Deposit LDP

Daeth i ben ar 2 Hydref 2020

7. Yr Amcanion Strategol

7.1 Cafodd amcanion strategol y CDLl Mabwysiedig presennol eu defnyddio fel man cychwyn i nodi'r amcanion strategol ar gyfer y CDLl Diwygiedig.

7.2 Roedd ymddangosiad amrediad o ysgogwyr cyd-destunol a pholisi ers 2014, yn fwyaf nodedig Deddf Llesiant Cenedlaethau'r Dyfodol 2015 a llofnodi Bargen Ddinesig Bae Abertawe yn 2017, yn golygu bod angen adolygu amcanion strategol y CDLl Mabwysiedig. Roedd hefyd angen sicrhau bod amcanion strategol y CDLl Diwygiedig yn cydblethu â materion allweddol a gweledigaeth y CDLl Diwygiedig.

7.3 Mae amcanion llesiant Cynllun Llesiant Sir Gaerfyrddin wedi cael eu defnyddio i grwpio Amcanion Strategol y CDLl Diwygiedig. Mae hyn yn sicrhau bod dehongliad lleol o lesiant yn cael ei blethu yn yr amcanion llesiant a strategaeth y Cynllun o'r dechrau.

Er nad ydynt yn cael eu nodi'n uniongyrchol fel amcanion strategol y CDLl Diwygiedig yn eu rhinwedd eu hun, mae amcanion llesiant y Cyngor, fel y'u hamlinellir yn Strategaeth Gorfforaethol "Symud Ymlaen yn Sir Gaerfyrddin: y 5 mlynedd nesaf 2018–2023", wedi chwarae rôl lywio^[24].

7.4 Mae amcanion strategol y CDLl Diwygiedig yn ddigon uchelgeisiol ond mae modd hefyd eu cyflawni yng nghyd-destun cynllunio gofodol. Maent wedi'u seilio ar faterion allweddol y Cynllun ac yn ymateb iddynt, ac maent yn darparu platfform ar gyfer gwireddu'r weledigaeth. Maent yn darparu llwyfan ar gyfer cynllun cadarn, yn arbennig o ran eu haddasrwydd, priodoldeb a chyflawnadwyedd ^[25]

7.5 Mae'r amcanion strategol yn cael eu croesgyfeirio â mater perthnasol y CDLl Diwygiedig ac maent hefyd yn destun dadansoddiad o ran a ydynt yn amcanion CAMPUS (Cyraeddadwy, Amserol, Mesuradwy, Penodol, Uchelgeisiol, Synhwyrol).

7.6 Mae amcanion strategol y CDLl Diwygiedig isod.

Arferion Iach - Mae gan bobl ansawdd bywyd da, ac maent yn gwneud dewisiadau iach ynglŷn â'u bywydau a'u hamgylchedd.

AS1 Sicrhau bod yr amgylchedd naturiol, gan gynnwys cynefinoedd a rhywogaethau, yn cael ei ddiogelu a'i wella.
Mynd i'r afael â materion yn ymwneud â'r CDLl	6, 7, 12, 13, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS2 Cynorthwyo i ehangu a hyrwyddo cyfleoedd llesiant trwy fynediad i gyfleusterau cymunedol a hamdden yn ogystal â chefn gwlad.
Mynd i'r afael â materion yn ymwneud â'r CDLl	10, 11, 12, 15, 22, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS5 Diogelu a gwella'r amgylchedd adeiledig a hanesyddol a hyrwyddo'r arfer o ailddefnyddio adeiladau segur yn briodol.
Mynd i'r afael â materion yn ymwneud â'r CDLl	8, 26, 27, 30, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

Ymyrraeth Gynnar - Sicrhau bod pobl yn cael y cymorth iawn ar yr adeg iawn; pan fydd ei angen arnynt.

AS3 Helpu i ehangu a hyrwyddo cyfleoedd am addysg a hyfforddiant sgiliau i bawb.
Mynd i'r afael â materion yn ymwneud â'r CDLl	11, 15, 16, 22, 25, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS4 Sicrhau bod egwyddorion cyfle cyfartal a chynhwysiant cymdeithasol yn cael eu cynnal drwy hyrwyddo mynediad i wasanaethau cyhoeddus, gofal iechyd, siopau, cyfleusterau hamdden a chyfleoedd gwaith amrywiol ac o ansawdd uchel, yn ogystal â chanol trefi bywiog.
Mynd i'r afael â materion yn ymwneud â'r CDLl	2, 3, 9, 11,14,16,18, 22, 25, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

Cysylltiadau Cryf - Pobl, lleoedd a sefydliadau y mae cysylltiad cryf rhyngddynt, sy'n gallu addasu i newid.

AS6 Sicrhau bod egwyddorion cynaliadwyedd gofodol yn cael eu cynnal trwy gyfeirio datblygiadau i leoliadau cynaliadwy sydd â mynediad i wasanaethau a chyfleusterau, a rhoi anogaeth i ailddefnyddio tir a ddatblygwyd o'r blaen lle bynnag y bo hynny'n bosibl.
Mynd i'r afael â materion yn ymwneud â'r CDLl	5, 7,13, 22, 23, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS7 Gwneud cyfraniad sylweddol tuag at fynd i'r afael ag achos newid yn yr hinsawdd ac addasu ei effeithiau, gan gynnwys hyrwyddo ynni adnewyddadwy a'r defnydd effeithlon o adnoddau a'u diogelu.
Mynd i'r afael â materion yn ymwneud â'r CDLl	5, 7,13, 24, 26, 32, 33
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS8 Cyfrannu at ddarparu system drafnidiaeth integredig a chynaliadwy sydd ar gael i bawb, gan gynnwys cysylltiadau â dulliau trafnidiaeth amgen.
Mynd i'r afael â materion yn ymwneud â'r CDLl	22 ,23 , 24, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

Pobl a Lleoedd Ffyniannus - Gwneud y gorau o gyfleoedd i bobl a lleoedd mewn rhannau trefol a gwledig o'n sir fel ei gilydd.

AS9 Diogelu a gwella cymeriad amrywiol, nodweddion unigryw, diogelwch a bywiogrwydd cymunedau'r Sir drwy hyrwyddo dull o greu lle ac ymdeimlad o le.
Mynd i'r afael â materion yn ymwneud â'r CDLl	8, 26, 28, 31, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS10 Darparu rhif a cymysgedd priodol o dai o ansawdd ledled y Sir, yn seiliedig ar egwyddorion datblygu economaidd-gymdeithasol cynaliadwy a chyfleoedd cyfartal.
Mynd i'r afael â materion yn ymwneud â'r CDLl	3, 17, 18,19, 20, 21, 22, 23, 26,28, 29, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS11 Helpu i warchod, gwella a hyrwyddo'r Gymraeg a hunaniaeth ddiwylliannol unigryw'r Sir ynghyd â'i hasedau a'i gwead cymdeithasol.
Mynd i'r afael â materion yn ymwneud â'r CDLl	3, 17, 18, 20, 26, 28, 29, 31, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS12 Annog buddsoddiad ac arloesedd mewn ardaloedd gwledig a threfol trwy sicrhau darpariaeth ddigonol i ddiwallu'r angen am waith a chyfrannu ar lefel ranbarthol tuag at gyflawni Bargen Ddinesig Bae Abertawe.
Mynd i'r afael â materion yn ymwneud â'r CDLl	1, 2, 3, 4, 15, 16, 23, 25, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS13 Darparu ar gyfer mentrau twristiaeth cynaliadwy o ansawdd uchel drwy gydol y flwyddyn.
Mynd i'r afael â materion yn ymwneud â'r CDLl	4, 25, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

AS14 Adlewyrchu'r gofynion sy'n gysylltiedig â chyflwyno datblygiadau newydd, o safbwynt seilwaith caled a meddal (gan gynnwys band eang).
Mynd i'r afael â materion yn ymwneud â'r CDLl	23, 24, 25, 26, 32
Cyraeddadwy, Amserol, Mesuradwy, Penodol, Uchelgeisiol, Synhwyrol	
Uchelgeisiol	

Tabl2

output

Ffigur 6

^[24]Mae'r Papur Pwnc – Materion, Gweledigaeth ac Amcanion yn cynnwys asesiadau cydnawsedd rhwng amcanion strategol y CDLl Diwygiedig ac amcanion llesiant y Cyngor, ac amcanion strategol y CDLl Diwygiedig yn erbyn fframwaith yr Arfarniad Cynaliadwyedd.

^[25] Paragraff 8.2.1.2 o Lawlyfr ar Gynlluniau Datblygu Lleol Llywodraeth Cymru – Argraffiad 2

Am gyfarwyddiadau ar sut I ddefnyddio’r system ac I wneud sylwadau, gwelwch ein canllaw cymorth.

Yn ôl i’r brig