Strategaeth a Ffefrir

Daeth i ben ar 8 Chwefror 2019

Rhestr Termau

Adroddiad Adolygu	Yr adroddiad statudol gofynnol dan adran 69 Deddf 2004 a/neu Reoliad 41 gyda'r nod o ddod i gasgliad ar weithdrefn adolygu'r Cynllun Datblygu Lleol ac sydd i'w ddilyn yn seiliedig ar asesiad clir o'r hyn a ystyriwyd a'r hyn mae angen ei newid a pham, yn seiliedig ar dystiolaeth.
Adroddiad Arfarniad o Gynaliadwyedd	Dogfen y mae'n ofynnol ei pharatoi fel rhan o'r broses o arfarnu cynaliadwyedd i ddisgrifio ac arfarnu'r effeithiau sylweddol tebygol ar gynaliadwyedd o weithredu'r CDLl, sydd hefyd yn bodloni'r gofyniad am yr Adroddiad Amgylcheddol o dan Reoliadau'r Asesiad Amgylcheddol Strategol. O dan adran 62(6) o'r Ddeddf, mae'n ofynnol i bob Awdurdod Cynllunio Lleol baratoi adroddiad o ganfyddiadau Arfarniad o Gynaliadwyedd y CDLl. Caiff Adroddiad yr Arfarniad o Gynaliadwyedd ei gynhyrchu'n gyntaf yn ystod cam y Strategaeth a Ffefrir (a elwir yn Adroddiad Interim yr Arfarniad o Gynaliadwyedd), yna ymhelaethir arno yn ystod cam y Cynllun Adneuo a chaiff y fersiwn terfynol ei gynhyrchu ochr yn ochr â'r Datganiad Mabwysiadu.
Adroddiad Monitro Blynyddol	Bydd yr adroddiad yn asesu i ba raddau y mae polisïau yn y CDLl yn cael eu gweithredu'n llwyddiannus (Rheoliad 37 o Reoliadau Cynllunio Gwlad a Thref (Cynlluniau Datblygu Lleol) (Cymru) 2005).
Amcan/ Amcan Strategol	Datganiad o'r hyn a fwriedir, gan nodi i ba gyfeiriad y dymunir newid o ran tueddiadau.
Amwynder	Elfen neu elfennau cadarnhaol sy'n cyfrannu at gymeriad cyffredinol ardal, neu fwynhad ohoni. Er enghraifft, tir agored, coed, adeiladau hanesyddol a'r cydberthynas rhyngddynt, neu ffactorau llai diriaethol fel llonyddwch.
Ardal Cadwraeth Arbennig	Safleoedd o bwysigrwydd cadwraethol rhyngwladol a ddynodwyd gan Weinidogion Cymru o dan y Gyfarwyddeb Ewropeaidd ar Warchod Cynefinoedd Naturiol a Phlanhigion ac Anifeiliaid Gwyllt. Hefyd mae yna ymgeiswyr Ardal Cadwraeth Arbennig, y dylid eu hystyried, o dan bolisi'r Llywodraeth, yn Ardaloedd Cadwraeth Arbennig llawn wrth ymchwilio i effeithiau defnydd tir.
Ardaloedd Cadwraeth	Ardal a ddynodir gan yr awdurdod cynllunio lleol, o dan Ddeddfwriaeth, sydd o ddiddordeb pensaernïol neu hanesyddol arbennig, â chymeriad neu olwg y mae'n ddymunol ei gadw neu ei wella.
Ardal Gwarchodaeth Arbennig	Mae Ardaloedd Gwarchodaeth Arbennig ar gyfer Adar Gwyllt o dan Gyfarwyddeb y Cyngor Ewropeaidd ar Warchod Adar Gwyllt (79/4C9/EEC) yn darparu ar gyfer gwarchod a rheoli'r holl rywogaethau adar gwyllt sy'n bodoli'n naturiol.
Ardoll Seilwaith Cymunedol	Tâl cynllunio yw Ardoll Seilwaith Cymunedol, a gyflwynwyd gan Ddeddf Cynllunio 2008 fel offeryn i awdurdodau lleol helpu i gyflwyno seilwaith i gefnogi datblygu eu hardal. Daeth i rym ar 6 Ebrill 2010 drwy Reoliadau Ardoll Seilwaith Cymunedol 2010.
Arfarniad o Gynaliadwyedd	Offeryn ar gyfer arfarnu polisïau a chynigion i sicrhau eu bod yn adlewyrchu amcanion datblygu cynaliadwy (h.y. ffactorau cymdeithasol, amgylcheddol ac economaidd). O dan Adran 62(6) o'r Ddeddf, mae'n ofynnol i bob Awdurdod Cynllunio Lleol gynnal Arfarniad o Gynaliadwyedd y CDLl. Mae'r math hwn o arfarniad yn ymgorffori'n llawn ofynion Cyfarwyddeb yr Asesiad Amgylcheddol Strategol.
Asesiad Amgylcheddol Strategol	Term generig a ddefnyddir yn rhyngwladol i ddisgrifio asesiad amgylcheddol fel y'i cymhwysir at bolisïau, cynlluniau a rhaglenni. O dan Reoliadau'r Asesiad Amgylcheddol Strategol, mae'n ofynnol cynnal "asesiad amgylcheddol ffurfiol o gynlluniau a rhaglenni penodol, gan gynnwys y rhai ym maes cynllunio a defnydd tir".
Asesiad Rheoliadau Cynefinoedd	Y sgrinio a'r asesu priodol o opsiynau sy'n ofynnol dan Ran 6 Pennod 8 Rheoliadau Gwarchod Cynefinoedd a Rhywogaethau 2010 (fel y'u diwygiwyd) (y Rheoliadau Cynefinoedd). Proses ailadroddol gydnabyddedig sy'n helpu i benderfynu'r effaith sylweddol debygol ar gynllun neu raglen a (lle y bo'n briodol) asesu effeithiau negyddol ar gyfanrwydd safle Ewropeaidd. Mae angen i awdurdod cymwys ymgymryd â'r asesiad o ran cynlluniau neu brosiectau sy'n debygol o gael effaith sylweddol (yn unigol ac ar y cyd â chynlluniau a phrosiectau eraill) ar 'safle Ewropeaidd' (gweler paragraff 5.1.2 TAN5) neu, fel mater o bolisi, 'safle Ewropeaidd' arfaethedig neu safle Ramsar dan ddarpariaethau Erthygl 6(3) Cyfarwyddeb Ewropeaidd 92/43/ECC (y Gyfarwyddeb Cynefinoedd), Rheoliadau 61 a 102 Rheoliadau Gwarchod Cynefinoedd a Rhywogaethau (fel y'u diwygiwyd) 2010, a Rheoliad 25 Rheoliadau Cadwraeth Forol Alltraeth (Cynefinoedd Naturiol, &c.) 2007.
Atodol	Lle bo'r defnydd o'r tir neu'r adeiladau'n wahanol i'r prif ddefnydd ac yn llai pwysig ac yn cael ei ganiatáu oherwydd ei gysylltiad â'r prif ddefnydd.
Awdurdod Cynllunio Lleol	Awdurdod cynllunio sy'n gyfrifol am baratoi Cynllun Datblygu Lleol.
Bioamrywiaeth	Yr amrywiadau ymysg organebau byw o bob ffynhonnell, gan gynnwys anifeiliaid, planhigion, adar, pryfed a physgod, a'r cynefinoedd maent yn rhan ohonynt.
Cadernid	Er mwyn cael ei fabwysiadu, rhaid i Gynllun Datblygu Lleol gael ei nodi'n 'gadarn' gan yr arolygydd archwilio (adran 64 Deddf 2004). Caiff profion a gwiriadau cadernid eu nodi ym Mholisi Cynllunio Cymru.
Cam Cyn-adneuo	Yn Llawlyfr y CDLl, cyfeirir ato fel cam Dewisiadau Strategol a Strategaeth a Ffefrir y broses o baratoi'r Cynllun.
Canllawiau Cynllunio Atodol	Gwybodaeth atodol mewn perthynas â'r polisïau mewn CDLl. Nid ydynt yn rhan o'r cynllun datblygu ac ni chânt eu harchwilio'n annibynnol ond mae'n rhaid iddynt fod yn gyson â'r cynllun a chyda pholisi cynllunio cenedlaethol. Gallant gael eu datblygu i ystyried agweddau unigol neu thematig ar y cynllun a'r dyraniadau safleoedd, gan gynnwys prif gynlluniau.
Cofrestr Safleoedd Ymgeisiol	Mae cofrestr o safleoedd ymgeisiol yn cael ei pharatoi ar ôl galw am safleoedd ymgeisiol gan yr awdurdod cynllunio lleol.
Cyflawniadau	Caniatadau cynllunio ar gyfer datblygiadau sydd wedi'u hadeiladu neu wedi eu rhoi ar waith.
Cyfuniad	Cyfuno neu gysylltu ddau anheddiad ar wahân neu wahanol elfennau anheddiad.
Cymeriad	Term yn ymwneud ag Ardaloedd Cadwraeth neu Adeiladau Rhestredig, ond hefyd â golwg unrhyw leoliad gwledig neu drefol o ran ei dirwedd neu batrwm y strydoedd a mannau agored, sydd yn aml yn rhoi hunaniaeth unigryw i'r gwahanol fannau.
Cymuned	Pobl sy'n byw mewn ardal ddaearyddol a ddiffinnir, neu sy'n rhannu diddordebau eraill ac felly'n ffurfio cymunedau o ddiddordeb.
Cynefin	Ardal o ddiddordeb o ran cadwraeth natur.
Cynllun Cynnwys y Gymuned	Mae hwn yn nodi cynllun y prosiect a pholisïau'r awdurdod cynllunio lleol ar gyfer cynnwys cymunedau lleol, gan gynnwys busnesau, wrth baratoi Cynlluniau Datblygu Lleol. Cyflwynir y Cynllun Cynnwys y Gymuned i Lywodraeth Cymru fel rhan o'r Cytundeb Darparu i'w gytuno.
Cynllun Datblygu Lleol	Y cynllun datblygu statudol ofynnol ar gyfer pob ardal awdurdod cynllunio lleol yng Nghymru dan Ran 6 Deddf Cynllunio a Phrynu Gorfodol 2004.Cynllun defnydd tir sy'n destun archwiliad annibynnol, a fydd yn llunio'r cynllun datblygu statudol ar gyfer ardal awdurdod cynllunio at ddibenion y Ddeddf. Dylai gynnwys gweledigaeth, strategaeth, polisïau ardal eang ar gyfer mathau o ddatblygu, dyraniadau tir, a, lle y bo angen, polisïau a chynigion ar gyfer ardaloedd allweddol o newid a diogelu. Rhaid i bolisïau a dyraniadau gael eu dangos yn ddaearyddol ar y Map Cynigion sy'n ffurfio rhan o'r cynllun.
Cynllun Datblygu Strategol	Strategol Gwneir darpariaeth o dan Ddeddf Cynllunio (Cymru) 2015 ar gyfer paratoi Cynlluniau Datblygu Strategol yn rhanbarthol. Bydd Cynlluniau Datblygu Strategol yn ystyried y Fframwaith Datblygu Cenedlaethol gan ymateb i faterion strategol yn rhanbarthol.
Cynllun Gofodol Cymru	Cynllun sydd wedi'i baratoi ac wedi'i gymeradwyo gan Gynulliad Cenedlaethol Cymru o dan adran 60 y Ddeddf, sy'n gosod fframwaith strategol i lywio datblygiadau ac ymyriadau polisïau yn y dyfodol, p'un a yw'r rhain yn ymwneud â rheoli cynllunio defnydd tir ffurfiol ai peidio. O dan adran 62(5)(b) y Ddeddf, mae'n rhaid i awdurdod cynllunio lleol ystyried Cynllun Gofodol Cymru wrth baratoi CDLl.
Cynllun Integredig Sengl	Yn rhyddhau dyletswyddau statudol a nodwyd gan Lywodraeth Cymru ('Diben a Rennir – Cyflwyno ar y Cyd', LlC 2012), gan gynnwys strategaethau cymunedol; wedi'i baratoi gan Fwrdd Gwasanaethau Lleol. Gweler 'Cynlluniau Llesiant Lleol', a fydd yn disodli Cynlluniau Integredig Sengl.
Cynllun Mabwysiedig	Cam olaf proses paratoi Cynllun Datblygu Lleol – pan ddaw'r Cynllun Datblygu Lleol yn Cynllun Datblygu statudol o dan y Ddeddf.
Cynllun Morol	Cynllun Morol Cenedlaethol Cymru a baratowyd o dan Ddeddf Mynediad Morol ac Arfordirol 2009.
Cynllun Llesiant Lleol	O dan Ddeddf Llesiant Cenedlaethau'r Dyfodol (Cymru) 2015, caiff Byrddau Gwasanaethau Cyhoeddus eu sefydlu ar gyfer pob ardal awdurdod lleol; bwriedir y bydd pob un yn paratoi Cynllun Llesiant i ddisodli'r Cynllun Integredig Sengl erbyn mis Ebrill 2018 (adran 39).
Cytundeb Cyflenwi	Dogfen sy'n cynnwys amserlen yr ACLl ar gyfer paratoi'r CDLl ynghyd â'i Gynllun Cynnwys Cymunedau, a gyflwynir i Lywodraeth Cymru er mwyn iddi gytuno arni.
Cytundeb Adran 106	Gweler y Rhwymedigaethau Cynllunio.
Dangosydd Cyd-destunol	Dangosydd a ddefnyddir i fonitro newidiadau yn y cyd-destun lle mae'r cynllun yn cael ei roi ar waith neu ei baratoi.
Datblygu Consensws	Proses o gynnal deialog cynnar â grwpiau buddiant a dargedir er mwyn deall safbwyntiau perthnasol a chytuno ar gam gweithredu.
Datblygiad Hirgul	Estyniad llinellol i aneddiadau, gan gynnwys datblygu ffryntiad ar hyd ffyrdd dynesu, sy'n achosi i ddatblygiad ymwthio i gefn gwlad yn ddiangen.
Datblygiad Mewnlenwi	Datblygu bwlch bach rhwng adeiladu sy'n bodoli eisoes. Er mwyn ei ystyried yn ddatblygiad mewnlenwi, rhaid bod perthynas rhyngddo a maint a chymeriad yr anheddiad penodol.
Datganiad o Dir Cyffredin	Diben y Datganiad o Dir Cyffredin yw sefydlu prif feysydd o gytundeb rhwng dau barti neu fwy ar fater penodol.
Defnydd Cymysg	Datblygiadau neu gynigion sy'n cynnwys mwy nag un math o ddefnydd ar yr un safle.
Dogfennau Cyn-adneuo	Mae'r rhain yn cynnwys y weledigaeth, yr opsiynau strategol, y strategaeth ddewisol, y polisïau allweddol, yr adroddiad ar yr arfarniad o gynaliadwyedd, y gofrestr o safleoedd ymgeisiol, a'r adroddiad adolygu (os yw'n briodol).
Dogfennau wedi'u Hadneuo	Mae'r rhain yn cynnwys y Cynllun Datblygu Lleol wedi'i adneuo, yr adroddiad ar yr arfarniad o gynaliadwyedd, yr adroddiad ymgynghori cychwynnol, y gofrestr o safleoedd ymgeisiol, yr adroddiad adolygu (os yw'n berthnasol), ac unrhyw ddogfennau cefnogi perthnasol.
Dwysedd	Yn achos datblygiad preswyl, mesuriad o naill ai nifer yr ystafelloedd cyfanheddol i bob hectar neu nifer yr anheddau i bob hectar.
Dyraniadau Safle Benodol	Dyraniadau safleoedd (cynigion) ar gyfer defnydd penodol neu gymysg neu ddatblygiad. Bydd polisïau'n nodi unrhyw ofynion penodol ar gyfer cynigion unigol. Caiff y dyraniadau eu dangos ar fap cynigion y CDLl.
Fframwaith Datblygu Cenedlaethol	Gwneir darpariaeth dan Ddeddf Cynllunio (Cymru) 2015 er mwyn paratoi Fframwaith Datblygu Cenedlaethol. Wedi'i baratoi gan Lywodraeth Cymru, bydd y Fframwaith Datblygu Cenedlaethol yn gosod fframwaith defnydd tir 20 mlynedd i Gymru a bydd yn disodli Cynllun Gofodol presennol Cymru.
Gwarchodfa Natur Genedlaethol	Ardal a ddynodwyd oherwydd ei bwysigrwydd cenedlaethol yn nhermau cadwraeth natur ac a reolir trwy gytundebau gwarchodfa natur ar y cyd gyda thirfeddianwyr ac ati.
Gwaelodlin/ Gwaelodlin Cyn Newid	Disgrifiad o gyflwr presennol ardal er mwyn mesur newid yn ei erbyn.
Lliniaru	Mesurau i osgoi, lleihau neu wneud yn iawn am effeithiau negyddol sylweddol.
Mabwysiedig	Cadarnhad derfynol bod y cynllun datblygu yn bolisi cynllunio defnydd tir gan yr Awdurdod Cynllunio Lleol.
Maes Chwarae	Tir â maes neu feysydd ar gyfer gemau.
Man Agored	Yr holl fannau o werth cyhoeddus, gan gynnwys ardaloedd cyhoeddus a dirweddwyd, caeau chwarae, parciau a mannau chwarae, ac nid tir yn unig, ond hefyd mannau â dŵr fel afonydd, camlesi, llynnoedd a chronfeydd sy'n gallu cynnig cyfleoedd ar gyfer chwaraeon a hamdden neu'n gallu bod yn amwynder gweledol ac yn hafan i fywyd gwyllt.
Nodyn Cyngor Technegol (TAN)	Dogfen wedi'i seilio ar bwnc penodol a gyhoeddir gan Lywodraeth Cynulliad Cymru i atodi Polisi Cynllunio Cymru.
Partneriaid	Adrannau awdurdodau lleol/parciau cenedlaethol a chyrff statudol eraill lle bydd y Cynllun Datblygu Lleol yn helpu i gyflwyno rhai o nodau eu strategaethau. Efallai y disgwylir i bartneriaid gyfrannu at ffurfio rhannau perthnasol o'r Cynllun Datblygu Lleol.
Polisi Cynllunio Cymru	Mae Polisi Cynllunio Cymru'n nodi polisïau Llywodraeth Cynulliad Cymru ar gyfer cynllunio defnydd tir. Caiff ei atodi gan gyfres o Nodiadau Cyngor Technegol. Rhoddir cyngor gweithdrefnol trwy gylchlythyrau a llythyrau egluro polisi.
Polisïau Penodol	Cyfres o bolisïau sy'n seiliedig ar feini prawf a fydd yn sicrhau bod pob datblygiad yn yr ardal yn bodloni'r nodau a'r amcanion a nodir yn y Strategaeth.
Ramsar	Safle gwlyptir o bwysigrwydd rhyngwladol i gadwraeth natur. Awdurdodir y dynodiad gan Gonfensiwn Ramsar 1971, trwy'r hwn y bydd Llywodraethau Ewropeaidd sy'n ymrwymo iddo yn addo gwarchod ardaloedd o'r fath.
Rhanddeiliaid	Buddiannau yr effeithir arnynt yn uniongyrchol gan y Cynllun Datblygu Lleol (a/neu Asesiad Amgylcheddol Strategol) – cymryd rhan drwy gyrff cynrychiolaethol yn bennaf.
Rhwymedigaeth Gynllunio	Cytundeb cyfreithiol rhwng ymgeisydd a'r awdurdod cynllunio lleol i sicrhau bod datblygiad yn cael ei gyflawni mewn ffordd benodol. Cyfeirir ati hefyd fel Cytundeb Adran 106.
Safleoedd o Ddiddordeb Gwyddonol Arbennig	Caiff Safleoedd o Ddiddordeb Gwyddonol Arbennig eu pennu gan Cyfoeth Naturiol Cymru o dan Ddeddfwriaeth i warchod planhigion ac anifeiliaid a nodweddion daearegol neu ffisiograffigol o ddiddordeb arbennig.
Sail Dystiolaeth	Dehongli data gwaelodlin neu wybodaeth/ddata arall i ddarparu'r sail ar gyfer polisi cynllunio.
Safle Ymgeisiol	Safleoedd ymgeisiol yw'r rhai a enwebir gan unrhyw un i'w hystyried gan yr awdurdod cynllunio lleol mewn Cynllun Datblygu Lleol newydd.
Seilwaith	Yn cynnwys gwasanaethau fel ffyrdd, cyfleusterau trafnidiaeth, cyflenwadau dŵr, carthffosiaeth a chyfleusterau trin dŵr gwastraff cysylltiedig, cyfleusterau rheoli gwastraff, cyflenwadau ynni (trydan a nwy) a rhwydweithiau dosbarthu a'r seilwaith telathrebu. Mae'r seilwaith meddal yn cynnwys TGCh a thelathrebu.
Strategaeth Gymunedol Integredig	Yn ofynnol gan Fesur Llywodraeth Leol (Cymru) 2009 (Rhan 2: Adrannau 37–46) gyda'r nod o wella llesiant cymdeithasol, amgylcheddol ac economaidd yn eu hardaloedd. Fe'i cyfeirir ato hefyd fel 'Cynllun Integredig Sengl'.
Tai Fforddiadwy	Tai a ddarperir i'r rhai nad yw'r farchnad agored yn diwallu eu hanghenion. Dylai tai fforddiadwy: • ddiwallu anghenion aelwydydd cymwys, gan gynnwys tai am bris digon isel iddynt ei fforddio, a bennir gan ystyried incymau lleol a phrisiau tai lleol; a • chynnwys darpariaeth i'r cartref aros yn fforddiadwy i aelwydydd cymwys yn y dyfodol, neu os yw'r cartref yn peidio â bod yn fforddiadwy neu os yw'r preswylwyr yn cynyddu cyfran eu perchentyaeth hyd at berchnogaeth lawn, fel arfer dylid ailgylchu unrhyw gymorthdaliadau i ddarparu tai fforddiadwy yn ei le. Rhennir hyn yn ddau is-gategori: • tai rhent cymdeithasol – a ddarperir gan awdurdodau lleol a landlordiaid cymdeithasol cofrestredig lle mae lefelau'r rhent yn ystyried rhenti awgrymedig a rhenti meincnod Llywodraeth y Cynulliad; a • thai canolradd – lle mae prisiau neu renti'n uwch na rhai'r tai rhent cymdeithasol ond yn is na phrisiau neu renti'r farchnad dai. Gall hyn gynnwys cynlluniau rhannu ecwiti (er enghraifft Homebuy). Mae tai canolradd yn wahanol i dai cost isel ar y farchnad, nad yw Llywodraeth y Cynulliad yn eu hystyried yn dai fforddiadwy at ddibenion y system cynllunio defnydd tir. (TAN 2: Rhestr Termau)
Tai'r Farchnad Agored	Tai preifat i'w rhentu neu werthu lle pennir y pris yn y farchnad agored. (TAN2: Rhestr Termau)
Terfynau Datblygu	Cyfyngiad a nodir i ddiffinio ardal o anheddiad lle mae datblygu'n dderbyniol mewn egwyddor yn unol ag ystyriaeth fanwl o ddarpariaeth amgylcheddol, amwynder, mynediad, gwasanaeth cyhoeddus ac ystyriaethau eraill. Ardaloedd y tu allan i'r cyfyngiadau a ystyrir fel cefn gwlad agored.
Tir a Ddatblygwyd o'r Blaen	Tir ac arno strwythur parhaol, neu y bu strwythur parhaol arno (ac eithrio adeiladau amaethyddol neu goedwigaeth) ynghyd â seilwaith wyneb sefydlog. Gweler hefyd y Diffiniad o Dir a ddatblygwyd o'r blaen ym Mholisi Cynllunio Cymru, Argraffiad 9.
Tir Cyflogaeth	Tir a ddefnyddir at ddibenion cyflogaeth gan un neu ragor o'r canlynol: swyddfeydd, gweithgynhyrchu, ymchwil a datblygu, storio a dosbarthu (gweler hefyd Dosbarthiadau Defnydd).
Ymgysylltu	Proses sy'n annog trafodaethau sylweddol mewn cymuned. Ymgais rhagweithiol i gynnwys unrhyw grŵp penodol o bobl / adran o'r gymuned.
Ymgynghoriad	Proses ffurfiol lle gwahoddir sylwadau ar bwnc arbennig neu gasgliad o bynciau neu ddogfen ddrafft.
Ymrwymiadau	Tir nas datblygwyd â chaniatâd cynllunio cyfredol neu dir sy'n cael ei ddatblygu ar hyn o bryd.

Am gyfarwyddiadau ar sut I ddefnyddio’r system ac I wneud sylwadau, gwelwch ein canllaw cymorth.

Yn ôl i’r brig