Deposit LDP

5. Nodi Materion

5.1 Mae angen i'r CDLl Diwygiedig fod yn strategol, yn gryno ac yn unigryw ar gyfer ein sir. Mae canolbwyntio ar y materion allweddol sy'n wynebu ein sir wedi'n helpu i gyflawni hyn.^[16] Wrth baratoi'r CDLl Diwygiedig, rydym wedi ceisio adolygu a diweddaru ein dealltwriaeth o'r materion perthnasol.

5.2 Cesglir y materion allweddol ynghyd o dan y nodau llesiant cenedlaethol. Golygai hyn fod y materion wedi'u fframio o fewn cyd-destun Deddf Llesiant Cenedlaethau'r Dyfodol (Cymru) 2015.^[17] Mae hyn yn sicrhau bod buddiannau cymdeithasol, economaidd ac amgylcheddol yn cael eu gwreiddio yn y broses o wneud Cynlluniau.

5.3 Mae adroddiad cwmpasu'r Arfarniad Cynaliadwyedd, yn ogystal â'r gwaith a wnaed gan y Bwrdd Gwasanaethau Cyhoeddus fel rhan o broses "Y Sir Gâr a Garem",^[18] wedi llywio'r materion. Mae Cynllun Llesiant Sir Gaerfyrddin 2018–2033^[19] hefyd wedi bod yn agwedd allweddol ar y gwaith hwn.

5.4 Rydym wedi ymgysylltu ac ymchwilio'n helaeth fel rhan o'r sgwrs ynghylch creu materion. Mae hyn yn cynnwys aelodau etholedig, cynghorau tref a chymuned, y Fforwm Rhanddeiliaid Allweddol, adolygiad o bolisi, adroddiad adolygu'r CDLl, amcanion/strategaethau corfforaethol, arolygon ar-lein a phroses yr Arfarniad Cynaliadwyedd.^[20]

5.5 Rydym yn deall lle'r ydym ar hyn o bryd fel sir a lle'r ydym i gyd am gyrraedd. Mae hyn wedi golygu bod modd cydsynio ynghylch y materion hynny y gall cynllun gofodol / defnydd tir geisio'u hateb hyd at 2033.

5.6 Mae'r 33 mater cryno fel a ganlyn. Nodir rhagor o fanylion yn y Papur Pwnc – Materion, Gweledigaeth ac Amcanion:^[21]

Sir Gaerfyrddin Ffyniannus

1. Bargen Ddinesig Bae Abertawe sydd werth £1.3 biliwn, gyda phrosiectau wedi'u nodi yn Llanelli a Chaerfyrddin.
2. Amrywiol raddau o fywiogrwydd yn ein canolfannau trefi manwerthu
3. Mae angen twf priodol mewn ardaloedd gwledig (gan gynnwys cyfleoedd am waith)
4. Economi ymwelwyr fywiog sydd â'r potensial i dyfu.

Sir Gaerfyrddin gydnerth

5. Peryglon llifogydd a'r heriau a gyfyd yn sgil newydd yn yr hinsawdd
6. Dynodiadau bioamrywiaeth yn amrywio o lefel ryngwladol i lefel leol.
7. Ôl troed ecolegol sydd ar hyn o bryd yn fwy na'r lefelau cynaliadwy.
8. Nodweddion tirwedd neu drefwedd cyfoethog.

Sir Gaerfyrddin Iachach

9. Poblogaeth sy'n heneiddio a'r boblogaeth iau yn allfudo.
10. Adroddwyd bod 60% o oedolion dros bwysau neu'n ordew.
11. Mae bywyd cymunedol, addysg a'r gwasanaethau cyhoeddus yn dynodi llesiant mewn ardaloedd gwledig.
12. Mae harddwch, tawelwch, mannau gwyrdd agored ac awyr iach hefyd yn cyfrannu at hapusrwydd mewn ardaloedd gwledig.
13. Ardaloedd Rheoli Ansawdd Aer yng Nghaerfyrddin, Llanelli a Llandeilo.
14. "Ein Newid Mawr yn y GIG" ac unrhyw oblygiadau.

Sir Gaerfyrddin fwy cyfartal

15. Amddifadedd gwledig a threfol.
16. Mae mwy nag 1 ym mhob 3 o aelwydydd yn byw mewn tlodi.
17. Targed y Cyngor o ddarparu 1,000 o dai fforddiadwy.

Sir Gaerfyrddin o gymunedau cydlynus

18. Prinder tai newydd yn cael eu hadeiladu mewn rhai Canolfannau Gwasanaeth a Chanolfannau Gwasanaethau Lleol.
19. Prinder cyflenwad pum mlynedd o dir ar gyfer tai a'r angen am gymysgedd o dai.
20. Mae newidiadau yn yr amcanestyniadau poblogaeth ac aelwydydd yn dynodi y bydd nifer y tai y bydd eu hangen hyd at 2033 gryn dipyn yn llai.
21. Safleoedd tai nad ydynt yn cael eu datblygu a'u gwireddu.
22. Sir o natur wledig yn bennaf lle mae 60% o'r boblogaeth yn byw mewn ardaloedd gwledig.
23. Sicrhau bod y seilwaith yn gallu cynnal datblygiadau, gan gynnwys priffyrdd.
24. Yr angen i hyrwyddo a defnyddio mathau eraill o drafnidiaeth.
25. Diffyg cyfleoedd gwaith, band eang a gwasanaethau cyhoeddus mewn ardaloedd gwledig.
26. Angen gwerthfawrogi'r ymdeimlad o le - sir o gyferbyniadau.

Sir Gaerfyrddin â diwylliant bywiog lle mae'r Gymraeg yn ffynnu

27. Adeiladau segur ledled y Sir.
28. Angen mesur effaith datblygu ar y Gymraeg.
29. Angen tai fforddiadwy yn ein cymunedau er mwyn cadw teuluoedd ifanc.
30. Safleoedd archaeolegol pwysig a nodweddion hanesyddol.
31. Y nifer uchaf o siaradwyr Cymraeg yng Nghymru.

Sir Gaerfyrddin sy'n gyfrifol ar lefel fyd-eang

32. Ystyriaethau cenedlaethol a rhanbarthol datblygol, gan gynnwys Brexit, y Fframwaith Datblygu Cenedlaethol a Chynlluniau Datblygu Strategol. Cyhoeddwyd Polisi Cynllunio Cymru (Rhifyn 10) ym mis Rhagfyr 2018.
33. Angen hyrwyddo effeithlonrwydd ynni mewn datblygiadau arfaethedig a'r rhai sy'n bodoli eisoes.

---