mae canllawiau a deddfwriaeth eglur mewn perthynas â'r canlynol i'w cael ym Mholisi Cynllunio Cymru: Rhifyn 11 – Pennod 6: Gwarchod yr Amgylchedd Hanesyddol, a Pholisi Strategol SP14 – Cynnal a Gwella'r Amgylchedd

11.453 Naturiol sy'n cydnabod pwysigrwydd ardaloedd a nodweddion o'r fath yn y Sir:

• Parciau a Gerddi Hanesyddol^[91] - Mae llawer o barciau a gerddi yn hanesyddol arwyddocaol ac wedi'u rhestru yn y Gofrestr Parciau a Gerddi Hanesyddol yng Nghymru. Mae'r ardaloedd hyn hefyd wedi'u diffinio ar Fap Cynigion y CDLl;
• Tirweddau Hanesyddol^[92]
• Olion Archaeolegol^[93]
• Datblygiadau Galluogi^[94] - mae Polisi Cynllunio Cymru yn nodi'r darpariaethau y byddai cynnig galluogi yn cael ei ystyried drwyddynt
• Henebion Cofrestredig – caiff y rhain eu diffinio ar y Map Cynigion

11.454 Bydd yr awdurdod yn paratoi Canllawiau Cynllunio Atodol fel y bo'n briodol a lle bo angen mewn perthynas â'r Amgylchedd Hanesyddol ac Adeiledig, yn ogystal ag Archaeoleg.

11.455 Lle mae cynnig yn un ar gyfer adeilad newydd o fewn ardal gadwraeth, dylai roi sylw i'r canlynol:

• Golygfeydd, fistâu, strydluniau, toeau, coed, mannau agored, bylchau a nodweddion eraill pwysig sy'n cyfrannu at gymeriad neu ymddangosiad yr ardal gadwraeth;
• Ffiniau hanesyddol arwyddocaol neu elfennau eraill sy'n cyfrannu at y ffurf sefydledig ar ddatblygu;
• Y berthynas â'r adeiladau, mannau presennol, a ffurf anheddu sydd eisoes yn bodoli;
• Graddfa, taldra a dwysedd, dyluniad pensaernïol, a deunyddiau.

11.456 Nodweddir Sir Gaerfyrddin gan adnoddau tirwedd amrywiol ac o ansawdd uchel ac ardaloedd o werth gweledol nodedig. Mae hefyd yn cynnwys neu'n ffinio ag amrywiaeth o ddynodiadau tirwedd, gan gynnwys Bannau Brycheiniog a Pharciau Cenedlaethol Arfordir Penfro ac Ardal o Harddwch Naturiol Eithriadol Penrhyn Gŵyr.

11.457 Mae priodoleddau tirwedd allweddol y Sir yn amrywiol ac yn cynnwys ardaloedd ucheldirol, gwastatiroedd arfordirol a dyffrynnoedd afonydd o werth tirwedd a phwysigrwydd ecolegol uchel. Mae'r rhain yn darparu manteision amgylcheddol, economaidd a chymdeithasol sylweddol ac yn helpu i greu ymdeimlad o le.

(1) 11.458 Mae'r Polisi yn ceisio diogelu, cynnal, a (lle y bo'n briodol) gwella cymeriad ac ansawdd tirwedd Sir Gaerfyrddin gyda'r nodweddion hynny sy'n cyfrannu at gymeriad unigryw'r Sir yn cael mesurau gwarchod ar lefelau priodol gyda'u harwyddocâd yn cael ei amlygu gan ddefnyddio adnodd LANDMAP CNC. Sylwer: Adnodd tirwedd sy'n seiliedig ar System Gwybodaeth Ddaearyddol yw LANDMAP lle caiff nodweddion tirwedd, ei phriodweddau a dylanwadau ar y dirwedd eu cofnodi a'u gwerthuso i greu set ddata sy'n gyson yn genedlaethol.

(2) 11.459 Bydd y polisi yn cael ei ategu gan Asesiad o Gymeriad y Dirwedd a Chanllawiau Cynllunio Atodol. Bydd y Canllawiau Cynllunio Atodol hyn yn adeiladu ar y gwaith a wnaed a'r darpariaethau polisi o ran Creu Lleoedd a Seilwaith Gwyrdd a Glas wrth ddatblygu cyfres integredig o ddogfennau canllaw i lywio cynigion datblygu.

11.460 Bydd y Canllawiau Cynllunio Atodol hyn yn nodi ac yn disgrifio ardaloedd a mathau o gymeriad tirwedd nodedig ledled ardal y cynllun.

11.461 Yn hyn o beth pwrpas y polisi yw adlewyrchu hynodrwydd, nodweddion a sensitifrwydd penodol cydrannau tirwedd y sir.

11.462 Mae'r CDLl Diwygiedig hwn yn ceisio deall a chydnabod rôl cymuned ac ymdeimlad o le trwy geisio dosbarthu datblygiadau newydd mewn modd sy'n cydnabod ac yn parchu rôl a swyddogaeth ein aneddiadau.

11.463 Trwy ddosbarthu twf mewn modd cynaliadwy mae'n cydnabod gwerth cysylltedd. Mae'r Cynllun yn ceisio helpu i greu cymunedau cysylltiedig sy'n gydnerth, yn ffyniannus ac yn gallu meithrin llesiant ymysg trigolion.

11.464 Trwy greu Sir gydnerth, gysylltiedig a chynaliadwy, mae'r Cynllun yn ceisio adlewyrchu'r heriau sy'n wynebu ein cymunedau a'r angen i ymateb yn gadarnhaol. Mae'n pennu fframwaith i gyfrannu at fynd i'r afael â'r newid yn yr hinsawdd ac yn datblygu strategaeth ac agenda bolisi sy'n canolbwyntio ar ddatblygu cynaliadwy, gan gydnabod amrywiaeth y Sir ar yr un pryd.

11.465 Cydnabyddir bod y themâu a'r polisïau a ddyrennir iddynt yn gorgyffwrdd â'i gilydd, ond nodwyd y canlynol o dan y thema hon:

11.466 Mae'r polisïau a ganlyn yn ceisio cefnogi cyflawniad amcanion strategol y Cynllun, ond hefyd yn creu cysylltiadau lefel uchel ac yn sicrhau y cydymffurfir yn fras â'r Nodau Llesiant.

11.467 Mae'r angen i fynd i'r afael â'r newid yn yr hinsawdd yn peri her sylfaenol os bwriedir cyflawni datblygu cynaliadwy a'r rhwymedigaethau o dan Ddeddf Llesiant Cenedlaethau'r Dyfodol 2015. Mae'r goblygiadau economaidd, cymdeithasol, ac amgylcheddol sy'n deillio o newid yn yr hinsawdd yn ddwys a chânt eu cydnabod yn Natganiad Ardal De-orllewin Cymru ac yn y datganiad o argyfwng hinsawdd gan Lywodraeth Cymru a Chyngor Sir Caerfyrddin.

11.468 Bydd yr hinsawdd sy'n newid a'r effeithiau ar Gymru a ragwelir gan Raglen Effeithiau Hinsawdd y DU yn peri heriau difrifol ar gyfer y system gynllunio gyfredol. Wrth fynd i'r afael â nhw, mae Polisi Cynllunio Cymru yn amlinellu cyfres o amcanion y dylid eu hystyried wrth baratoi cynllun datblygu.

11.469 Mae'r CDLl yn categoreiddio aneddiadau yn ôl hierarchaeth sy'n adlewyrchu eu cynaliadwyedd cymharol ac yn ystyried yr hierarchaeth trafnidiaeth gynaliadwy. Mae dyhead y cynllun i leihau'r angen i deithio, yn enwedig mewn ceir modur preifat, a'i rôl o gyfrannu at y gwaith o hwyluso strategaeth drafnidiaeth integredig, yn ceisio cyfeirio datblygiadau at leoliadau priodol sy'n helpu i gyflawni hyn.

11.470 Mae effaith bosibl perygl llifogydd yn fater pwysig i'w ystyried wrth asesu priodoldeb safleoedd i'w cynnwys yn y Cynllun Datblygu Lleol. Yn hyn o beth, bydd dull rhagofalus yn cael ei ddefnyddio i nodi safleoedd i'w cynnwys yn y cynllun. Wrth ystyried unrhyw gynigion yng nghyd-destun llifogydd, rhoddir sylw i ddarpariaethau Polisi Cynllunio Cymru a TAN15: Datblygu a Pherygl Llifogydd, sy'n rhoi cyngor ar asesu datblygiadau lle mae perygl llifogydd.

(2) 11.471 Bydd yn ofynnol i gynigion sy'n cael eu heffeithio gan berygl llifogydd gyflwyno asesiad canlyniadau llifogydd fel rhan o unrhyw gais cynllunio a bydd y cyngor yn ymgynghori â Cyfoeth Naturiol Cymru. Lle mae rhan o safle'n cael ei heffeithio gan berygl llifogydd, bydd angen i'r datblygwr ystyried effaith perygl llifogydd ar ddatblygu gweddill y safle. Lle bo hynny'n briodol, dylai gynnal yr holl waith tystiolaeth angenrheidiol (gan gynnwys asesiad canlyniadau llifogydd) at foddhad Cyfoeth Naturiol Cymru. Dim ond datblygiadau llai agored i ddifrod fydd yn cael eu caniatáu ym Mharth C2. Dylid ystyried Polisi CCH4: Rheoli ac Osgoi Perygl Llifogydd fel y'i ceir o fewn y Cynllun hwn.

11.472 Disgwylir i ddatblygiadau ddangos egwyddorion dylunio da i hybu defnyddio adnoddau mewn modd effeithlon, gan gynnwys lleihau gwastraff a llygredd, a chynyddu effeithlonrwydd ynni a'r defnydd effeithiol o adnoddau eraill cymaint â phosibl. Dylid cyfeirio at Bolisi Strategol PS 19 mewn perthynas â gwastraff, yr hierarchaeth gwastraff a lleihau gwastraff.

11.473 Disgwylir i gynigion datblygu ddefnyddio tir yn llawn ac mewn modd priodol. Rhaid i effeithiau posibl y newid yn yr hinsawdd fod yn ganolog i'r broses ddylunio, gan gynnwys y cyfraniad y gall y lleoliad, y dwysedd, y cynllun a'r ffurf adeiledig ei wneud tuag at ddatblygiadau sy'n ymateb i'r newid yn yr hinsawdd. Wrth fynd i'r afael â Newid yn yr Hinsawdd, bydd disgwyl hefyd i ddyluniad datblygiadau adlewyrchu'r Argyfwng Natur a darparu buddion net i fioamrywiaeth.

11.474 Mae Llywodraeth Cymru wedi gosod targedau i ddatgarboneiddio'r sector cyhoeddus, a chyflawni statws carbon sero net erbyn 2030. Mae Llywodraeth Cymru wedi ymrwymo i ddefnyddio'r system gynllunio i fanteisio i'r eithaf ar gynhyrchu ynni adnewyddadwy ac ynni carbon isel. Mae Polisi Cynllunio Cymru yn nodi y gall awdurdodau cynllunio lleol wneud cyfraniad cadarnhaol trwy ystyried y cyfraniad y gall eu hardal ei wneud tuag at ddatblygu a hwyluso ynni adnewyddadwy ac ynni carbon isel^[95]. Mae targedau ynni adnewyddadwy wedi cael eu gosod gan Lywodraeth Cymru ac yn cynnwys Cymru sy'n cynhyrchu 70% o'i defnydd trydan o ynni adnewyddadwy erbyn 2030 ^[96].

11.475 Bydd cynigion, defnydd tir ac arferion rheoli tir yn cael eu hannog lle maent yn helpu i sicrhau a diogelu dalfeydd carbon (gan gynnwys mawndiroedd). Gall dull o'r fath wella'r gallu i wrthsefyll effeithiau newid yn yr hinsawdd a lleihau achosion hynny trwy ddiogelu dalfeydd carbon.

(1) 11.476 Mae Polisi Cynllunio Cymru yn gosod canllawiau clir mewn perthynas â'r gofynion ar gyfer datblygiadau sy'n ymateb i'r hinsawdd ac adeiladau cynaliadwy. Dylid cyfeirio at y Canllaw Ymarferol – Cynllunio ar gyfer Adeiladau Cynaliadwy (Llywodraeth Cymru, 2014).

11.477 Mae Polisi CCH1 a Pholisi CCH2 yn berthnasol i bob datblygiad ynni adnewyddadwy a charbon isel y mae angen caniatâd cynllunio ar ei gyfer, ac yn nodi'r meini prawf y bydd cynigion yn cael eu hasesu yn eu herbyn. Gall y datblygiadau hyn gynnwys ffermydd gwynt ar y tir, tyrbinau gwynt, technoleg solar, biomas, ynni o wastraff, pŵer trydan dŵr a gwres a phŵer cyfunedig.

11.478 Mae'r Polisi hwn yn ategu ymrwymiad Llywodraeth Cymru i leihau ein dibyniaeth ar ynni a gynhyrchir o danwyddau ffosil ac i fynd ati i reoli'r newid i economi carbon isel.

11.479 Bydd cymorth penodol yn cael ei roi i brosiectau ynni adnewyddadwy a charbon isel sy'n cael eu datblygu gan gymunedau, neu a fydd o fudd i'r gymuned sy'n eu cynnal. Bydd gofyn i gynlluniau o'r fath gyd-fynd â darpariaethau'r polisïau uchod.

11.480 Bydd datblygiadau seilwaith cysylltiedig sydd yn ofynnol i helpu i gyflawni cynlluniau adnewyddadwy a charbon isel yn cael eu cefnogi, er enghraifft seilwaith grid a chyfleusterau storio ynni newydd, ar yr amod eu bod yn cyd-fynd â pholisïau'r Cynllun.

11.481 Mae Llywodraeth Cymru yn nodi Ardaloedd a Aseswyd ymlaen llaw ar gyfer Ynni Gwynt yn "Cymru'r Dyfodol". O fewn yr ardaloedd hyn, mae rhagdybiaeth o blaid datblygu ynni gwynt ar raddfa fawr, gan gynnwys ailbweru, yn amodol ar eu bod yn bodloni'r meini prawf a nodir ym Mholisi 18 Cymru'r Dyfodol. Mae Llywodraeth Cymru wedi modelu'r effaith debygol ar y dirwedd yn yr ardaloedd hyn, ac wedi gweld eu bod yn gallu cynnwys datblygiad mewn ffordd dderbyniol. Dosbarthir datblygiadau ynni ar raddfa fawr fel Datblygiadau o Arwyddocâd Cenedlaethol (DNS). Gweinidogion Cymru fydd yn penderfynu ar geisiadau cynllunio ar gyfer Datblygiadau o Arwyddocâd Cenedlaethol ac maent yn cynnwys:

• Pob cynhyrchu wynt ar dir o 10MW neu fwy.
• Safleoedd cynhyrchu ynni eraill sydd â phŵer cynhyrchu rhwng 10MW a 350MW.

11.482 O fewn Meysydd a Aseswyd o flaen Llaw ar gyfer Ynni'r Gwynt, mae Llywodraeth Cymru wedi cynnal asesiad i nodi'r ardaloedd hyn er mwyn rhoi sicrwydd, mewn egwyddor, lle byddai cynlluniau ynni gwynt ar raddfa fawr yn dderbyniol.

Asesiad Ynni Adnewyddadwy

11.483 Cwblhawyd Asesiad Ynni Adnewyddadwy i lywio a darparu tystiolaeth ar gyfer Polisïau CCH1 a CCH2 ac er mwyn nodi'r potensial ar gyfer cynhyrchu ynni adnewyddadwy yn yr ardal. Llywodraeth Cymru sy'n pennu'r dull y mae'r Asesiad Ynni Adnewyddadwy wedi'i ddilyn, a bydd ei gynnwys yn dangos sut y gall y Cynllun gynorthwyo i gyrraedd targedau cynhyrchu ynni adnewyddadwy. Mae'r Asesiad Ynni Adnewyddadwy yn cynnwys asesiad strategol lefel uchel o'r potensial ar gyfer cynhyrchu ynni adnewyddadwy a charbon isel o wahanol fathau mewn gwahanol leoliadau.

(1) 11.484 Daw tablau 9 a 10 o'r Asesiad Ynni Adnewyddadwy ac maent yn manylu ar y cyfraniadau ynni adnewyddadwy realistig y gellid eu gwneud tuag at fodloni cyfran o gyfanswm y galw am ynni o fewn yr Awdurdod.

(1) Tabl 9: Crynodeb o'r Adnoddau ar gyfer Trydan Adnewyddadwy

Tabl 10: Crynodeb o'r Adnoddau ar gyfer Gwres Adnewyddadwy Ardaloedd Chwilio Strategol

Ardaloedd a Aseswyd o flaen llaw ar gyfer Ynni'r Gwynt

Ardaloedd Chwilio Lleol

11.485 Mae'r Asesiad Ynni Adnewyddadwy wedi asesu'r potensial i'r Awdurdod ddarparu ynni adnewyddadwy, ac wedi dod i'r casgliad y gallai cynhyrchu trydan ar raddfa fwy o ynni solar fod yn hyfyw mewn rhannau o'r Awdurdod. Mae'r ardaloedd hyn wedi'u nodi yn yr Asesiad Ynni Adnewyddadwy, ac maent wedi'u anodi ar y Map Cynigion fel Ardaloedd Chwilio Lleol. Nodir Ardaloedd Chwilio Lleol drwy gymhwyso cyfres o ragdybiaethau a thrwy wneud ymarfer mapio a oedd yn defnyddio haenau o gyfyngiadau. Ystyrir mai'r ardaloedd hyn yw'r ardaloedd â'r lleiaf o gyfyngiadau o fewn yr Awdurdod er mwyn darparu ynni.

(1) 11.486 Mae tair Ardal Chwilio Leol ar gyfer Ynni Solar Ffotofoltäig wedi'u nodi fel rhai addas ar gyfer cynlluniau sy'n fwy na 5MW. Nodir Ardaloedd Chwilio Lleol er mwyn annog datblygwyr i ymchwilio ymhellach i'r potensial ar gyfer ffermydd solar yn yr ardaloedd hyn. Bydd angen rhagor o asesiadau penodol i safleoedd er mwyn cynorthwyo unrhyw gais cynllunio ar gyfer datblygiadau o'r fath.

11.487 Ni fydd tir o fewn Ardaloedd Chwilio Lleol yn cael ei ddiogelu ar gyfer cynhyrchu ynni; fodd bynnag, bydd yna flaenoriaeth ar gyfer datblygiadau o'r fath lle ceir buddiannau sy'n cystadlu ar yr un pryd. Bydd angen i ddatblygiadau leihau effeithiau ar y dirwedd ac effeithiau gweledol.

Technolegau Eraill

11.488 Er bod yr Asesiad Ynni Adnewyddadwy yn cydnabod mai technolegau gwynt a solar sydd â'r potensial mwyaf i gyflenwi ynni adnewyddadwy o fewn y Sir, bydd cynigion ar gyfer technolegau ynni adnewyddadwy eraill, gan gynnwys biomas, ynni o wastraff, pŵer trydan dŵr a nwy tirlenwi hefyd yn cael eu hystyried yn ffafriol, yn amodol ar fodloni darpariaethau'r polisïau hyn.

Ystyriaethau Lleoliadol

11.489 Wrth asesu effaith gronnol cynigion, bydd unrhyw niwed annerbyniol i'r dirwedd, effaith weledol, sŵn, ecoleg a dŵr wyneb a dŵr daear hefyd yn cael ei ystyried yn erbyn datblygiadau ynni adnewyddadwy a charbon isel eraill.

11.490 Dylid ystyried amwynder preswylwyr a meddianwyr eiddo cyfagos, a dylid lleihau unrhyw niwsans posibl sy'n deillio o'r datblygiad a'i seilwaith cysylltiedig i'r eithaf. Ni chaniateir cynigion a fyddai'n arwain at niwsans annerbyniol o ganlyniad i weithredu datblygiad o'r fath, megis sŵn, risg i ddiogelwch, ymyrryd â signalau radio, telathrebu neu awyrennau, cysgodion symudol o dyrbinau gwynt a phelydrau a golau tanbaid o baneli solar.

11.491 Bydd angen i gynigion sicrhau nad ydynt yn achosi problemau o ran diogelwch ar y priffyrdd nac yn cael effaith niweidiol ar y rhwydwaith priffyrdd o ganlyniad i draffig adeiladu a chynnal a chadw. Wrth leoli datblygiad, dylid diogelu llwybrau ceffylau, llwybrau beicio a llwybrau troed presennol heb unrhyw golled barhaol i'w hyd a'u hansawdd. Bydd angen dargyfeirio hawliau tramwy cyhoeddus yn briodol dros dro yn ystod y gwaith adeiladu. Rhoddir anogaeth i wella cyfleusterau hamdden presennol a darparu rhai newydd. Bydd Canllawiau Cynllunio Atodol yn cael eu llunio i ymhelaethu ar ddarpariaethau Polisi CCH1 a Pholisi CCH2.

11.492 Mae polisi cenedlaethol ar ffurf Polisi Cynllunio Cymru'n gosod agenda sy'n ceisio symud tuag at newid i ddulliau trafnidiaeth ar y ffyrdd sy'n cynhyrchu allyriadau isel neu ddim allyriadau. Yn hyn o beth, mae'n cydnabod rôl pwyntiau gwefru trydanol o ran cyflawni'r newid hwnnw^[[1]].

(1) 11.493 Wrth arddel y farn hon mae'n argymell mabwysiadu ymagwedd gynaliadwy sy'n cydbwyso anghenion byrdymor yn erbyn amcanion hirdymor mewn perthynas ag ystyriaethau megis lleihau amlygiad y cyhoedd i lygredd yn yr awyr, llygredd sŵn ac ati fel rhan o'r gwaith o baratoi cynlluniau datblygu.

11.494 Fel yr adlewyrchir yn ffigur 12 isod, mae polisi Llywodraeth Cymru yn nodi hierarchaeth trafnidiaeth gynaliadwy mewn perthynas â datblygiadau newydd. Mae'r hierarchaeth hon yn cydnabod rôl Cerbydau ag Allyriadau Isel Iawn o ran datgarboneiddio trafnidiaeth, yn enwedig mewn ardaloedd gwledig^[[2]].

Ffigur 12: Yr Hierarchaeth Trafnidiaeth Gynaliadwy ar gyfer Cynllunio

(2) 11.495 Mae'r CDLl hwn yn cydnabod amrywiaeth cymunedau ledled Sir Gaerfyrddin gan nodi'n arbennig y nodweddion gwledig yn bennaf sy'n nodweddu llawer o'i hardal. Fel yr adlewyrchir ym Mholisi Cynllunio Cymru, mae ardaloedd o'r fath yn aml yn galw am wahanol ymagweddau lle mae trafnidiaeth gynaliadwy yn y cwestiwn ac mae angen i ddatblygiadau newydd adlewyrchu amgylchiadau lleol. Er enghraifft, wrth ddatblygu strategaeth y CDLl, rhoddwyd ystyriaeth i'r potensial ar gyfer twf mewn ardaloedd gwledig ac mae'r broses o nodi safleoedd wedi rhoi sylw i'r hierarchaeth, gan gynnwys mesurau i annog y defnydd o Gerbydau ag Allyriadau Isel Iawn. Yn hyn o beth, mae'r polisi uchod yn rhoi ffocws clir ar fynediad i gerbydau o'r fath fel amcan polisi cadarnhaol ar gyfer datblygiadau ledled yr awdurdod, gan gynnwys mewn cymunedau gwledig.

(1) 11.496 Mae'r Cynllun yn cydnabod effeithiau'r newid yn yr hinsawdd a'r newid i ddatgarboneiddio gyda'r angen i hybu mynediad at ddulliau trafnidiaeth amgen yn unol â darpariaethau polisi cenedlaethol. Mae 35% o drigolion Sir Gaerfyrddin yn byw mewn ardaloedd gwledig gyda 65% o'r arwynebedd tir wedi'i ddynodi'n wledig. Mae natur wledig llawer o Sir Gaerfyrddin felly wedi bod yn ystyriaeth allweddol wrth ddatblygu'r strategaeth a dosbarthiad y twf.

11.497 Mae natur wledig yn her arbennig ar gyfer trafnidiaeth gyhoeddus, gyda'r poblogaethau gwasgaredig yn y rhan fwyaf o ardaloedd a chymunedau gwledig, yn cael eu gwasanaethu gan wasanaeth amlder isel.

11.498 Er y cydnabyddir y gall hyrwyddo trafnidiaeth gynaliadwy ac yn wir datgarboneiddio trafnidiaeth yn y pen draw gael ei gyflawni mewn llawer o ardaloedd trefol rhaid iddo beidio â datgymalu'r cysylltiadau rhwng cymunedau trefol a gwledig ymhellach^[[3]]. Mewn perthynas â'n cymunedau o fewn ardaloedd gwledig mae'r Cynllun yn ceisio cyflawni datblygu cynaliadwy mewn ffordd sy'n cyfeirio at ddulliau trafnidiaeth newydd ac amgen ac yn eu hintegreiddio gan gynnwys hyrwyddo cerbydau ag allyriadau isel iawn. Dylai cynigion ar gyfer Fflatiau (mannau parcio nad ydynt wedi'u neilltuo) ddarparu pwyntiau gwefru cyflym lle mae'r rhwydwaith trydan lleol yn dechnegol yn gallu cefnogi ei ddarpariaeth a lle nad yw'n golygu bod y datblygiad yn anhyfyw.

11.499 Lle mae gan gartref fan parcio wedi'i neilltuo ar ffurf garej neu ddreif/man parcio, fel gofyniad lleiaf dylid darparu soced 16 Amp naill ai mewn garej neu'n agos at fan parcio penodol wedi'i neilltuo ar gyfer ceir. Os nad oes garej, dylid darparu soced allanol ar y wal.

11.500 Dylai cynigion ar gyfer datblygiadau amhreswyl a masnachol gynnwys, fel y gofyniad lleiaf, bwyntiau gwefru ar gyfer 10% o'r mannau parcio ceir. Wrth weithredu'r gofyniad hwn, rhoddir sylw i ddarpariaethau Polisi Cynllunio Cymru, Rhifyn 11: Paragraff 4.1.39. Noder: soced 32 Amp. Mae unedau gwefru annibynnol masnachol yn darparu 2 wefrydd.

11.501 Mae darpariaeth y polisi hwn yn ceisio diogelu tai newydd ar gyfer y dyfodol fel rhan o ymrwymiad y Cyngor i fynd i'r afael â'r argyfwng newid hinsawdd sydd wedi'i ddatgan. Fodd bynnag cydnabyddir, wrth i gapasiti wella ar draws y grid, y gallai fod amgylchiadau lle nad yw'n gallu cyfredol a rhagamcanol yn gallu bodloni'r gofynion sy'n codi o'r polisi mewn perthynas â datblygiad penodol. Yn y fath amgylchiadau dylid cyflwyno tystiolaeth gadarn gyda'r cais sy'n manylu ar unrhyw faterion o'r fath gan gynnwys goblygiadau hyfywedd wrth ymgymryd ag unrhyw welliannau seilwaith ar gyfer y datblygiad. Dylid cyfeirio at y Canllawiau Cynllunio Atodol ar gyfer gofynion Cerbydau Allyriadau Isel Iawn mewn datblygiadau newydd.

11.502 Mae dŵr fel adnodd yn hynod werthfawr ac mae materion megis llygryddion, atal llifogydd, dŵr daear ac amddiffyn a gwella ecosystemau dyfrol i gyd yn ystyriaethau pwysig a adlewyrchir gan ddeddfwriaeth a chanllawiau. Mae'r Gyfarwyddeb Fframwaith Dŵr (2000/60/EC) (WFD) yn nodi'r gofynion mewn perthynas â'r amgylchedd dŵr a dylid rhoi sylw llawn i'w chynnwys.

11.503 Gall llygredd dŵr ac o ganlyniad ansawdd dŵr gwael fod o un ffynhonnell, neu o ffynonellau gwasgaredig, megis o ddŵr ffo amaethyddol a threfol. Mae'r Cyfarwyddeb Fframwaith Dŵr wedi rhoi'r cyfle i weithio gyda sefydliadau partner, yn enwedig Cyfoeth Naturiol Cymru, i gydnabod yr angen i wella'r amgylchedd dŵr cyfan a hybu'r defnydd cynaliadwy o ddŵr er budd pobl a bywyd gwyllt. Paratowyd Cynlluniau Rheoli Basn Afonydd (RBMP) sy'n nodi amcanion a safonau amgylcheddol, a rhaglen o fesurau er mwyn eu cyflawni.

11.504 Mae Dŵr Cymru yn gyfrifol am gyflenwi a thrin dŵr yn y Sir. Mae Dŵr Cymru yn parhau i ateb y galw cynyddol am wasanaethau carthffosiaeth drwy fecanweithiau deddfwriaethol a rheoleiddiol, a buddsoddiad mewn cyflenwi/galw fel y nodir yn y Rhaglen Rheoli Asedau. Bydd buddsoddiad y Rhaglen Rheoli Asedau yn cefnogi twf ac adfywio yn y dyfodol.

11.505 Gyda golwg ar Safle Morol Ewropeaidd Bae Caerfyrddin a'r Aberoedd, dylid cyfeirio at Bolisi INF4. Mae Canllawiau Cynllunio Atodol Cilfach Tywyn wedi'u paratoi i ymhelaethu ar y Cynllun hwn. Mae'n ceisio cydbwyso ystyriaethau amgylcheddol a datblygiadol gyda'r bwriad o hwyluso'r broses o gyflawni twf o fewn y CDLl diwygiedig hyd at 2033.

11.506 Mae ystyried yr amgylchedd yn un o gysyniadau allweddol datblygu cynaliadwy. O ystyried bod effaith dyraniadau ac ymrwymiadau'r Cynllun eisoes wedi'i hystyried gan yr Awdurdod a bod y gallu i'w gyflawni wedi'i sefydlu, mae'r Polisi hwn yn darparu modd o archwilio materion ar lefel prosiect neu ar lefel cais fesul safle unigol, fel a lle bo'n briodol. Mae'r Polisi hwn yn ceisio darparu modd i'r Awdurdod ystyried rhinweddau cynigion sy'n dod ymlaen yn ystod cyfnod y Cynllun nad ydynt yn cael eu nodi o fewn y Cynllun ar hyn o bryd.

11.507 Gellir gwella ansawdd dŵr trwy fesurau megis dylunio effeithiol, adeiladu a gweithredu systemau carthffosiaeth, defnyddio Seilwaith Gwyrdd a Glas megis gwlyptiroedd neu wyrddfannau ar gyfer lliniaru llifogydd, a defnyddio SuDS. Byddai hyrwyddo arferion amaethyddol da a rheoli adnoddau naturiol yn gynaliadwy hefyd yn cyfrannu at welliannau mewn ansawdd. Pan fo hynny'n addas ac yn berthnasol i'r system gynllunio, mae'r Cynllun hwn yn nodi mesurau y gellir eu dwyn ymlaen. Cyfeirir at adfer fel un o brif egwyddorion y Gyfarwyddeb Fframwaith Dŵr, megis defnyddio peirianneg werdd i adfer cyflwr naturiol a gweithrediad y system afonydd trwy gael gwared ar gwlferi i helpu i gefnogi bioamrywiaeth, hamdden, rheoli llifogydd a datblygu tirwedd.

11.508 Dylai cynigion geisio ymgorffori technegau cadwraeth dŵr lle bynnag y bo modd gan gynnwys cynaeafu dŵr glaw ac ailgylchu dŵr llwyd.

11.509 Caiff gofynion adnoddau dŵr Sir Gaerfyrddin eu bodloni'n gyfan gwbl gan Dŵr Cymru, ac mae'r sir wedi ei lleoli o fewn system defnydd cysylltiol Tywi (Parth Adnoddau Dŵr Tywi). Mae Cynllun Rheoli Adnoddau diweddaraf Dŵr Cymru yn rhagfynegi y bydd gan Barth Adnoddau Dŵr Tywi gyfenwadau dros ben drwy gydol cyfnod y CDLl, yn seiliedig ar y cynnydd o 14.6% a ragfynegir mewn niferoedd aelwydydd yn Sir Gaerfyrddin rhwng 2014 a 2039, a chynnydd o 82,751 i 89,532 rhwng 2018 a 2033. Mae'r rhagolwg twf cyffredinol hwn yn fwy na'r twf y darperir ar ei gyfer yn y CDLl.

(1) 11.510 Dylai datblygiad geisio cysylltu â'r prif rwydwaith seilwaith dŵr gwastraff presennol yn y lle cyntaf. Mewn achosion eithriadol, er mwyn datblygu lle nad yw'n ymarferol cysylltu â gwaith trin dŵr gwastraff cyhoeddus, bydd angen i unrhyw gynigion o'r fath gyfiawnhau pam nad yw creu cysylltiad yn ymarferol a dangos eu bod yn cydymffurfio â Chylchlythyr Llywodraeth Cymru 008/2018 a chanllawiau Cyfoeth Naturiol Cymru ar gyfer cysylltiadau â gwaith trin preifat/tanciau septig. Rhaid i gynigion datblygu newydd sy'n rhoi pwysau ar gapasiti'r cyflenwad dŵr presennol a'r seilwaith trin dŵr a charthffosiaeth sicrhau bod y seilwaith angenrheidiol yn ei le neu y bydd yn cael ei ddarparu i'w gwasanaethu o fewn Rhaglen Rheoli Asedau briodol. Mae'r pwysau cynyddol ar y seilwaith ac ar fyd natur yn ystyriaeth bwysig a bydd disgwyl i ddatblygiad newydd ddangos bod ystyriaeth ddigonol yn cael ei rhoi i gadwraeth adnoddau dŵr a diogelu ansawdd dŵr.

11.511 Mae ystyriaethau ychwanegol yn berthnasol i ddatblygiad newydd lle gall cynnydd mewn ffosfforws, yn enwedig oherwydd gollyngiadau dŵr gwastraff, gael effaith andwyol ar gyfanrwydd Ardaloedd Cadwraeth Arbennig Afon Cleddau, Afon Teifi, Afon Tywi ac Afon Gwy, yn unol â Rheoliadau Cynefinoedd 2017 (fel y'u diwygiwyd).

11.512 Gall cynnydd mewn llifoedd i brif gyflenwad gwaith trin dŵr gwastraff arwain at gynnydd mewn maetholion mewn cyrsiau dŵr oherwydd gollyngiadau o'r gwaith. Mae'r polisi hwn yn ceisio rheoli gollyngiadau dŵr gwastraff sy'n deillio o ddatblygiad newydd i sicrhau cydymffurfiaeth â Rheoliadau Cynefinoedd 2017 (fel y'u diwygiwyd) a chyfyngiadau hysbys ar waith trin dŵr gwastraff. Mae'n berthnasol i'r holl Ardaloedd Cadwraeth Arbennig afonol yn Sir Gaerfyrddin gan gynnwys eu llednentydd.

11.513 Ym mis Ionawr 2021 pennodd Cyfoeth Naturiol Cymru (CNC) safonau ffosfforws newydd ar gyfer Ardaloedd Cadwraeth Arbennig afonol. O ran Sir Gaerfyrddin, darganfu profion cydymffurfio a wnaed gan CNC fod methiant i gyrraedd y safonau newydd hyn yn Afon Cleddau ac Afon Teifi.

(1) 11.514 Er mwyn hwyluso i gyflawni datblygiadau y gallai'r polisi hwn effeithio arnynt, mae'r Cyngor wedi paratoi 'Strategaeth Lleihau Ffosfforws Afon Tywi ac Afon Teifi'. Mae'r ddogfen yn nodi'r dull strategol o ddarparu gostyngiadau ffosfforws yn y dalgylchoedd hyn gan hwyluso twf y CDLl hefyd a dangos bod modd lliniaru yn ymarferol. Mae'r ddogfen yn nodi ystod o fesurau, y cytunwyd arnynt drwy ymgynghori â CNC. Mae 'Strategaeth Lleihau Ffosfforws Afon Tywi ac Afon Teifi' yn ddogfennau byw a fydd yn datblygu yn ystod oes y CDLl, mewn ymgynghoriad â CNC.

11.515 Bydd cynlluniau i gyflawni 'Strategaeth Lleihau Ffosfforws Afon Tywi ac Afon Teifi' yn cael eu cefnogi gan Fyrddau Rheoli Maetholion Afonydd Tywi, Teifi a Chleddau sydd wedi'u sefydlu. Bydd gan y Byrddau hyn ddyletswyddau ehangach gyda'r nod ehangach o ddarparu'r atebion tymor hir ar sail dalgylch, i fynd i'r afael â mater ffosfforws gormodol mewn afonydd, a gynhyrchir o weithgareddau a defnyddiau tir presennol yn y dalgylch ehangach, ac i nodi mesurau y gellid dibynnu arnynt i sicrhau buddion ehangach a gostyngiadau net ar draws y dalgylch. Mae'r mesurau hyn y tu allan i gwmpas y CDLl a chynllunio ond maent yn bwysig ar gyfer dull cadarn o leihau ffosfforws yn Ardal Cadwraeth Arbennig afonol Sir Gaerfyrddin. Bydd Canllawiau Cynllunio Atodol yn cael eu llunio i gefnogi'r dulliau polisi a lliniaru a nodwyd ac i ymhelaethu ymhellach ar rôl cyfraniadau s106 a chyfraniadau datblygwyr.

(1) 11.516 Bydd angen monitro materion sy'n ymwneud ag echdynnu a chyflenwad dŵr yn barhaus, er mwyn sicrhau bod y twf a nodwyd o fewn y CDLl hwn yn gymesur ag argaeledd yr adnodd, yn ychwanegol at yr amddiffyniad a ganiateir trwy'r polisi hwn. Dylid cyfeirio at Strategaeth Trwyddedu Echdynnu Dŵr Bae Caerfyrddin (2014).

11.517 Bydd y Cyngor yn parhau i weithio gyda CNC ac yn ymgynghori â CNC a Dŵr Cymru ar gynigion datblygu fel y bo'n briodol. Bydd y Cyngor hefyd yn ymgynghori ymhellach â CNC ynghylch cynigion datblygu yng nghyffiniau coridorau ac aberoedd afonydd. Dylai darpar ddatblygwyr ofyn am gyngor a chydsyniad CNC pan fo hynny'n briodol. Dylid ymgorffori'r gofyniad am glustogfa briodol sy'n ffinio â'r ddwy lan mewn unrhyw gynigion i ddiogelu ac annog bioamrywiaeth leol. Y gofyniad yw 8 metr lle mae cynigion yn ymwneud â phrif afon, a 7 metr lle mae cynigion yn ymwneud â chwrs dŵr cyffredin. Os yw cynigion yn ymwneud â phrif afon neu gwrs dŵr cyffredin, dylid ymgorffori'r gofyniad am glustogfa briodol sy'n ffinio â'r ddwy lan mewn unrhyw gynigion i ddiogelu ac annog bioamrywiaeth leol. Mewn rhai amgylchiadau, bydd angen caniatâd ar weithgarwch ger cyrsiau dŵr, gan gynnwys Trwyddedau Gweithgareddau Risg Llifogydd (FRAP) gan CNC ar y prif afonydd a/neu Gydsyniadau Atal Llifogydd gan yr LLFA ar gyrsiau dŵr cyffredin.

11.518 Rhaid i gynigion fodloni polisïau a darpariaethau'r Cynllun yn ei gyfanrwydd. Gellir cyfeirio'n benodol fodd bynnag at Bolisi Strategol 13 – Cynnal a Gwella'r Amgylchedd Naturiol, yn fwyaf arbennig mewn perthynas â safleoedd o bwysigrwydd rhyngwladol i gadwraeth natur. Ceir cyfleoedd i gydnabod a chofleidio Seilwaith Gwyrdd a Glas fel rhan o ddull creu lleoedd.

11.519 Dylid cyfeirio at baragraff 11.536 o Bolisi PSD12 mewn perthynas â chynigion sy'n arwain at gynnydd mewn llwytho maetholion i'r amgylchedd ac o bosibl effeithio ar ansawdd dŵr ac aer.

11.520 Mae'r mwyafrif o aneddiadau yn Sir Gaerfyrddin wedi eu lleoli ger afonydd neu'r arfordir. Mae hyn yn adlewyrchu'r patrwm datblygu hanesyddol ac er na all y Cynllun ddylanwadu ar batrymau gofodol y gorffennol, gall helpu i lywio'r penderfyniadau gyda llesiant cenedlaethau'r dyfodol mewn golwg.

11.521 Er bod dealltwriaeth am lifogydd afonol a llanwol a chydnabyddiaeth iddynt wedi bod yn ymhlyg mewn arfer cynllunio ers blynyddoedd lawer, ceir ymwybyddiaeth gynyddol bellach o ffynonellau llifogydd eraill – yn enwedig dŵr wyneb. Gall y ffynonellau eraill hyn effeithio ar aneddiadau nad ydynt yn agos at afon neu'r arfordir.

11.522 Mae'r polisi, a chyfeiriad strategol y Cynllun, yn cydnabod ac yn adlewyrchu'r angen am ddull cynaliadwy o ymdrin â pherygl llifogydd. Gan hynny, mae'r Cynllun hwn yn blaenoriaethu diogelu'r gorlifdir annatblygedig neu ddirwystr rhag datblygu ac yn ceisio atal effeithiau cronnol datblygiad cynyddrannol^[98]. Fodd bynnag, mae hefyd yn ceisio cydnabod bod dynameg perygl llifogydd yn gymhleth ac yn ymestyn y tu hwnt i'r goblygiadau ar y safle o ran lleoli datblygiad unigol.

11.523 Mae'r Cynllun yn rhoi sylw i ddarpariaethau polisi cynllunio cenedlaethol ar berygl llifogydd a defnyddiwyd dull rhagofalus wrth lunio polisïau sy'n nodi dynodiadau defnydd tir a chynigion safle benodol. Mae'r Cynllun hefyd yn ceisio cydnabod natur ddynamig perygl llifogydd ond hefyd eu cyfraniad hanfodol i nodweddion amgylcheddol, bioamrywiaeth, rhwydwaith seilwaith gwyrdd a glas, a gwerth tirwedd cynhenid y Sir.

11.524 Cydnabyddir cyfraniad prosesau sianeli naturiol ac mae'r polisi'n rhoi anogaeth i ailgysylltu gorlifdiroedd. O ganlyniad, dylid cynllunio datblygiadau, yn arbennig seilwaith newydd, mewn ffordd nad yw'n arwain at golled net yng ngallu storio gorlifdiroedd, yn rhwystro llifoedd dŵr nac yn cynyddu perygl llifogydd mewn mannau eraill^[99]. Dylid rhoi sylw i Weithio gyda Photensial Ail-gysylltu Gorlifdiroedd Prosesau Naturiol (WWNP)^[100].

(1) 11.525 Nodir polisi cenedlaethol mewn perthynas â pherygl llifogydd yn Nodyn Cyngor Technegol 15: Datblygu a Pherygl Llifogydd (2004). Nodir yr ardaloedd lle ceir perygl llifogydd afonol a llanwol ar y Mapiau Cyngor Datblygu sy'n cyd-fynd â'r nodyn. Caiff yr ardaloedd hyn eu categoreiddio'n 4 parth, sef Parth A, Parth B, ac yn fwyaf nodedig Parthau C1 ac C2 sy'n fwy tueddol o brofi llifogydd.

11.526 Bydd datblygiadau mewn ardaloedd lle ceir perygl mawr o lifogydd yn cael eu hystyried dim ond lle gellir dangos y gall y safle gydymffurfio â'r gofynion cyfiawnhau ac asesu a nodir yn TAN 15. Lle cynigir datblygiad mewn ardal o berygl llifogydd dynodedig, rhaid cyflwyno datganiad technegol i gyd-fynd ag ef er mwyn bodloni darpariaethau TAN15 a dangos yn glir y bydd y datblygiad newydd yn lliniaru bygythiad a chanlyniadau llifogydd.

11.527 Mae'r polisi hwn yn ceisio rhoi anogaeth i ymgorffori ynni adnewyddadwy a charbon isel ym mhob datblygiad newydd.

11.528 Bydd Asesiad Ynni yn ymchwilio i'r potensial i ymgorffori a defnyddio technoleg carbon isel, neu i ddefnyddio ffynonellau presennol ynni adnewyddadwy neu rwydweithiau gwresogi ardal. Bydd yn ofynnol bod asesiadau'n dangos sut y gall y datblygiad wneud cyfraniad tuag at lefelau uwch o gynhyrchu ynni o ffynonellau adnewyddadwy neu garbon isel.

11.529 Bydd arweiniad pellach yn cael ei ddarparu yn y Canllawiau Cynllunio Atodol Ynni Adnewyddadwy a Charbon Isel.