Deposit LDP

Daeth i ben ar 2 Hydref 2020

12. Monitro a Gweithredu

Gweithredu

12.1 Wrth weithredu'r CDLl diwygiedig, bydd y Cyngor yn parhau i weithio ar y cyd â phartneriaid mewnol ac allanol, sefydliadau a'r sector preifat i weithredu mwyafrif helaeth y cynigion datblygu newydd, gan gynnwys cynlluniau cyflogaeth a thai. Mae'r fframwaith monitro yn nodi'r cyrff a'r asiantaethau sy'n debygol o gyfrannu at gyflawni agweddau penodol ar y cynllun.

12.2 Er mwyn cyflawni datblygiadau newydd, mae bodolaeth seilwaith priodol, gan gynnwys cyflenwad dŵr, carthffosiaeth, draenio tir, nwy, trydan a thelathrebu, yn hanfodol er mwyn sicrhau bod polisïau a chynigion y Cynllun yn cael eu cyflawni. Mewn rhai achosion, lle mae angen seilwaith newydd neu well ar gyfer datblygiadau newydd, gellir darparu hyn drwy waith a drefnwyd gan gwmnïau cyfleustodau. Lle mae angen gwelliannau seilwaith i ddarparu ar gyfer datblygiadau newydd ond nad ydynt wedi'u rhaglennu i ddigwydd o fewn amserlen y datblygiad, bydd angen i'r darpar ddatblygwyr ddarparu neu feddiannu'r seilwaith sydd ei angen i ganiatáu i'r datblygiad fynd yn ei flaen.

12.3 Bydd y Cyngor yn parhau i weithio gyda Dŵr Cymru a Chyfoeth Naturiol Cymru i sicrhau nad yw datblygiadau newydd yn rhoi pwysau sylweddol ar y seilwaith presennol ac nad ydynt yn effeithio'n sylweddol ar ansawdd yr amgylchedd. Bydd y Cyngor yn gweithio mewn partneriaeth â'r asiantaethau hyn a darparwyr gwasanaeth eraill, cwmnïau cyfleustodau a'r sector preifat, er mwyn sicrhau'r ddarpariaeth seilwaith angenrheidiol ar yr adeg orau posibl i symud tuag at gyflawni amcanion y Cynllun. Bydd hyn yn sicrhau mesurau priodol i liniaru'r effeithiau andwyol sylweddol y byddai datblygiadau newydd yn eu cael ar yr amgylchedd naturiol. Lle bo angen, bydd Canllawiau Cynllunio Atodol a Briffiau Datblygu yn darparu gwybodaeth fanylach am ofynion seilwaith a chydweithio i sicrhau bod hyn yn cael ei gyflawni.

12.4 Bydd amgylchiadau economaidd allanol yn dylanwadu'n fawr ar allu'r sector preifat, a'r sector cyhoeddus i ryw raddau, i gyflawni datblygiadau newydd a gwelliannau cysylltiedig i'r seilwaith. Am y rheswm hwn, mae cyflymdra datblygiadau dros gyfnod y cynllun yn debygol o amrywio.

12.5 Bydd y Cyngor hefyd yn gweithio'n agos gydag awdurdodau lleol ar draws y rhanbarth er mwyn sicrhau cysondeb rhwng y CDLl hwn a'u strategaethau ac wrth ddatblygu trefniadau strategol rhanbarthol, ac er mwyn canfod a lleihau effeithiau cyfunol tebygol cynigion y Cynllun hwn.

12.6 Mae'r canlynol yn cymryd y polisïau strategol a nodir yn y CDLl Diwygiedig hwn ac yn nodi'r mecanweithiau ar gyfer eu gweithredu. Mae'n amlinellu'r partneriaid a'r asiantaethau, yn fewnol ac yn allanol, a fydd yn cyfrannu at eu gweithredu, a lle bo'n briodol bydd yn amlinellu'r offer a ddefnyddir, megis Canllawiau Cynllunio Atodol a Briffiau Datblygu, ac ati.

12.7 Caiff y broses o weithredu'r Cynllun hwn ei monitro'n barhaus a lle bo'n briodol caiff mecanweithiau ychwanegol eu hystyried i sicrhau bod y prosesau gorau ar waith a bod y wybodaeth briodol yn cael ei defnyddio i lywio'r broses o'i weithredu.

Monitro

12.8 Mae'r adran hon yn amlinellu fframwaith monitro a fydd yn cael ei ddefnyddio yn ddull o fesur gweithrediad polisïau a chynigion y CDLl Diwygiedig. Mae'r fframwaith yn cynnwys cyfres o ddangosyddion perfformiad craidd a lleol sydd â'r nod o fonitro effeithiau a llwyddiant polisïau'r CDLl.

12.9 Bydd y wybodaeth a gesglir drwy'r fframwaith monitro yn cael ei chyflwyno yn yr Adroddiad Monitro Blynyddol y mae'n ofynnol iddo gwmpasu'r flwyddyn ariannol flaenorol a chael ei gyflwyno i Lywodraeth Cymru erbyn 31 Hydref bob blwyddyn ar ôl mabwysiadu'r CDLl. Yr Adroddiad Monitro Blynyddol yw'r prif ddull o fesur gweithrediad a llwyddiant polisïau'r Cynllun a bydd yn adrodd ar faterion sy'n effeithio ar amcanion y Cynllun. Bydd yr Adroddiad Monitro Blynyddol hefyd yn dadansoddi effeithiolrwydd a pherthnasedd parhaus polisïau'r Cynllun yng ngoleuni polisi cenedlaethol a newidiadau amgylchiadol. Gallai canfyddiadau'r Adroddiad Monitro Blynyddol arwain at newidiadau i bolisïau er mwyn gwella eu heffeithiolrwydd ac, mewn achosion mwy eithafol, gallai arwain at adolygu rhan o'r Cynllun neu'r Cynllun cyfan. Bydd yr adroddiad yn nodi canlyniadau'r fframwaith monitro a bydd y data a gesglir, lle bo angen, yn darparu naratif cyd-destunol mewn perthynas â phob canfyddiad.

12.10 Beth bynnag fo canfyddiadau'r Adroddiad Monitro Blynyddol, bydd yn ofynnol i'r Cyngor gynnal adolygiad o'r Cynllun cyfan bob 4 blynedd. Gallai hyn arwain at lunio Cynllun newydd/diwygiedig neu newid agweddau ar y cynllun.

12.11 Mae'r Rheoliadau CDLl yn rhagnodi dau ddangosydd craidd y mae'n rhaid eu cynnwys yn yr Adroddiad Monitro Blynyddol, sef:

Y cyflenwad tir ar gyfer tai a gymerwyd o'r Astudiaeth Argaeledd Tir ar gyfer Tai bresennol;
Nifer yr anheddau fforddiadwy ac anheddau marchnad gyffredinol ychwanegol net a adeiladwyd yn ardal yr Awdurdod Cynllunio Lleol.

12.12 Caiff y ddau ddangosydd hyn a dangosyddion craidd eraill sy'n ofynnol gan Lywodraeth Cymru eu nodi felly yn y fframwaith monitro. Defnyddir dangosyddion cyd-destunol hefyd yn yr Adroddiad Monitro Blynyddol i werthuso ai'r Cynllun nad yw'n cyflawni'r targedau neu a oes ffactorau allanol (megis yr economi neu newidiadau o ran ffynonellau cyllid ac ati) sydd y tu allan i reolaeth y system gynllunio ac sy'n dylanwadu ar ganlyniadau'r fframwaith.

12.13 Mae'r opsiynau canlynol ar gael i'r Cyngor mewn cysylltiad â phob un o'r dangosyddion a'u sbardunau. Bydd yr Adroddiad Monitro Blynyddol yn asesu difrifoldeb y sefyllfa sy'n gysylltiedig â phob dangosydd ac yn argymell ymateb priodol.

Tabl 12: Monitro Canlyniadau

Parhau i Fonitro (Gwyrdd)

Lle mae'r dangosyddion yn awgrymu bod polisïau'r CDLl yn cael eu gweithredu'n effeithiol ac nad oes rheswm dros eu hadolygu.

Angen Hyfforddiant ar Swyddogion / Aelodau (Glas)

Lle mae'r dangosyddion sy'n gysylltiedig â cheisiadau cynllunio yn awgrymu nad yw polisïau'n cael eu gweithredu fel y'u bwriadwyd ac mae angen rhagor o hyfforddiant ar swyddogion neu Aelodau.

Canllawiau Cynllunio Atodol (CCA) / Briffiau Datblygu sydd eu hangen (Porffor)

Er y bydd y Cyngor yn paratoi CCA a Briffiau Datblygu drwy gydol cyfnod y Cynllun, gall dangosyddion awgrymu y dylid rhoi canllawiau pellach i ddatblygwyr ar sut y dylid dehongli polisi yn gywir. Yn ogystal, os na fydd safleoedd yn cael eu cyflwyno fel y rhagwelwyd, bydd y Cyngor yn ymgysylltu â datblygwyr/tirfeddianwyr i gyflwyno Briffiau Datblygu ar safleoedd allweddol er mwyn helpu i gychwyn y broses ddatblygu.

Ymchwil Polisi / Ymchwiliad (Melyn)

Lle mae'r dangosyddion monitro yn awgrymu nad yw polisïau'r CDLl mor effeithiol â'r bwriad, gwneir rhagor o ymchwil, gan gynnwys y defnydd o ddangosyddion cyd-destunol (fel yr amlinellir uchod) a chymariaethau ag awdurdodau lleol eraill ac ystadegau cenedlaethol lle bo'n briodol, yn sail i unrhyw benderfyniad i adolygu'r polisi'n ffurfiol.

Adolygu Polisi (Oren)

Lle mae'r dangosyddion monitro yn awgrymu y byddai newidiadau i'r CDLl yn fuddiol, bydd y Cyngor yn ystyried addasu'r Cynllun fel y bo'n briodol. Gall hyn arwain at adolygu polisïau'r Cynllun.

Adolygu'r Cynllun (Coch)

Lle mae'r dangosyddion monitro yn awgrymu nad yw'r Cynllun a'i strategaeth yn cael eu gweithredu. Gall ymchwiliad i'r rhesymau dros beidio â'u gweithredu arwain at adolygiad ffurfiol o'r Cynllun.

Amcanion y CDLl a'r Arfarniad Cynaliadwy-edd	Polisi	Cyfeirnod y Dangosydd:	Dangosydd Monitro	Targed	Sbardun	Gweithredu	Ffynhonnell
Polisi Strategol - SP1: Twf Strategol
SO3, SO10 SA1, SA10, SA15	SP1 SP3 HOM1 HOM2 HOM3	MI. 1	Dangosydd sy'n ofynnol gan y Ddeddfwriaeth: Nifer yr anheddau marchnad agored a chartrefi fforddiadwy ychwanegol net a adeiladwyd yn ardal y Cynllun.	Darparu cyfanswm o 8,835 o anheddau yn ystod cyfnod y Cynllun - yn seiliedig ar gyfradd gwblhau flynyddol o 589 o unedau a 100 o unedau fforddiadwy y flwyddyn.	Cyflawni islaw cyfradd adeiladu flynyddol / targed y Cynllun am o leiaf ddwy flynedd yn olynol.	Awdurdod Cynllunio Lleol Datblygwyr Darparwyr Seilwaith Awdurdod Tai Lleol	Cyd-astudiaeth Argaeledd Tir ar gyfer Tai
SO3, SO12 SA10, SA14	SP1	MI. 2	Dangosydd Lleol: Creu swyddi. Monitro er gwybodaeth.	Dim targed.	Dim sbardun.	Cyngor Sir Caerfyrddin Datblygwyr/Cyflogwyr	Cyngor Sir Caerfyrddin
SO1, SO2, SO3, SO13 SA1, SA2, SA12, SA14	SP1 SG3	MI. 3	Dangosydd Lleol: Llunio CCA ar Benrhyn Pen-bre.	Mabwysiadu'r CCA erbyn Rhagfyr 2022.	Methu â symud ymlaen yn unol â'r amserlen a nodwyd.	Cyngor Sir Caerfyrddin
Polisi Strategol – SP 2: Manwerthu a Chanol Trefi
SO4 SA1, SA6, SA14	SP2	MI. 4	Unedau Manwerthu Gwag mewn eiddo masnachol	Cyfraddau unedau gwag mewn eiddo masnachol o fewn ffin ddiffiniedig canol tref.	Lefelau unedau gwag yn cynyddu	Busnesau Cyngor Sir Caerfyrddin	Archwilio Manwerthu a Chanol Trefi
Polisi Strategol – SP 3: Dull Cynaliadwy o Ddarparu Cartrefi Newydd
SO10 SA1, SA10, SA15	SP1 SP3	MI. 5	Dangosydd sy'n ofynnol gan y Ddeddfwriaeth: Y cyflenwad tir ar gyfer tai a gymerwyd o'r Gyd-astudiaeth Argaeledd Tir ar gyfer Tai bresennol ac a fesurir yn ôl y cyflenwad mewn blynyddoedd.	Cyflenwad Tir ar gyfer Tai o 5 mlynedd neu fwy.	Mae'r Cyflenwad Tir ar gyfer Tai yn disgyn islaw 5 mlynedd fel y pennwyd drwy'r Gyd-astudiaeth Argaeledd Tir ar gyfer Tai flynyddol.	Awdurdod Cynllunio Lleol	Cyd-astudiaeth Argaeledd Tir ar gyfer Tai*
SO10 SA10, SA15	SP1 SP3 HOM1	MI. 6	Dangosydd Allweddol: Lefel y tai a gwblhawyd (preifat a fforddiadwy) wedi'i monitro yn erbyn y gofyniad tai.	Lefelau cwblhau blynyddol yn ôl y dosbarthiad tai.	Lefelau cwblhau blynyddol yn disgyn islaw'r lefelau a nodir yn y dosbarthiad tai am o leiaf ddwy flynedd yn olynol.	Awdurdod Cynllunio Lleol Awdurdod Tai Lleol Datblygwyr	Cyd-astudiaeth Argaeledd Tir ar gyfer Tai*
SO6, SO10 SA10, SA15	SP3 HOM1	MI. 7	Dangosydd Lleol: Nifer yr anheddau a gyflawnwyd ar Ddyraniadau Tai.	Darparu 6,986 o anheddau ar safleoedd a ddyrannwyd.	Cyfanswm nifer yr unedau tai newydd a adeiladwyd ar safleoedd a ddyrannwyd sy'n disgyn islaw'r gofyniad blynyddol am 2 flynedd yn olynol.	Awdurdod Cynllunio Lleol Awdurdod Tai Lleol Datblygwyr	Cyd-astudiaeth Argaeledd Tir ar gyfer Tai*
SO6, SO10 SA10, SA15	SP3 HOM2	MI. 8	Dangosydd Lleol: Safleoedd bach (llai na 5 uned) Lwfans – Nifer yr anheddau a gyflawnwyd yn haenau 1 - 3.	Monitro er gwybodaeth	20% +/-88.5 o anheddau a ganiateir bob blwyddyn ar safleoedd bach yn haenau 1-3.	Awdurdod Cynllunio Lleol Awdurdod Tai Lleol Datblygwyr	Cyd-astudiaeth Argaeledd Tir ar gyfer Tai*
SO10 SA10, SA15	SP3	MI. 9	Dangosydd Lleol: Lwfans Hap-safle – nifer yr anheddau a gyflawnwyd ar hap-safleoedd (heb gynnwys y lwfans safleoedd bach).	Monitro er gwybodaeth	20% +/-89.5 o anheddau a ganiateir bob blwyddyn ar hap-safleoedd (+5).	Awdurdod Cynllunio Lleol Awdurdod Tai Lleol Datblygwyr	Cyd-astudiaeth Argaeledd Tir ar gyfer Tai*
SO10 SA1, SA10, SA11, SA15	SP3 HOM3	MI. 10	Dangosydd Lleol: Cynnydd net yn nifer y cartrefi newydd mewn Pentrefi Gwledig (haen 4).	Ni ddylai nifer y cartrefi marchnad agored ym mhob Pentref Gwledig fod yn fwy na'r cap o 20% uwchlaw nifer y cartrefi sy'n bodoli eisoes yn yr anheddiad, fel yr oedd ar ddyddiad sylfaen y CDLl.	Mae'r cynnydd net mewn cartrefi marchnad agored mewn Pentref Gwledig yn fwy na'r cap o 20% uwchlaw nifer y cartrefi sy'n bodoli eisoes yn yr anheddiad, fel yr oedd ar ddyddiad sylfaen y CDLl.	Awdurdod Cynllunio Lleol	Cyd-astudiaeth Argaeledd Tir ar gyfer Tai* Cofrestr Ceisiadau Cynllunio Cyngor Sir Caerfyrddin
SO10 SA1, SA10, SA11, SA15	SP3 HOM3	MI. 11	Dangosydd Lleol: Llunio CCA ar Gartrefi mewn Pentrefi Gwledig	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin
Polisi Strategol – SP 4: Strategaeth Tai Fforddiadwy
SO10 SA6, SA10, SA12, SA15	SP4 HOM4 AHOM1 AHOM2	MI. 12	Dangosydd Allweddol: Lefel y cartrefi fforddiadwy a gwblhawyd.	Darparu cyfanswm o 1,500 o dai fforddiadwy erbyn 2033.	Mae'r ddarpariaeth yn disgyn islaw cyfradd adeiladu flynyddol / targed y Cynllun am o leiaf ddwy flynedd yn olynol	Awdurdod Cynllunio Lleol Awdurdod Tai Lleol Datblygwyr Darparwyr Seilwaith	Cyd-astudiaeth Argaeledd Tir ar gyfer Tai*
SO10 SA6, SA10, SA12, SA15	SP4 HOM4 AHOM1 AHOM2	MI. 13	Dangosydd Allweddol: Deiliadaeth y tai fforddiadwy a gwblhawyd.	Rhaniad deiliadaeth (rhentu cymdeithasol a chanolradd) yn unol â'r angen a nodwyd yn yr Asesiad o'r Farchnad Dai Leol.	Heb gyflawni'r rhaniad deiliadaeth a nodwyd dros 2 flynedd yn olynol o leiaf.	Awdurdod Cynllunio Lleol Awdurdod Tai Lleol Datblygwyr	Cyngor Sir Caerfyrddin Cyd-astudiaeth Argaeledd Tir ar gyfer Tai*
SO10 SA6, SA10, SA12, SA15	SP4 AHOM1 AHOM2	MI. 14	Dangosydd Allweddol: Tueddiadau yn y ffactorau allweddol sy'n dylanwadu ar amodau a hyfywedd y farchnad, megis prisiau tai, gwerth tir, costau adeiladu.	Hyfywedd sy'n adlewyrchu'r amgylchiadau economaidd cyffredin.	Os bydd prisiau tai cyfartalog yn cynyddu neu'n gostwng 5% uwchlaw'r lefelau sylfaen a gafwyd dros 1 flwyddyn.	Cyngor Sir Caerfyrddin	Priswyr y Cyngor
SO10 SA6, SA10, SA12, SA15	SP4 AHOM1 AHOM2	MI. 15	Dangosydd Lleol: Llunio CCA ar Dai Fforddiadwy.	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin,
Polisi Strategol – SP 5: Safleoedd Strategol
SO3, SO12 SA12, SA13, SA14	SP3 SP5 SP6	MI. 16	Dangosydd Allweddol: Pentref Gwyddor Bywyd a Llesiant – darparu elfen dai y safle. Cyflawni elfen ddibreswyl y safle.	Lefelau cwblhau blynyddol yn ôl y dosbarthiad tai. Rhoi caniatâd ar gyfer y safle nad yw'n rhan o'r maes tai yn ystod cyfnod y Cynllun.	Lefelau cwblhau blynyddol yn disgyn islaw'r lefelau a nodir yn y taflwybr tai. Ni chafwyd caniatâd ar gyfer yr elfen ddibreswyl cyn yr adolygiad cyntaf o'r Cynllun.	Cyngor Sir Caerfyrddin Y Fargen Ddinesig Datblygwyr	Cyd-astudiaeth Argaeledd Tir ar gyfer Tai* Cyngor Sir Caerfyrddin
SO3, SO12 SA11, SA12, SA13, SA14	SP5 SP6	MI. 17	Dangosydd Allweddol: Cyflawni datblygiad yr Egin.	Rhoi caniatâd ar gyfer y safle yn ystod cyfnod y Cynllun.	Ni chafwyd caniatâd cyn yr adolygiad cyntaf o'r Cynllun.	Cyngor Sir Caerfyrddin Y Fargen Ddinesig Datblygwyr	Cyngor Sir Caerfyrddin
Polisi Strategol – SP 6: Gwaith a'r Economi
SO3, SO12 SA10, SA14	SP1 SP5 SP6 SG1	MI. 18	Dangosydd Allweddol: Y nifer sy'n manteisio ar ddyraniadau cyflogaeth.	Tir cyflogaeth a ganiateir (Ha) ar safleoedd cyflogaeth dyranedig.	Dim caniatâd ar ddyraniadau tir cyflogaeth am o leiaf ddwy flynedd yn olynol	Cyngor Sir Caerfyrddin Datblygwyr	Cyngor Sir Caerfyrddin
SO3, SO12 SA10, SA14	EME1	MI. 19	Dangosydd Lleol: Tir cyflogaeth a gollir i ddefnyddiau tir eraill (yn cynnwys safleoedd cyflogaeth arfaethedig a/neu safleoedd presennol a nodwyd)	Dim colled i ddefnyddiau eraill oni bai y gellir cyfiawnhau hynny drwy bolisi'r CDLl.	Rhoddir caniatâd ar gyfer defnydd heblaw am gyflogaeth nad yw'n unol â pholisi'r CDLl.	Cyngor Sir Caerfyrddin	Cyngor Sir Caerfyrddin
SO3, SO12 SA14	EME4	MI. 20	Dangosydd Lleol: Caniatâd cynllunio ar gyfer defnydd cyflogaeth y tu allan i safleoedd cyflogaeth arfaethedig neu safleoedd presennol a nodwyd, lle mae'n groes i ddarpariaethau Polisi EME4.	Sicrhau bod defnydd cyflogaeth y tu allan i safleoedd cyflogaeth arfaethedig a/neu safleoedd presennol a nodwyd yn unol â Pholisi EME4.	Caniatâd cynllunio ar gyfer defnydd cyflogaeth ar dir y tu allan i safleoedd cyflogaeth arfaethedig a/neu safleoedd presennol a nodwyd lle mae'n groes i Bolisi EME4.	Cyngor Sir Caerfyrddin	Cyngor Sir Caerfyrddin
Polisi Strategol – SP 7: Y Gymraeg a'i Diwylliant
SO11 SA1, SA11	SP7 WL1	MI. 21	Dangosydd Lleol: Llunio CCA ar y Gymraeg a datblygiadau newydd.	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO11 SA11	SP7 WL1	MI. 22	Dangosydd Lleol: Ceisiadau cynllunio sy'n cael eu cefnogi gan Gynlluniau Gweithredu Iaith Gymraeg neu Asesiadau o'r Effaith ar yr Iaith Gymraeg	Ceisiadau cynllunio sy'n cael eu cefnogi gan ddogfennau perthnasol yn unol â Pholisi WL1.	Ceisiadau cynllunio nad ydynt yn cael eu cefnogi gan ddogfennau perthnasol yn unol â Pholisi WL1.	Cyngor Sir Caerfyrddin	Cofrestr Ceisiadau Cynllunio Cyngor Sir Caerfyrddin
SO11 SA11	SP7 WL1	MI. 23	Dangosydd Lleol: % y siaradwyr Cymraeg yn y Sir	Cynyddu'r gyfran o siaradwyr Cymraeg yn y Sir.	Dim sbardun. Monitro ar gyfer gwybodaeth gyd-destunol.	Cyngor Sir Caerfyrddin	Cyfrifiad Swyddfa Ystadegau Gwladol Data Llywodraeth Cymru
Polisi Strategol – SP 8: Seilwaith
SO1, SO14 SA1, SA2, SA5	SP8 INF4	MI. 24	Dangosydd Lleol: Llunio CCA ar Gilfach Tywyn.	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO14	SP7 INF1	MI. 25	Dangosydd Lleol: Llunio CCA ar rwymedigaethau cynllunio.	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO2, SO14 SA1, SA12	SP7 INF2	MI. 26	Dangosydd Lleol: Llunio CCA ar Asesiadau o'r Effaith ar Iechyd.	Mabwysiadu CCA erbyn haf 2022.	Methu â symud ymlaen yn unol â'r amserlen a nodwyd.	Cyngor Sir Caerfyrddin
Polisi Strategol – SP 9: Darpariaeth Sipsiwn a Theithwyr
SO10 SA10, SA15	SP9 GTP1	MI. 27	Dangosydd Allweddol: Safleoedd/lleiniau Sipsiwn a Theithwyr a adeiladwyd ar safleoedd a ddyrannwyd.	Darparu'r lleiniau gofynnol a nodwyd yn yr Asesiad o Anghenion Llety Sipsiwn a Theithwyr i'w bodloni yn unol â'r angen a nodwyd.	Ni sicrhawyd caniatâd cynllunio ar safle a ddyrannwyd.	Awdurdod Tai Lleol	Cyngor Sir Caerfyrddin
SO10 SA10, SA15	SP9 GTP1	MI. 28	Dangosydd Lleol: Safleoedd/lleiniau Sipsiwn a Theithwyr a adeiladwyd ar safleoedd nas dyrannwyd	Dim targed	Rhoi unrhyw ganiatâd cynllunio a/neu safle i deithwyr.	Ddim yn berthnasol	Cyngor Sir Caerfyrddin
SO10 SA10, SA15	SP9 GTP1	MI. 29	Dangosydd Lleol: Yr angen am safleoedd tramwy Sipsiwn a Theithwyr	Ni chofnodwyd unrhyw safle Sipsiwn a Theithwyr anawdurdodedig mewn un anheddiad am 3 blynedd yn olynol	Cofnodwyd un safle Sipsiwn a Theithwyr anawdurdodedig mewn un anheddiad am 3 blynedd yn olynol	Cyngor Sir Caerfyrddin	Cyngor Sir Caerfyrddin
Polisi Strategol – SP 10: Yr Economi Ymwelwyr
SO13 SA1, SA14	SP10 VE1 VE2 VE3 VE4	MI. 30	Dangosydd Lleol: Cyfanswm effaith economaidd twristiaeth yn Sir Gaerfyrddin	Dim targed	Dim sbardun. Monitro ar gyfer gwybodaeth gyd-destunol	Cyngor Sir Caerfyrddin, Sefydliadau partner a'r diwydiant twristiaeth	Paratowyd adroddiad STEAM gan GTS UK (Adroddiad Blynyddol Marchnata a'r Cyfryngau Cyngor Sir Caerfyrddin)
Polisi Strategol – SP 11: Llunio Lleoedd a Lleoedd Cynaliadwy
SO9 SA1, SA8, SA9, SA12, SA15	SP11	MI. 31	Dangosydd Lleol: Llunio CCA ar Lunio Lleoedd a Lleoedd Cynaliadwy	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd	Cyngor Sir Caerfyrddin,
SO9, SO11 SA1, SA11	SP11 PSD9	MI. 32	Dangosydd Lleol: Llunio CCA ar hysbysebion (canllawiau ar ofynion dwyieithog)	Mabwysiadu CCA erbyn haf 2022	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO2, SO9 SA1, SA12, SA15	SP11 PSD8	MI. 33	Dangosydd Lleol: Llunio CCA ar ddarparu mannau agored newydd.	Mabwysiadu CCA ar yr un pryd â'r cynllun.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO1, SO2, SO7, SO9 SA1, SA2, SA3, SA4, SA5, SA6, SA8, SA9, SA12, SA15	SP11 PSD3 PSD4	MI. 34	Dangosydd Lleol: Darpariaeth Seilwaith Gwyrdd yn y sir.	Dim targed	Dim sbardun. Monitro er gwybodaeth.	Cyngor Sir Caerfyrddin
SO2, SO4 SA1, SA9, SA12, SA15	SP11 PSD7	MI. 35	Dangosydd Lleol: Maint y mannau agored a nodwyd ac a gollwyd oherwydd datblygiadau.	Ni ddylid colli unrhyw fannau agored a nodwyd oherwydd datblygiadau ac eithrio lle mae hynny'n unol â Pholisi PSD7	Mae mannau agored a nodwyd yn cael eu colli yn groes i ddarpariaethau Polisi PSD7.	Cyngor Sir Caerfyrddin
Polisi Strategol – SP 12: Datblygu Gwledig
SO5 SA1, SA8	SP12 RD4	MI. 36	Dangosydd Lleol: Llunio CCA ar addasu ac ailddefnyddio adeiladau gwledig at ddefnydd preswyl	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd	Cyngor Sir Caerfyrddin
Polisi Strategol – SP 13: Cynnal a Gwella'r Amgylchedd Naturiol
SO1, SO9 SA1, SA2	SP13 NE4	MI. 37	Dangosydd Lleol: Parhau i weithio tuag at sicrhau o leiaf 100 ha o gynefin addas ar gyfer Britheg y Gors ym mhrosiect CCA Caeau'r Mynydd Mawr.	Cynnydd ym mhob cyfnod Adroddiad Monitro Blynyddol ym maes cynefin a reolir mewn cyflwr addas	Dirywiad ym maes cynefin a reolir mewn cyflwr addas am 4 cyfnod Adroddiad Monitro Blynyddol yn olynol.	Cyngor Sir Caerfyrddin, Grŵp Llywio Prosiect Caeau'r Mynydd Mawr.	Cyngor Sir Caerfyrddin - System Rheoli Gwella Perfformiad (PIMS).
SO1, SO9 SA1, SA2	SP13 NE4	MI. 38	Dangosydd Lleol: Llunio CCA ar Gaeau'r Mynydd Mawr.	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO1, SO9 SA1, SA2, SA9	SP13 PSD4	MI. 39	Dangosydd Lleol: Llunio CCA ar goed a phlannu fel rhan o ddatblygiadau newydd.	Mabwysiadu'r CCA erbyn Rhagfyr 2022.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO1, SO9 SA1, SA2	SP13 NE1	MI. 40	Dangosydd Lleol: Llunio CCA ar Safleoedd o Bwys ar gyfer Cadwraeth Natur (SINC).	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO1, SO9 SA1, SA2	SP13 NE2	MI. 41	Dangosydd Lleol: Llunio CCA ar Gadwraeth Natur a Bioamrywiaeth.	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO1, SO9 SA1, SA2	SP13 BHE2	MI. 42	Dangosydd Lleol: Llunio CCA ar Gymeriad y Dirwedd.	Mabwysiadu'r CCA erbyn Rhagfyr 2022.	Methu â symud ymlaen yn unol â'r amserlen a nodwyd.	Cyngor Sir Caerfyrddin
Polisi Strategol – SP 14: Diogelu a Gwella'r Amgylchedd Adeiledig a Hanesyddol
SO5 SA1, SA8	SP14	MI. 43	Dangosydd Lleol: Llunio CCA ar Archaeoleg.	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO5 SA1, SA8	SP14	MI. 44	Dangosydd Lleol: Llunio CCA ar yr Amgylchedd Adeiledig a Hanesyddol.	Mabwysiadu CCA ar yr un pryd â'r cynllun	Methu â symud ymlaen yn unol â'r amserlen a nodwyd.	Cyngor Sir Caerfyrddin
Polisi Strategol – SP 15: Newid yn yr Hinsawdd
SO7 SA1, SA4	SP15 CCH1	MI. 45	Dangosydd Lleol: Llunio CCA ar Ynni Adnewyddadwy.	Mabwysiadu'r CCA erbyn Rhagfyr 2022.	Methu â symud ymlaen yn unol â'r amserlen a nodwyd.	Cyngor Sir Caerfyrddin
SO7 SA1, SA4	SP15 CCH1	MI. 46	Dangosydd Lleol: Cynyddu faint o ynni a gwres a gynhyrchir yn y Sir o ffynonellau adnewyddadwy.	Cynnydd blynyddol yn y capasiti a ganiateir o ran ynni a gwres adnewyddadwy a ganiateir.	Ni chaniateir unrhyw geisiadau cynllunio ar gyfer ynni adnewyddadwy mewn un flwyddyn.	Cyngor Sir Caerfyrddin	Cyngor Sir Caerfyrddin
Polisi Strategol – SP 16: Dosbarthu Cynaliadwy – Fframwaith Aneddiadau
SO6, SO10 SA1, SA10	SP3 SP16	MI. 47	Dangosydd Allweddol: Cyfran y tai a ganiateir ar ddyraniadau fesul haen o'r hierarchaeth aneddiadau	Mae dosbarthiad anheddau yn unol â'r cyfrannau a bennir yn y targed	Gwyriad o +/-10% o ddosbarthiad disgwyliedig dyraniadau o fewn yr haenau am o leiaf ddwy flynedd yn olynol	Awdurdod Cynllunio Lleol Awdurdod Tai Lleol Datblygwyr	Cyd-astudiaeth Argaeledd Tir ar gyfer Tai
Polisi Strategol – SP 17: Trafnidiaeth a Hygyrchedd
SO8 SA6	TRA1	MI. 48	Dangosydd Lleol: Cynnydd tuag at weithredu'r cynllun ffordd a nodwyd	Gweithredu yn unol â'r amserlenni darparu	Ni ddarperir y cynllun ffordd a nodwyd yn unol â'r amserlenni darparu	Awdurdod Priffyrdd lleol
SO7, SO8 SA4, SA6, SA12, SA15	SP17 TRA2	MI. 49	Dangosydd Lleol: Faint o seilwaith cerdded a beicio a weithredwyd fel rhan o ganiatadau cynllunio	Cynnydd yn nifer y cynlluniau a weithredir	Dim sbardun. Monitro ar gyfer gwybodaeth gyd-destunol	Awdurdod Priffyrdd Lleol Awdurdod Cynllunio Lleol
SO8 SA6	TRA1	MI. 50	Dangosydd Lleol: Gweithredu cynlluniau ffyrdd Llywodraeth Cymru - gan gynnwys ffordd osgoi Llandeilo Monitro er gwybodaeth	Dim targed	Dim sbardun. Monitro ar gyfer gwybodaeth gyd-destunol	Llywodraeth Cymru
Polisi Strategol – SP 18: Adnoddau Mwynol
SO7 SA6	SP18 MR1	MI. 51	Dangosydd Lleol: Maint y banc tir craig galed	Cynnal banc tir agregau o 10 mlynedd o leiaf ar gyfer craig galed	Llai na 10 mlynedd o fanc tir craig galed.	Gweithredwyr Polisi Cynllunio a chanllawiau Polisïau'r CDLl Y broses o reoli datblygu a gwneud penderfyniadau.
SO7 SA6	SP18 MR1	MI. 52	Dangosydd Lleol: Maint y banc tir tywod a graean	Cynnal banc tir o 7 mlynedd o leiaf ar gyfer tywod a graean.	Llai na 7 mlynedd o fanc tir tywod a graean.	Gweithredwyr Polisi Cynllunio a chanllawiau Polisïau'r CDLl Y broses o reoli datblygu a gwneud penderfyniadau.
SO7 SA6	MR2	MI. 53	Dangosydd Lleol: Datblygiadau sterileiddio a ganiateir o fewn clustogfeydd mwynau.	Dim datblygiadau sterileiddio parhaol o fewn clustogfeydd mwynau.	Caniateir 5 datblygiad sterileiddio parhaol o fewn clustogfeydd mwynau yn groes i'r Polisi dros 3 blynedd yn olynol.	Polisi Cynllunio a chanllawiau Polisïau'r CDLl Y broses o reoli datblygu a gwneud penderfyniadau.
SO7 SA6	MR3	MI. 54	Dangosydd Lleol: Datblygiadau sterileiddio a ganiateir o fewn ardaloedd diogelu mwynau	Ni chaniateir datblygiadau sterileiddio parhaol o fewn ardaloedd diogelu mwynau.	Caniateir 5 datblygiad sterileiddio parhaol o fewn ardal diogelu mwynau dros 3 blynedd yn olynol.	Polisi Cynllunio a chanllawiau Polisïau'r CDLl Y broses o reoli datblygu a gwneud penderfyniadau.
Polisi Strategol – SP 19: Rheoli Gwastraff
SO7 SA6	SP19	MI. 55	Dangosydd Lleol: Monitro caniatâd cynllunio ar gyfer cyfleusterau rheoli gwastraff	Cynnal digon o gapasiti i ddiwallu anghenion lleol	Gwybodaeth a nodir yn Adroddiad Monitro Cynllunio Gwastraff De-orllewin Cymru	Polisi Cynllunio a chanllawiau Polisïau'r CDLl Y broses o reoli datblygu a gwneud penderfyniadau.
* Yn amodol ar ganlyniad yr ymgynghoriad ynghylch Darparu Tai drwy'r System Gynllunio

Am gyfarwyddiadau ar sut I ddefnyddio’r system ac I wneud sylwadau, gwelwch ein canllaw cymorth.

Yn ôl i’r brig